ខេត្តសៀមរាប៖ ខេត្តប្រវត្តិសាស្ត្រសៀមរាបជា គោលដៅដ៏សំខាន់របស់ភ្ញៀវទេសចរណ៍លើពិភពលោក ហើយក៏បាន ជាប់ជាចំណាត់ថ្នាក់លេខ១ នៃគោលដៅទស្សនាកម្សាន្តរបស់ភ្ញៀវនៅលើពិភពលោក ។ កត្តាដ៏សំខាន់របស់ខេត្ត ប្រវត្តិសាស្ត្រមួយនេះ លើវិស័យសេដ្ឋកិច្ច បាន
ពឹងផ្អែកទៅលើវិស័យទេសចរណ៍ និង កសិកម្ម ហើយបានកំពុងលើកស្ទួយនូវសេដ្ឋកិច្ចក្រុមគ្រួសារ នៃប្រជាពលរដ្ឋកាន់តែមានភាពប្រឡើង តាមរយៈវិស័យទេសចរណ៍ ។
ភាពរីកចម្រើនទាំងនេះក៏អាស្រ័យដោយកិច្ចដឹកនាំដ៏ឈ្លាសវៃរបស់ប្រមុខរាជរដ្ឋាភិបាល ក្រោមកិច្ចដឹកនាំរបស់សម្តេចតេជោហ៊ុនសែននាយករដ្ឋមន្ត្រីក្រោមគោលនយោបាយឈ្នះៗ បានធ្វើឲ្យប្រទេសជាតិទាំងមូល មានសុខសន្តិភាពពេញផ្ទៃប្រទេស និង មានកិច្ចអភិវឌ្ឍន៍លើគ្រប់វិស័យ ។ និយាយដោយឡែក ខេត្តសៀមរាបបានកំពុងធ្វើការអភិវឌ្ឍន៍យ៉ាងឆាប់រហ័ស លើគ្រប់ហេដ្ឋារចនាសម្ព័ន្ធជារូបវ័ន្ត សំខាន់លើវិស័យទេសចរណ៍។ ទោះបីសន្ទុះនៃភាពរីកចម្រើនលើសេវាកម្មទេសចរណ៍នៅក្នុងក្រុងប្រវត្តិសាស្ត្រមួយនេះ ក៏នៅពុំទាន់បំពេញទៅតាមតម្រូវការចាំបាច់របស់ភ្ញៀវទេសចរណ៍ជាតិអន្តរជាតិនៅឡើយ ដោយពីមួយឆ្នាំទៅមួយឆ្នាំភ្ញៀវចូលមកទស្សនាកម្សាន្តខេត្តសៀមរាបមានការកើនឡើងជាលំដាប់ដូច្នេះតម្រូវការរបស់ខេត្តក្នុងការពង្រីកនូវសេវាកម្មបម្រើភ្ញៀវទេសចរណ៍សម្រាប់ទៅដល់ឆ្នាំ២០២០. ២០៣០។
ជាក់ស្តែងនៅរសៀលថ្ងៃទី ១១ ខែ ធ្នូ ឆ្នាំ២០១៥នាពេលចុងសប្តាហ៍នេះ សណ្ឋាគារ ដំរីអង្គរអូតែល មួយកន្លែងស្ថិតនៅក្នុងភូមិវត្តបូព៌សង្កាត់សាលាកំរើកក្រុងខេត្តសៀមរាប ត្រូវបានបើកសម្ពោធកាត់ខ្សែបូរដាក់ឲ្យដំណើរការធ្វើអាជីវកម្មបម្រើភ្ញៀវទេសចរណ៍ជាតិអន្តរជាតិ ក្រោមអធិបតីភាពរបស់សម្តេចជង្វាវាំងគង់សំអុលឧបនាយករដ្ឋមន្ត្រីរដ្ឋមន្ត្រីព្រះបរមរាជវាំង ដោយមានវត្តមានអញ្ជើញចូលរួមរបស់លោក ឃឹម ប៊ុនសុង អភិបាលនៃគណៈអភិបាលខេត្ត លោកនូ ផល្លា ប្រធានក្រុមប្រឹក្សាខេត្ត ព្រមទាំងអស់ លោក លោកស្រី និង ជាថ្នាក់ដឹកនាំ ពាណិជ្ជករ ក្រុមហ៊ុន និង បុគ្គលិកសណ្ឋាគារចូលរួមផងដែរ ។
តាមការបញ្ជាក់របស់លោកអ្នកគ្រប់គ្រងសណ្ឋាគារ បានឲ្យដឹងថា សណ្ឋាគារនេះ មានកម្ពស់៣ជាន់ ស្មើ ៥៤បន្ទប់ បំពាក់ទៅដោយឧបករណ៍ទំនើបបែបបុរាណ និង មានកន្លែងហាត់កីឡា ។
ក្រោយការកាត់ខ្សែបូរនិងដំណើរទស្សនាតាមបន្ទប់ក្នុងសណ្ឋាគារសម្តេចជង្វាវាំងគង់ សំអុលបានមានប្រសាសន៍ ក្នុងលក្ខណៈគ្រួសារ បានធ្វើការកោតសរសើរ ពីការរៀបចំតុបតែងលម្អរ របស់ម្ចាស់សណ្ឋាគារដំរី អង្គរអូតែល ដែលប្រកបទៅដោយបរិស្ថាន អនាម័យល្អស្អាត ក្នុងលក្ខណៈធម្មជាតិ បៃតង។ម្យ៉ាងទៀតពីការតុបតែងនៅតាមបន្ទប់ក៏មានប្រជាប្រីយ៍ភាពដែលយកសម្ភារៈប្រើប្រាស់ ធ្វើការលម្អរជារូបភាពដំរី ដែលស័ក្តសមទៅនឹងឈ្មោះ សណ្ឋាគារនេះទៀតផង ។ ក្នុងនោះសម្តេចជង្វាវាំង ឧបនាយករដ្ឋមន្ត្រីក៏បានធ្វើការណែនាំដល់ម្ចាស់សណ្ឋាគារត្រូវយកចិត្តទុកដាក់ ក្នុងការផ្តល់សេវាកម្មដល់ភ្ញៀវដែលចូលមកស្នាក់នៅឲ្យបានល្អដោយបច្ចុប្បន្ននេះទីផ្សារ ទេសចរណ៍នៅលើពិភពលោកបានធ្វើការប្រកួតប្រជែងគ្នាយ៉ាងខ្លាំង ក្នុងការបម្រើដល់វិស័យសេដ្ឋកិច្ចជាតិរបស់ ខ្លួន ។ ដោយកត្តាទាំងនេះហើយទើប ប្រមុខរាជរដ្ឋាភិបាល ក្រោមកិច្ចដឹកនាំរបស់សម្តេចតេជោ ហ៊ុន សែន បាន ជម្រុញដល់អ្នកវិនិយោគក្នុង និង ក្រៅស្រុក ចូលមកធ្វើការពង្រីកវិស័យទេសចរណ៍នៅកម្ពុជា ទាំងនៅតំបន់វប្បធម៌តំបន់សមុទ្រ.តំបន់ធម្មជាតិក្នុងការពង្រីកនូវអេកូទេសចរណ៍ ដើម្បីបង្កើនការងារជូនប្រជាជននិងធ្វើឲ្យជីវភាពរស់នៅរបស់ប្រជាពលរដ្ឋមាភាពប្រសើរឡើង។ ទោះបីសម្បត្តិទាំងនេះជាឯកជនក៏មែនពិតតែបានជួយចែករំលែកនូវការងារជូនដល់យុវជនប្រជាជនកម្ពុជាក្នុងការចូលរួមចំណែកកាត់បន្ថយនូវភាពក្រីក្ររបស់ប្រជាជនកម្ពុជាហើយក៏នូវពុំទាន់បានបំពេញទៅតាមតម្រូវការរបស់ភ្ញៀវទេសចរណ៍ទៀតផង៕
