ស្ទឹងត្រែង៖កំលាំងអាវុធហត្ថខេត្តសហការជាមួយអាវុធហត្ថក្រុងចុះបង្ក្រាបបទល្មើសគ្រឿងញៀនឃាត់ខ្លួនមនុស្ស២នាក់រួមនិងវត្ថុតាងថ្នាំញៀន៣កញ្ចប់ បញ្ចនកមកាន់ទីបញ្ជាការអាវុធហត្ថខេត្តសាកសួរ។
ប្រតិបត្តិការបង្ក្រាបគ្រឿងញៀនខាងលើនេះ បានធ្វើឡើងកាលពីកាលពីវេលាម៉ោង២១និង២៧នាទីយប់ ត្រង់ចំណុចគុលស្ពានសេកុង ស្ថិតក្នុងភូមិស្រែពោធិ សង្កាត់ស្រះឬស្សី ក្រុង ខេត្តស្ទឹងត្រែង។ ប្រធានមន្ទីប័ត៍មាននិងសន្តិសុខអាវុធហត្ថខេត្តលោកវរសេនីយទោដួង វិចិត្របានអោយដឹងថាជនសង្ស័យដែល អ ហ បង្ក្រាបបានមានឈ្មោះព្រំសុខន ភេទប្រុស អាយុ ៥៣ឆ្នាំ មុខរបរធ្វើសំណង់មានស្រុកកំណើតនៅភូមិត្រាំកក់ ស្រុកត្រាំកក់ ខេត្តតាកែវ បច្ចុប្បន្នស្នាក់នៅផ្ទះជួលបឹងឈូកសង្កាត់ទឹកថ្លាខណ្ឌសែនសុខនិងម្នាក់ទៀត ឈ្មោះនៅ វ៉ា ហៅ តឿ ភេទប្រុសអាយុ២៧ឆ្នាំ ជនជាតិខ្មែរ មុខរបរធ្វើសំណង់ កើតនៅភូមិវាលរបង ឃុំអង្ករ ស្រុកពាមជ័រ ខេត្តព្រៃវែង។លោកប្រធានមន្ទីរព័ត៍មាននិងសន្តិសុខបានបន្តអោយដឹងទៀតថាជសង្ស័យ២នាក់ខាងលើបានធ្វើដំណើរមកពីភ្នំពេញ មកជួលផ្ទះសំណាក់លីហួរ ហើយបានធ្វើសកម្មភាពចែកចាយប្រើប្រាស់ ខណជនសង្ស័យឈ្មោះព្រំសុខន បានយកគ្រឿងឆ្លងស្ពានសេកុង ថាយកគ្រឿងញៀនទៅប្រើប្រាស់ជាមួយនារីម្នាក់ ក៏ត្រូវបានអាវុធហត្ថស្ទា ក់ ចាប់ខ្លួនដកហូតបានថ្នាំញៀនមួយកញ្ចប់ និងបានធ្វើការសាកសួរទើបឈានទៅធ្វើការឃាត់ខ្លួនជនសង្ស័យម្នាក់ទៀតជាបក្សពួកនៅផ្ទះសំណាលីហួរដកហូតបានគ្រឿងញៀន(ម៉ាទឹកកក)២កញ្ចប់បន្ថែមទៀតរួមនិងលុយមួយចំនួននិងសម្ភារៈជាច្រើនទៀតបានបញ្ជូនទៅកាន់ទីបញ្ជាការអាវុធហត្ថខេត្តសាកសួរ។នៅរសៀលថ្ងៃទី០៩ធ្នូនេះ ជនសង្ស័យទាំង២នាក់រួមនិងវត្ថុតាងត្រូវបានសមត្ថកិច្ចជំនាញបញ្ជូនខ្លួនទៅកាន់អយ្យការអមសាលាដំបូងខេត្តដើម្បីចាត់ការបន្តតាមផ្លូវច្បាប់៕
