ខេត្តសៀមរាប ៖ សមត្ថកិច្ចប្រឆាំងគ្រឿងញៀននៃស្នងការនគរបាលខេត្តសៀមរាបបានចុះប្រត្តិបត្តការបង្ក្រាប ករណីជួញដូរគ្រឿងញៀន ឃាត់ខ្លួនជនសង្ស័យបាន០២ នាក់ ពីបទប្រើប្រាស់ នូវសារធាតុញៀន ខុសច្បាប់និងដកហូតបានគ្រឿងញៀន០១កញ្ចប់ដាវសាំម៉ូរ៉សចំនួន
០៣ដើមនិងឧបករណ៏ប្រើប្រាស់គ្រឿងមួយចំនួនធំ នៅចំណុចភូមិទក្សិណក្បូងសង្កាត់គោកចកក្រុង ខេត្តសៀមរាបកាលពីវេលាម៉ោង១០និង០០នាទីក្នុងថ្ងៃទី១០ ខែធ្នូ ឆ្នាំ២០១៥ ។
លោកវរសេនីយ៏ទោ អ៊ុំសាអាតនាយការិយាល័យនគរបាលប្រឆាំងគ្រឿងញៀននៃស្នងការ
នគរបាលខេត្ត បានឲ្យដឹងថា នៅថ្ងៃទី១០ ខែធ្នូ ឆ្នាំ២០១៥ វេលាម៉ោង១០និង៣០នាទី សមត្ថកិច្ចរបស់ នគរបាលយើងបានសហការជាមួយសមត្ថកិច្ចចំម្រុះ ចុះបង្ក្រាបករណីចែកចាយនិងប្រើប្រាស់នៅសាធាតុញៀនខុសច្បាប់ហើយឈានដល់ឃាត់ខ្លួនបានជនសង្ស័យ ០២នាក់ ទី១ ឈ្មោះ ហីម ហៅម៉ៅ ភេទប្រុស អាយុ ១៩ឆ្នាំ រស់នូវភូមិទក្សិណសង្កាត់គោកចកក្រុង ខេត្តសៀមរាបទី២ ឈ្មោះ ហុងសីហាភេទប្រុស អាយុ ១៧ឆ្នាំ មុខរបរជាងបាញ់ថ្នាំទ្បានរស់នូវភូមិទក្សិណសង្កាត់គោកចកក្រុងខេត្តសៀមរាប
អ្នកទាំងពីរត្រូវបានឃាត់ខ្លួន នៅចំណុចភូមិទក្សិណក្បូងសង្កាត់គោកចកក្រុងខេត្តសៀមរាប ហើយដកហូតបានវត្ថុតាង លោកវរសេនីយ៏ទោ សមត្ថកិច្ចបានឲ្យដឹងទៀតថា ជនសង្ស័យទាំងពីរនាក់ ដែលត្រូវឃាត់ខ្លួន និងត្រួតពិនិត្យឆែកឆេរ រកឃើញក្រាមពណ៌សថ្លាចំនួន ០១កញ្ចប់តូច (ម៉ាទឹកកក) ដាវសាំម៉ូរ៉ៃ០៣ដើមឧបករណ៏ប្រើប្រាស់គ្រឿងញៀនមួយចំនួនធំនិងម៉ូតូចំនួន ០១គ្រឿង ។
ជនសង្ស័យទាំង០២នាក់នេះត្រូវបានសមត្ថកិច្ចចោទពីបទចែកចាយ និងប្រើប្រាស់នៅសាធាតុញៀនខុសច្បាប់។
បច្ចុប្បន្នជនសង្ស័យទាំង០២នាក់និងវត្ថុតាង ត្រូវសមត្ថកិច្ចបញ្ជូនទៅកាន់សាលាដំបូងខេត្តសៀមរាបនៅ រសៀលថ្ងៃទី១១ ខែ១២ ឆ្នាំ ២០១៥នេះដើម្បីចាត់ តាមនីតិវិធីច្បាប់៕
