ស្ទឹងត្រែង៖ក្នុងសកម្មភាពចុះពិនិត្យការដ្ឋានសាងសង់ផ្ទះល្វែង និងផ្សារថ្មីនៅក្រុងស្ទឹងត្រែង នៅថ្ងៃទី០៨ធ្នូ២០១៥ ក្រុមអាជីវករក៏ដូចជាប្រជាពលរដ្ឋ ដែលបានកំពុងលក់ដូរនៅផ្សាថ្មីបណ្តោះអាសន្ននេះ បានគាំទ្រដល់ដៃគូរអភិវឌ្ឍន៍ របស់ក្រុមហ៊ុនតាំងឆៃហេង ពន្លឿន
ការសាងសង់ផ្សារ និងផ្ទះល្វែងឲ្យបានឆាប់ដើម្បីឲ្យប្រជាពលរដ្ឋបានលក់ដូរ មកទិញនិងមករស់នៅច្រើនមានភាព អូរអរពីព្រោះកសិករចង់បានទីផ្សារ សម្រាប់ដោះដូរទំនិញប្រចាំថ្ងៃជាកន្លែងផ្តល់នូវ ថវិកាសំរាប់ជីវភាពរស់នៅប្រចាំថ្ងៃ។
លោកកុលសំអុលអភិបាលខេត្តមានប្រសាសន៍ថា៖ ក្រុមហ៊ុនវិនិយោគជាដៃគូមិនអាចខ្វះបាន ហើយរាជរដ្ឋាភិបាលនិងថ្នាក់ដឹកនាំក្នុងខេត្ត ក៏ដូចប្រជាពលរដ្ឋបានធ្វើការអំពាវនាវ ស្វែងរកដៃគូឲ្យចូលរួមដើម្បីធ្វើឲ្យខេត្តមានការរីកចំរើន ថ្ងៃអនាគត ខេត្តនឹងមានផ្ទះល្វែង មានផ្សារលក់ទំនិញ សំរាប់បំរើសេចក្តីត្រួវការ របស់ប្រជាពលរដ្ឋ។
អភិបាលខេត្តស្ទឹងត្រែងបានចាត់ទុកផ្នែកដៃគូអភិវឌ្ឍន៍ឯកជន ជាយន្តការផ្តល់នូវអទិភាពយ៉ាងសំខាន់ជួយធ្វើឲ្យខេត្តមានការរីកចំរើន ទីក្រុងមានសោភណ្ឌភាព ប្រជាពលរដ្ឋមានការងារធ្វើ និងធ្វើឲ្យសេដ្ឋកិច្ចជាតិមានកំណើនក្នុងពេលមានដៃគូរមកចូលរួម វិនិយោគហេដ្ឋារចនាសម្ពន្ធ័ផ្សេងៗនៅក្នុងខេត្ត។
លោកអភិបាលខេត្តបញ្ជាក់ថា៖ គ្រប់ផ្នែកពាក់ពន្ធ័ត្រូវតែរួមគា្នគាំទ្រផ្នែកឯកជននិងបង្កលក្ខណៈងាយស្រូលគ្រប់សកម្មភាពរាប់ទាំងផ្នែកច្បាប់បន្ថែមផង ដើម្បីទាក់ទាញឲ្យវិស័យឯកជន ជួយអភិវឌ្ឍន៏ផ្នែកសំណង់ក្នុងខេត្តវិស័យឯកជននេះ វាជាការបើកច្រកសេដ្ឋកិច្ចសំខាន់ណាស់ សំរាប់អ្នកស្ទឹងត្រែងហ្នឹង មិនមែនសំរាប់តែអ្នកធ្វើទេ ហើយបើអត់មានវិស័យឯកជន ហើយអត់មានអ្នកក្នុងគាំទ្រ ហើយយើងមិនយកចិត្តទុកដាក់ទៀតគេធុញគេទ្រាន់ដែរ គេមានលុយគេទៅគេនិងរត់ទៅកន្លែងផ្សេងៗ ហើយការវិនិយោគក្នុងខេត្តនេះ វាជាបញ្ហាល្អណាស់សំរាប់ពង្រីកសោភណ្ឌ័ភាព ពង្រីកសេចក្តីត្រូវការប្រជាពលរដ្ឋ នៅក្នុងខេត្តយើងគឺថា មានបុរីមានផ្សា មានស្ពានគឺថាដីធ្លីនៅទីហ្នឹងឡើង ហើយអញ្ចឹងប្រជាពលរដ្ឋរបស់យើង មានការអភិវឌ្ឍន៏ផ្នែកជីវភាពរបស់គាត់។
លោកឆាយ-ម៉េងវីរ៉ាអ្នកវិនិយោគផ្នែកសំណង់បានបញ្ជាក់ថា៖ទីក្រុងស្អាតគឺពិតជាផ្ដើមចេញពីយើងទាំងអស់គ្នា ដូចនេះលោកនឹងខិតខំប្រឹងប្រែង រួមចំណែកក្នុងការសាងសង់សំណង់នេះ ធ្វើឲ្យមានគុណភាពនិងសោភណ្ឌ័ភាពល្អ ទៅតាមស្តង់ដានៃគម្រោងអភិវឌ្ឍន៍ ដែលខេត្តចង់បាន។
លោកទទួលស្គាល់ថា៖មួយផ្នែកទៀតការវិនិយោគសំណង់ ក៏បានជួយដល់កម្មករបានធ្វើការនៅក្នុងប្រទេសអាហ្នឹង ជាការពិតយើងមានការងារធ្វើ ឲ្យកម្មករធ្វើជួយជីវភាពកម្មករ ឲ្យគាត់មានការងារធ្វើមានប្រាក់ចំណូល ខ្ញុំនិងណែនាំគាត់ឲ្យប្រុងប្រយ័ត្ន ធ្វើការហើយធ្វើការក្នុងការដ្ឋានយើងហ្នឹង ឲ្យមានរបៀបរាបរយកុំឲ្យមានបញ្ហាអីកើតឡើង ហើយពន្យល់គាត់ក្នុងការធ្វើត្រូវខិតខំធ្វើការ ដើម្បីប្រាក់ចំណូលរបស់យើងកាន់តែបានច្រើន គាត់មិនបាច់ចំណាកស្រុកទៅប្រទេសថៃឬទៅកូរេទេ។
លោកស្រីតាំងសៀមហ៊ងតំណាង ក្រុមហ៊ុន តាំងឆៃហេង អភិវឌ្ឍន៍ ដៃគូវិនិយោគផ្ទះល្វេងនិងផ្សារផ្នែកឯកជនបញ្ចាក់ថា៖ ទីតាំងអភិវឌ្ឍន៍ផ្សារលក់ដូរ មានបណ្តោយ១១០ម៉ែត្រទទឹង៦០ម៉ែត្រ ចំណែកទីតាំងទី ពីរ សាងសង់ផ្ទះល្វែង មានបណ្តោយ៣០០ម៉ែត្រនិងទទឹង១៦០ម៉ែត្រ ស្ថិតនៅភូមិរាជានុកូលសង្កាត់ក្រុងស្ទឹងត្រែង ខេត្តស្ទឹងត្រែង ហើយគម្រោងនេះនឹងបញ្ចប់ ការសាងសង់នៅឆ្នាំ២០១៨ខាងមុខ បច្ចុប្បន្នសាងសង់បាន ប្រ មាណ២០%ហើយ។
សូមបញ្ជាក់ថា៖វិស័យឯកជនវិនិយោគទន់ក្រោម២លានដូល្លាច្បាប់ខេត្ត ជាអ្នកចេញឲ្យបើលើសពីនេះទើបសុំដល់ក្រសួង និងរាជរដ្ឋាភិបាលហើយការបង្កើតឲ្យមានផ្ទះល្វែង និងផ្សារថ្មីនឹងធ្វើឲ្យខេត្ត នៅភូមិភាគឥសាន្តមួយនេះ ទទួលបាននូវការគាំទ្រពីរាជរដ្ឋាភិបាល ក៏ដូចប្រេជាពលរដ្ឋ ភ្ញៀវជាតិនិងអន្តរជាតិហើយខេត្តស្ទឹងត្រែងក៏បង្កើនបាននូវសោភណ័ភាពស្រស់បំព្រងក្លាយជាទីក្រុងស្អាតផងដែរ៕
