បន្ទាយមានជ័យ ៖ មន្ត្រីជំនាញនៃមន្ទីរឧស្សាហកម្ម និងសិប្បកម្ម ខេត្តបន្ទាយមានជ័យដឹកនាំដោយលោក អ៊ិម ណុយ អនុប្រធានមន្ទីរកាលពីរសៀលថ្ងៃទី១៤ ធ្នូ ២០១៥បានធ្វើការចុះត្រូតពិនិត្យជាក់ស្តែង នៅ ទីតាំងលិតទឹកសុទ្ធ និងទឹកកកមួយកន្លែងដែលស្ថិតនៅក្នុងភូមិសាមគ្គីមានជ័យ សង្កាត់-ក្រុងប៉ោយប៉ែត ខេត្តបន្ទាយមានជ័យ ដែលរងការចោទប្រកាន់ថា គ្មានច្បាប់ អនុញ្ញាត និងគ្មានអនាម័យ ព្រមទាំងម្ចាស់ជាជនជាតិវៀតណាមផងនោះ។
ការចុះត្រួតពិនិត្យទីតាំងខាងលើនេះត្រូវបានគេស្គាល់ឈ្មោះម្ចាស់ទីតាំងមានឈ្មោះប៉ាន់ គីមហៀម ហើយបើតាមការអោយដឹងពីម្ចាស់ទីតាំងនេះដែរ បានអោយដឹងថា បានផលិត ទឹកសុទ្ធ និងទឹកកកនេះរយៈពេល១ខែមកហើយ ម៉ាកសញ្ញា U Vដោយបានស្នើរសុំច្បាប់ទៅតាមច្រកចេញចូលតែមួយ ដែលឆ្លងកាត់មន្ទីរខេត្ត និងក្រសួង តែក្រសួងឧស្សាហកម្មពុំទាន់សម្រេចអោយនៅឡើយ។
ជាមួយនិងការចុះត្រួពិនិត្យនេះលោក អ៊ិម ណុយ អនុប្រធានមន្ទីរបានអោយដឹងថាបើតាមការពិនិត្យឃើញថា ទីតាំងផលិតទឹលសុទ្ធនេះ ត្រឹមត្រូវតាមស្តង់ដាបច្ចេកទេស និងត្រឹមត្រូវតាមបទដ្ឋានអនាម័យតែបើម្ចាស់ផលិតទឹកសុទ្ធនេះអនុវត្តតាមស្តងដាបច្ចេកទេសដែលបានកំណត់និងបានទទួលច្បាប់អនុញ្ញាត្តរយះពេល២ខែទៀត ។
សូមបញ្ជាក់ផងដែរថា ទាក់ទងនិងបញ្ហាសិប្បកម្មផលិតទឹកសុទ្ធ និងទឹកកកអនាម័យដែលមាន ឈ្មោះថា U Vដែលមានម្ចាស់ជាជនជាតិវៀតណាម ខាងលើត្រូវបានគេរិះគន់ថា ជាទីតាំងផលិតទឹកកក និងទឹកសុទ្ធគ្មានច្បាប់អនុញ្ញាត គ្មានស្តង់ដាអនាម័យ ហើយពេលពេលមានអ្នសាព័ត៍មានមួយក្រុមបានចុះយកព័ត៍មាន ត្រូវបានម្ចាស់ទីតាំងនោះចេប្រមាទ និងហាមមិនអោយមានការចុះយកព័ត៍មាននៅទីតាំងរបស់ខ្លួន ៕
