ពោធិ៍សាត់ ៖ រថយន្ត១គ្រឿងព័ណ៍ត្រីអុី ដែលគេដឹងថាតែងតែដឹកយុវជនស្ម័គ្រចិត្តចុះវាស់វែងដីធ្លីកន្លងមកនោះ ត្រូវបានកម្លាំងចម្រុះក្រោមបញ្ជារបស់លោកអភិបាលខេត្តពោធិ៍សាត់ធ្វើការស្ទាក់ចាប់បាននៅលើផ្លូវជាតិលេខ៥ ស្ថិតក្នុងភូមិក្បាលដំរី ឃុំអន្សាចំបក់ ស្រុកក្រគរ ខេត្តពោធិ៍សាត់កាលពីវេលាម៉ោង៦ព្រឹកថ្ងៃទី៨ ខែធ្នូ ឆ្នាំ២០១៥ ដោយពិនិត្យឃើញផ្ទុកសុទ្ធតែឈើប្រណីតប្រភេទធ្នង់មុខធំៗជាច្រើនកំណាត់ពេញទ្រុងខាងក្រោយរថយន្ត ជាមួយនិងមនុស្សពីនាក់ដែលជាអ្នកបើកបរដឹកជញ្ជូនបទល្មើលនេះយកមកកាន់អធិការស្រុកក្រគរ រូចបន្តដឹកទៅរក្សាទុកនៅខ័ណ្ឌរដ្ឋបាលព្រៃឈើពោធិ៍សាត់ ដើម្បីវាស់ថ្លឹងឈើទាំងនោះ រួមទាំងជនសង្ស័យទៅតុលាកា។
នៅក្នុងអធិការដ្ឋាននគរបាលស្រុកក្រគរស្របពេលដែលកម្លាំងចម្រុះរឹបអូសយកមកដល់បទល្មើសខាងលើនេះ លោក អែម រុន អធិការដ្ឋាននគរបាលស្រុកក្រគរបានឲ្យដឹងថា ៖ ដោយមានកាបញ្ជារផ្ទាល់ពីលោក មៅ៉ ធនិន្ទ អភិបាលនៃគណៈអភិបាលខេត្តពោធិ៍សាត់និងជាប្រធានគណៈបញ្ជារការឯកភាពក្ដាប់រួមទទូទាំងខេត្តរាល់កាបង្ក្រាប់បទបទល្មើសកើតឡើង កំលាំងចម្រុះយើងក៍បានសង្ស័យលើរថយន្តខាងលើ ដែលធ្វើចរាចរណ៍លើផ្លូវជាតិ លេខ០៥ទិសដៅពីលិចទៅកើត ក៍ធ្វើការស្ទាក់ត្រួតពិនិត្យនៅក្នុងរថយន្តត្រង់ចំនុចខាងលើ គ្រាន់តែបើកតង់ខាងក្រោយទ្រុងរថយន្តភ្លាមក៍ឃើញ ដឹកសុទ្ធតែឈើប្រណឹតប្រភេទឈើធ្នង់មុខធំៗជាច្រើនកំណាត់ពេញទ្រុងរថយន្ត ហើយក៍សួនាំរកលិខិតស្នាម ច្បាប់ទម្លាប់នៃកាដឹកអនុផលព្រៃឈើនេះគ្មាន ក៍លោកអភិបាលខេត្ត បញ្ជារឲ្យចាប់ទាំងរថយន្តដឹកឈើ ចាប់ទាំងមនុស្សពីនាក់ បើកបររថយន្តនេះ មកកាន់អធិកាតែម្ដង។
លោកអធិកាបានបន្តថា ជនសង្ស័យដឹកបទល្មើសត្រូវឃាត់ខ្លួននេះចំនួនពីនាក់ទី១ឈ្មោះ អាន រ៉ែម អាយុ២៥ឆ្នាំ ភេទប្រុសជាទាហាននៅកងពលតូចផ្នែកដឹកជញ្ជូនលេខ៩៩ ពោធិ៍ចិនតុង។ ទី២ឈ្មោះ អ៊ុល សុធា អាយុ៤៥ឆ្នាំ ភេទប្រុស បំរើការងារជាទាហាននៅជាមួយគ្នាខាងលើ។
អ្នកឆ្លើយឆ្លងព័ត៍មានយើងបានជួបផ្អាល់ ជាមួយជនសង្ស័យឈ្មោះ អាន រ៉ែម ត្រូវឃាត់ខ្លួន គេបានឆ្លើយស្របគ្នានិងសមត្ថកិច្ចសួនាំផងដែរថា៖ គឺឈើទាំងនេះត្រូវបានឈ្មួញឲ្យមកដឹកនៅស្រុកភ្នំក្រវាញ តាមរយះរថយន្តត្រីអុីពាក់ស្លាក់លេខ ខេមរភួមិន្ទ 3-47-76 ដោយដឹកឈើប្រភេទធ្នងមុខធំៗប្រមាណជាជាង៥តោន ធ្ពោះទៅរាជធានីភ្នំពេញ មកដល់ចំនុចខាងលើក៍ត្រូវកំលាំងសមត្ថកិច្ចចាប់តែម្ដង។
នៅក្នុងហេតុកានេះដែរក៍មានសមត្ថកិច្ចមួយរូបបានទម្លាយព័ត៍មាននេះថា មុននេះបន្តិចមានមេបញ្ជារកាកងពលម្នាក់ដែលកំពុងឈរជើងនៅព្រំដែនការពារប្រាសាទតាមាន់ បាននិយាយតាមទូរស័ព្ទថា អ្នកបើកបរថយន្តពីនាក់នេះគេឲ្យពួកវាបើកយករថយន្តទៅទុកបន្ទាយពោធិ៍ចិនតុង បែជាបើករថយន្តចូលស្រុកភ្នំក្រវាញដឹកឈើខុសច្បាប់ឲ្យគេចាប់ទៅវិញ។
លោក អែម រុន អធិការនគរបាលស្រុកក្រគរបានឲ្យដឹងចុងក្រោយថា សមត្ថកិច្ចកំពុងតែធ្វើកំណត់ហេតុពួកគេទាំង ដើម្បីបង្ករសំណុំរឿងនាំទៅតុលាកា និងវត្ថុតាងបទល្មើសឈើប្រណិតជាមួយរថយន្តនេះគឺបញ្ជូនទៅខ័ណ្ឌរដ្ឋបាលព្រៃឈើពោធិ៍សាត់វាស់ថ្លឹងធ្វើកំណត់ហេតុរក្សាទុកតាមបញ្ជារបស់លោកអភិបាលខេត្ត៕
