បន្ទាយមានជ័យះអាជ្ញាធរសមត្ថកិច្ចនិងយុវជនកាកបាទក្រហមស្រុកមង្គលបូរីខេត្តបន្ទាយមានជ័យកាលពីព្រឹកថ្ងៃទី១៥ធ្នូ២០១៥បានបើកយុទ្ធនាការផ្សព្វផ្សាយច្បាប់ចរាចរថ្មីដែលត្រូវអនុវត្តថ្ងៃទី១មករា២០១៦ដោយធ្វើការដង្ហែរជាក្បួនតាមផ្លូវសាធារណះ។
លោក អភិបាលរងស្រុកមង្គលបូរីបានលើកឡើងថាការៀបចំពិធីនេះឡើងដោយមានការរៀបចំគាំទ្រពីអង្គការដៃគូដើម្បីផ្សព្វផ្សាយដល់ប្រជាពលរដ្ឋនិងយុវជនកាកបាទក្រហមបានយល់ពីច្បាប់ចរាចរថ្មីដែលត្រូវអនុវត្តនៃថ្ងៃដំបូងឆ្នាំ២០១៦ដែលច្បាប់នេះមានការផាកពិន័យនិងដាក់ទោសទៅលើអ្នកទាំងឡាយណាដែលល្មើសច្បាប់ក្នុងការបើកបរ។
លោក សីុ ឌី អធិការនគរបាលស្រុកមង្គលបូរីក៍បានលើកឡើងផងដែរថាដើម្បីគេចផុតពីការគ្រោះថ្នាក់ចរាចរនិងផាកពិន័យពីសមត្ថកិច្ចនគរបាលចរាចរសូមអោយអ្នកបើកបរក៍ដូចជាអ្នករួមដំណើរលើមធ្យោបាយយានយន្តគ្រប់ប្រភេទត្រូវស្វែងយល់អោយបានច្បាស់ពីច្បាប់ចរាចរថ្មីដែលត្រូវអនុវត្តនៅថ្ងៃទី១មករា២០១៥។អ្វីដែលសំខាន់គឺបើកបរត្រូវពាក់មួកសុវត្តិភាព ដាក់ខ្សែក្រវ៉ាត កំុបើកបរក្រោមឥទ្ធិពលជាតិស្រវឹង និងមិនបើកបរលើសល្បឿនកំណត់ ។បន្ទាប់ពីការលើកឡើងរបស់អាជ្ញាធរក៍ដូចជាសមត្ថកិច្ចលើបញ្ហាច្បាប់ដល់ប្រជាពលរដ្ឋនិងប្អូនៗជាយុវជនរួចមកក៍មានការដើរដង្ហែរក្បួនដោយមានបដាជាពាក្យស្លោកទាក់ទងនិងសុវត្តិភាពក្នុងការបើកបរតាមផ្លូវក្នុងទីរួមស្រុកដើម្បីអោយប្រជាពលរដ្ឋមិនបានចូលរួមបានយល់និងគោរពច្បាប់ទាំងអស់គ្នា។
