ខេត្តកំពង់ឆ្នាំង៖ លោកឧត្តមសេនីយ៍ត្រី ធន ធឿន មេបញ្ជាការតំបន់ប្រតិបត្តិការសឹករងកំពង់ឆ្នាំង និងជាប្រធានគណៈកម្មាធិការសមាគមអតីត យុទ្ធជនកម្ពុជាខេត្តកំពង់ឆ្នាំង នៅព្រឹកថ្ងៃទី១១ ខែធ្នូ ឆ្នាំ២០១៥ នេះ បានដឹកនាំ ក្រុមការងារ របស់សមាគមអតីតយុទ្ធជន នាំយកថវិកាបេឡាមរណសង្គ្រោៈចំនួន ១៦,០០០,០០០ រៀល ( ដប់ប្រាំមួយលាន រៀល ) ទៅផ្តល់ជូនគ្រួសារអតីតយុទ្ធជនចំនួន០៤គ្រួសារ នៅក្នុងក្រុងកំពង់ឆ្នាំង តាមគោលនយោបាយរបស់សមាគមន៍ ដោយមានការចូលរួមពី លោក-លោកស្រីក្រុមប្រឹក្សាក្រុង-សង្កាត់, មេភូមិ, ចៅសង្កាត់ , នគរបាលក្រុង, ផ្នែកសឹករង ក្រុង, កងងរាជអាវុធហត្ថក្រុង ប្រជាពលរដ្ឋ និងសមាជិកអតីតយុជន ក្រុងកំពង់ឆ្នាំង មួយចំនួនចូលរួមផងដែរ ។
លោក ថោង ចំរើន អនុប្រធានគណៈកម្មាធិការសមាគមអតីត យុទ្ធជនកម្ពុជាខេត្តកំពង់ឆ្នាំង បានអោយដឹងថា៖គ្រួសារសព អតីតៈនៅក្នុង០១គ្រួសារៗ ទទួលបានថវិកា៤,០០០,០០០ រៀល (បួនលានរៀល) ។ ក្នុងពិធីនេះគ្រួសារសព ត្រូវទទួលថវិកា បេឡាមរណសង្គ្រោះរួមមាន ៖ ១.សពលោកស្រី សៅ យ៉ាន អតីតជាយោធា បានទទួល មរណភាពនៅថ្ងៃទី០៧ ខែធ្នូឆ្នាំ២០១៥ នៅភូមិកោះក្របី សង្កាត់ផ្សារឆ្នាំង ក្រុងកំពង់ឆ្នាំងខេត្ត ២.សពលោក អ៊ឹម សុផល អតីតជានគរបាល បានទទួលមរណភាពនៅថ្ងៃទី១៣ ខែកក្កដា ឆ្នាំ២០១៥ នៅភូមិកោះក្របី សង្កាត់ផ្សារឆ្នាំង ក្រុងកំពង់ឆ្នាំង។៣.សពលោក ទិត្យ នឿន អតីតជាយោធា បានទទួលមរណភាពនៅថ្ងៃទី២៣ ខែតុលា ឆ្នាំ២០១៥ នៅភូមិម៉ុងបារាំង សង្កាត់ប្អេរ ក្រុងកំពង់ឆ្នាំង ។ ៤.សពលោកស្រី សូ ភឿន អតីតជាយោធា បានទទួលមរណភាពនៅថ្ងៃទី១០ ខែតុលា ឆ្នាំ២០១៥ នៅភូមិធម្មយុត្តិ សង្កាត់ប្អេរ ក្រុងកំពង់ឆ្នាំង ។
លោកឧត្តមសេនីយ៍ត្រី ធន ធឿន មេបញ្ជាការតំបន់ប្រតិបត្តិការសឹករងកំពង់ឆ្នាំង និងជាប្រធានគណៈកម្មាធិការសមាគមអតីត យុទ្ធជនកម្ពុជាខេត្តកំពង់ឆ្នាំង បានអោយដឹងថា៖ ក្រោយការដឹកនាំរបស់សម្តេចតេជោ ហ៊ុន សែន ជាប្រធានសមាមគមន៍ អតីតៈយុទ្ធជនកម្ពុជា បានធ្វើអោយបងប្អូនអតីតៈយុទ្ធជននិងក្រុមគ្រួសារ មានក្តីមោទនៈភាពណា ស់ ចំពោះការគិតគូរអំពីជីវភាព និងសុខទុក្ខរបស់បងប្អូន និងក្រុមគ្រួសារអតីតៈយុទ្ធជន ពិសេសគឺការបើកប្រាក់មណៈសង្គ្រោះនេះតែម្តងង ដែលពីមុនមកមានការយឺតយ៉ាវជាងមួយឆ្នាំទើបមានប្រាក់បើកជូន តែមកដល់ឥឡូវនេះគឺមាន រយះពេលតែ១ខែទៅ២ខែ គឺក្រុមការងារក្នុងសមាគមន៍យកប្រាក់ហើយអោយហើយ។
លោកប្រធានគណៈកម្មាធិការសមាគមអតីត យុទ្ធជនកម្ពុជាខេត្តកំពង់ឆ្នាំង ក៏សូមបងប្អូនក្រុមគ្រួសារ និងអាជ្ញាធរនៅក្នុងមូលដ្ឋាន និងក្រុមការងារក្នុងសមាគមន៍ ជួយសហការគ្នាធ្វើឯកសារអោយបានទាន់ពេលវេលានៅពេលមានសមាជិកក្នុងសមាគមន៍ទទួលមរណៈភាព និងក៏សូមសមាជិកក្នុងសមាគមន៍ជួយបង់ថវិការសមាគមន៍ប្រចាំខែនិងឆ្នាំអោយបានទាន់ពេលវេលាផងដែរ ទើបគណៈកម្មាធិការសមាគមអតីត យុទ្ធជនកម្ពុជាថ្នាក់ជាតិ និងថ្នាក់ខេត្ត ប្រមូលយកថវិការទាំងនោះ មកបើកជូនវិញនូវប្រាក់មរណៈសង្គ្រោះបានទាន់ពេលវេលាជូនបងប្អូន៕
