ខេត្តបន្ទាយមានជ័យ៖ដោយមើលឃើញពីការលំបាករបស់ពលរដ្ឋក្នុងការធ្វើដំណើរទាំងពេលនេះនិងរដូវវស្សា រួមទាំងការដឹកជញ្ជូនផ្សេងៗ ដោយសារតែផ្លូវមានសភាពចាស់ទ្រុឌទ្រោម ជង្ហុកតូចធំច្រើនកន្លែង នៅថ្ងៃទី០៨ ខែធ្នូ ឆ្នាំ២០១៥នេះ អាជ្ញាធរស្រុកអន្លង់វែង ខេត្តឧត្តរមានជ័យ បានបើកការដ្ឋានសាងសង់ផ្លូវគ្រួសក្រ ហមមួយខ្សែសម្រួលដល់ការរស់នៅរបស់ពលរដ្ឋក្នុងឃុំអន្លង់វែង ដើម្បីបង្កលក្ខណះងាយស្រួលដល់ ការធ្វើដំណើរនិងដឹកជញ្ជូនកសិផល ផលិតផលទៅលក់តាមទីផ្សារ ដើម្បីប្រកបរបរចិញ្ចឹមជីវិតប្រចាំ ថ្ងៃ។
លោក វង្ស ភក្ត្រ័ មេឃុំអន្លង់វែង បានមានប្រសាសន៍ថា ផ្លូវដែលត្រូវកសាងថ្ងៃនេះមានប្រវែង ៦២៥០ម៉ែត្រ ចំណាយថវិការមូនិធិឃុំឆ្នាំ២០១៥ ចំនួន១១១,៧៣៨,០០០រៀល ដែលមានទីតាំងឆ្លង កាត់ភូមិចំនួន៣គឺភូមិអូតាមែង ភូមិរំចេកកើត និងភូមិរំចែកលិច ដែលមានពលរដ្ឋទទួលផលសរុប៣៤ ៦៧ ស្រី១៨៤៥ ស្មើ៨៨០គ្រួសារ។អាជ្ញាធរស្ថាបនាផ្លូវមួយខ្សែនេះឡើងគឺក្នុងបំណងរួមចំណែកកាត់បន្ថយភាពក្រីក្ររបស់ពលរដ្ឋរស់នៅតាមជនបទ។
ថ្លែងក្នុងឱកាសនោះលោក ហោ ជិនវរយុទ្ធ អភិបាលស្រុកអន្លង់វែង មានប្រសាសន៍ថា ផ្លូវមួយ ខ្សែនេះគឺជាសេសៃឈាមសេដ្ឋកិច្ចរបស់ពលរដ្ឋនិងសង្គមជាតិ ព្រោះពេលស្ថាបនារួចផ្លូវមួយនេះវាងនឹង ផ្តល់នូវប្រយោជន៍យ៉ាងច្រើនដែលរស់នៅសងខាផ្លូវ ងាយស្រួលក្នុងការធ្វើដំណើរ ទៅប្រកបរបរចិញ្ចឹម ជីវិត ធ្វើឲ្យការដឹកជញ្ជូនផលិតផល និងកសិផលទៅកាន់ទីផ្សារបានទាន់ពេលវេលា សិស្សាសាលា ទៅរៀនសូត្របានស្រួល មិនចាំបាច់ដើកាត់ភក់។មិនត្រឹមតែប៉ុណ្ណោះដីធ្លីរបស់ប្រជាពលរដ្ឋក៏ឡើងថ្លៃ មួយកម្រិតផងដែរ។អាចលក់ដូរមុខផ្ទះរកកម្រៃបាន មិនចាំបាច់ធ្វើចំណាកស្រុកទៅស៊ីឈ្នួលស្រុកគេ។
ទន្ទឹមគ្នានោះ អាជ្ញាធរក៏បានផ្តាំផ្ញើរដល់ពលរដ្ឋក្នុងទាំងអស់ដែលមានទីលំនៅសងខាងផ្លូវនេះ ពេលផ្លូវស្ថាបនារួច សូមជួយថែរក្សារឲ្យបានគង់វង្ស ព្រោះវាជាសមទ្ធផលយើងទាំងអស់គ្នា។ហើយក៏ សូមគោរពច្បាប់ចរាចរណ៍ឲ្យបានគ្រប់គ្នា ដើម្បីកាត់បន្ថយអត្រាមនុស្សស្លាប់ ជន
ពិការ ស្ត្រីមេម៉ាយ និង កុមារកំព្រា៕
