ខេត្តកំពង់ឆ្នាំង៖ ឈើប្រណឹតប្រភេទធ្នុងចំនួន២២ដុំធំៗដឹកតាមរថយន្តនីសាន់មួយគ្រឿង ត្រូវបានសមត្ថកិច្ចនគរបាលខេត្តធិសាត់ ប្រដេញស្ទាក់ចាប់បានពេលរថយន្តបែកកង់ក្រោយ នៅម៉ោង៣យប់ ថ្ងៃទី១១ខែធ្នូ ឆ្នាំ២០១៥ នៅចំណុចផ្សារក្តុល ឃុំក្រាំងស្គារ ស្រុកទឺកផុស ហើយ
បានប្រគល់ឈើនិងរថយន្ត មកអោយសមត្ថកិច្ចចំរុះខេត្តកំពង់ឆ្នាំង រក្សាទុកក្នុងសង្កាត់រដ្ឋបាលព្រៃឈើក្រាំងស្គារ កសាងសំណុំរឿងតាម
និតិវិធី ដោយឡែកអ្នកបើកបររថយន្តបទល្មើសបានគេចខ្លួនបាត់។
សមត្ថកិច្ចចំរុះបានអោយដឹងថា៖ រថយន្តដឹកឈើប្រណឹតខាងលនេះ បានដឹកឈើចេញមកពីស្រុ កភ្នំក្រវាញ កាត់មកលើស្រុកក្រគរខេត្តពោធិសាត់ ពេលនោះសមត្ថកិច្ចនគរបាលប៉ុស្តិត្រួតពិនិត្យខេត្តពោធិសាត់ឈរជើង នៅចំណុចក្បាលដំរី ព្រុំប្រទល់ ស្រុកបរិបូណ៌ជាមួយស្រុកក្រគរ បានបើករថយន្ត២គ្រឿង មានគ្នា៤នាក់ ប្រដេញតាមរថយន្តបទល្មើស ចូលមកដល់ផ្សារក្តុល រថយន្តបទល្មើសក៏បានបែកកង់ទៅមុខលែងរួច ហើយអ្នកបើកបររថយន្ត បានចុះរត់គេចខ្លួនបាត់។
បន្ទាប់មកសមត្ថកិច្ចចំរុះខេត្តកំពង់ឆ្នាំង មានសង្កាត់រដ្ឋបាលព្រៃឈើក្រាំងស្គារ នាយការិយាល័យទី២ភូមិភាគពិសេសប្រចាំខេត្ត មន្ត្រីយោធាវរៈមួយខេត្ត អាវុធហត្ថស្រុកទឹកផុស និងនគរបាលប៉ុស្តិក្រាំស្គារ តាមបញ្ជាររបស់លោក ឡុង ស៊ីថា ព្រះរាជអាជ្ញារងសាលាដំបូងខេត្ត បានបញ្ជារអោយសមត្ថកិច្ចចំរុះខេត្ត នាំយករថយន្តបទល្មើស ម៉ាកនីសាន់ អត់ស្លាកលេខ យកមករក្សាទុកនៅក្នុងសង្កាត់រដ្ឋបាលព្រៃឈើក្រាំងស្គារ និងប្រគល់អោយសមត្ថកិច្ចជំនាញកសាងសំណុំរឿងតាមនិតិវិធី។
ចំណែកសមត្ថកិច្ចនគរបាលស្រុកក្រគរ ខេត្តពោធិសាត់ ដែលបានចូលមកប្រដេញរថយន្តបទល្មើសក្នុងដីខេត្តកំពង់ឆ្នាំងមិនបានសហការរំលោភដែនសមត្ថកិច្ច ដោយមានការសម្របសម្រួល ពីលោ កស្នងការខេត្តទាំង២ និងលោកព្រះរាជអាជ្ញាខេត្តទាំង២ ត្រូវបានលោក ឡុង ស៊ីថា ព្រះរាជអាជ្ញារងសា លាដំបូងខេត្ត បានធ្វើណែនាំអប់រំ និងបានអនុញ្ញាតអោយវិលទៅកាន់អង្គភាពវិញ។
សមត្ថកិច្ចចំរុះ បានអោយដឹងថា ៖ ឈើធ្នង់ប្រណឹតទាំង២២ដុំនេះ មានចំនួនជាង២ម៉ែត្រគូប មានតម្លៃរាប់ម៉ឺនដុល្លា ដែលគេដឹងថា ជារបស់មេឈ្មួញទិញលក់ឈើឈ្មោះ ម៉ៅ នៅខេត្តពោធិសាត់ ហើយក្នុងពេលសមត្ថកិច្ចស្ទាក់ចាប់បានរថយន្តល្មើសខាងលើនេះ គឺរថយន្តដឹកឈើល្មើស២គ្រឿងផ្សេងទៀតបានបើកគេចមកទៅក្រោយវិញបាត់។
ករណីខាងលើនេះត្រូវបានប្រជាពលរដ្ឋនៅក្នុងភូមិក្តុល ឃុំក្រាំងស្គារ និយាយថា រៀងរាល់ថ្ងៃនិងពេលយប់គេពិនិត្យឃើញ មានរថយន្តដឹកឈើ ដឹកអុស ជាច្រើនគ្រឿងដឹកឈើចេញជាហូរហែ ប៉ុន្តែមិនត្រូវបានសមត្ថកិច្ចណាមួយធ្វើការបង្ក្រាបឡើយ៕
