ខេត្តព្រះសីហនុ៖អគាររដ្ឋបាលមន្ទីរឧស្សាហកម្ម និងសិប្បកម្មខេត្តព្រះសីហនុមានទីតាំង តាមបណ្តោយ ផ្លូវជាតិ លេខ៤ ស្ថិតក្នុងសង្កាត់លេខ១ ក្រុង ខេត្តព្រះសីហនុបាន បើកសម្ពោធឲ្យប្រើប្រាស់ជាផ្ផ្លូវការ កាលពីរសៀលថ្ងៃទី១៤ ខែធ្នូ ឆ្នាំ ២០១៥ ក្រោមអធិបតីភាពឯកឧត្តម ទេសរដ្ឋមន្ត្រី ចម ប្រសិទ្ធ រដ្ឋមន្ត្រីក្រសួងឧស្សាហកម្ម និងសិប្បកម្ម និងឯកឧត្តម យន្ត មីន អភិបាលនៃគណៈអភិបាល ខេត្តព្រះសីហនុ ។.ឯកឧត្តមទេសរដ្ឋមន្ត្រី ចម ប្រសិទ្ធ រដ្ឋមន្ត្រីក្រសួងឧស្សាហកម្ម និងសិប្បកម្ម មានប្រសាសន៍ លើក ឡើងថា អគាររដ្ឋ បាលថ្មីនេះ បង្ហាញពីភាពរីកចំរើននៃហេដ្ឋារចនាសម្ព័ន្ធរូបវន្តរបស់ខេត្តព្រះសីនុ និងជាសមិទ្ធិផលថ្មីមួយរបស់ក្រសួង ក៍ដូចខេត្តព្រះសីហនុ រួមចំណែកជម្រុញល្បឿន នៃការអភិវឌ្ឍ សង្គមជាតិ ស្របតាមទិសដៅកំណត់នៅក្នុងយុទ្ធ សាស្ត្រចតុកោណតំណាក់កាលទី៣ របស់រាជរដ្ឋា ភិបាល កម្ពុជា ក្រោមការ ដឹកនាំរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះ រាជាណាចក្រកម្ពុជា បានធ្វើឲ្យប្រទេស ជាតិមានសុខសន្តិភាពពេញលេញ មាន ការរីកចំរើន លើគ្រប់វិស័យ ។ ក្រសួងឧស្សាហកម្ម និងសិប្បកម្មបានរៀបចំ ខ្លួន ដើម្បីចូលរួមការផ្លាស់ប្តូធ្វើសមា ហរណកម្មកម្ពុជាឆ្នាំ២០១៥-២០២៥ សំ ដៅបង្កើនសក្តានុពល និងប្រែប្រួលរីក ចម្រើនជាវិជ្ជមាន ដល់ផ្នែកផលិតកម្មឧស្សាហកម្ម សហគ្រាសខ្នាតតូច មធ្យម និងសិប្បកម្មជាបង្អែករឹង មាំនៃកំណើន សេដ្ឋកិច្ចជាតិ ។
ឯកឧត្តម ទេសរដ្ឋមន្ត្រី ចម ប្រសិទ្ធ បន្តថា ទិសដៅកំណែទម្រង់រដ្ឋបាលសាធារណៈឆ្នាំ២០១៥ -២០១៨ ឆ្ពោះទៅឲ្យប្រសើរនូវសេវាសាធរណៈដោយប្រកាន់ភ្ជាប់នូវសេវាសាធារណៈដើម្បីបំរើ ប្រជា ពល រដ្ឋឲ្យបានល្អ អគាររដ្ឋបាលថ្មីនេះ ជាចំណុចទំនាក់ទំនងជាមួយធុរជន វិនិយោគិនជាតិ និងអន្តរ ជាតិ ជាកន្លែងផ្តល់សេវារដ្ឋបាលដល់សាធារណៈជនដ៍កក់ក្តៅសមរម្យមួយ ។ ក្រសួងបានធ្វើប្រតិភូក ម្មមុខងារលើផ្នែកខ្លះដល់ថ្នាក់មន្ទីរ ដើម្បីពង្រឹង និងពង្រីកវិសាល ភាពនៃការងារគ្រប់គ្រងរោងចក្រ សហ គ្រាសឧស្សាហកម្ម សិប្បកម្ម និងបង្កើនប្រសិទ្ធភាពនៃការអនុវត្តច្បាប់ លិខិតបទដ្ឋានគតិយុត្ត នានា ពិសេសច្បាប់ទាក់ទងនិងជំនាញរបស់ក្រសួងផ្ទាល់តែ ម្តង ដូចជាច្បាប់ស្តីពីការគ្រប់គ្រងរោង ចក្រ និងសិប្បកម្ម ច្បាប់ស្តីពីស្តង់ដារច្បាប់ស្តីពីមាត្រាសាស្ត្រ នឹងកំពុងរៀចំច្បាប់ថ្មីមួយទៀត ស្តីពីការគ្រប់គ្រងទឹកស្អាត ដើម្បីឲ្យមន្ទីរអាចមានលក្ខណៈសម្បត្តិគ្រប់គ្រាន់ធ្វើប្រតិភូកម្មពីក្រសួង ចាំបាច់ត្រូវមានហេដ្ឋារចនាសម្ព័ន្ធរូបវន្ត និងសម្ភារះគ្រប់គ្រាន់អាចដំណើរការបានកាន់តែ សំខាន់ថែម ទៀត គឺមន្ត្រីមានចំ ណេះដឹង មានស្មារតី មនសិការទទួល ខុសត្រូវ និងឆន្ទៈម្ចាស់ការបំពេញការ ងារបើរើសេខវាជូនប្រជាពលរដ្ឋ ។
ឯកឧត្តមទេសរដ្ឋមន្ត្រី ចម ប្រសិទ្ធ បញ្ជាក់ថា នៅខេត្តព្រះសីហនុ វិស័យឧស្សាហកម្ម មានសារះ សំខាន់ ណាស់ បាននិងកំពុងរួមចំណែកដល់ការអភិវឌ្ឍសេដ្ឋកិច្ចជាតិ ហើយភូមិសាស្ត្រខេត្តព្រះ សីហនុ ស្ថិតក្នុងប៉ូល១ ក្នុងចំណោមប៉ូលនៃការអភិវឌ្ឍច្រករបៀងសេដ្ឋកិច្ច តភ្ជាប់ពីរាជធានី មកកាន់ តំបន់នេះ តាមគោល នយោបាយអភិវឌ្ឍវិស័យឧស្សាហកម្មកម្ពុជា ជំរុញការប្រែប្រួលរចនាសម្ព័ន្ធ សេដ្ឋកិច្ចក្នុងតំបន់ ជាប្រភពធនធានសក្តានុពលសេដ្ឋកិច្ចកម្ពុជា មាលក្ខណៈ អំណោយផលអភិវឌ្ឍ វិស័យឧស្សាហកម្ម និងសិប្បកម្ម និងដោយសារមានការរីកចំរើនខាងគមនាគមន៍ដឹកជញ្ជូនផ្លូវគោក ផ្លូវអាកាស ផ្លូវរថភ្លើង និងផ្លូវសមុទ្រ និងទាក់ទាញអ្នកវិនិយោគកាន់តែច្រើន ឡើងជាបន្តបន្ទាប់ នៅពេល ខាងមុខ ។
លោក ប្រាក់ ប្រាកដ បានឱ្យដឹងថា អគាររដ្ឋបាលមន្ទីរឧស្សាហកម្ម និងសិប្បកម្មខេត្តព្រះសីហនុ សាងសង់ក្រោមគម្រោងឥណទានថវិការរដ្ឋជំពូក ២១ អគារនេះចាប់ផ្តើមសាងសង់ថ្ងៃទី ០៨ ខែធ្នូ ឆ្នាំ២០១៤ និងបញ្ចប់ជាស្ថា ពរនៅថ្ងៃទី២៤ ខែមិថុនា ឆ្នាំ២០១៥ ដោយចំណាយទឹកប្រាក់សរុប ៩៨៤.៩២៥.០០០រៀល និងធានាសុពលភាពរហូតដល់ថ្ងៃទី ២៤ ខែ មិថុនា ឆ្នាំ២០១៦ ។ អគាររដ្ឋបាលថ្មី នេះមានទទឹង ៩.៥ម៉ែត្រ បណ្តោយ ១៥ ម៉ែត្រ មានកំពស់៨ម៉ែត្រ ស្មើ០២ជាន់ មានផ្ទៃក្រឡាខចប២៨៥ម៉ែត្រក្រឡាមានបន្ទប់ការិយាល័យ០៨ បន្ទប់ប្រជំធំ០១ បន្ទប់ទឹក០៣ ដំបូលប្រកក្បឿង និងបំពាក់សម្ភារះសម្រាប់បំពេញការងារ ដោយប្រើប្រាស់ថវិកាបន្ថែមរបស់អង្គ ភាពរដ្ឋករទឹកខេត្តព្រះសីហនុ ។ សមិទ្ធិផលថ្មីនេះ រួមចំណែកលើកស្ទួយសោភណ័ភាពរបស់ខេត្ត និងផ្សារភ្ជាប់នឹងការអភិវឌ្ឍខេត្តប្រកបដោយសុវត្ថិ ភាព គុណភាពនិរន្តរភាពក្នុងការបំពេញ ការងារកាន់តែល្អប្រសើរថែមទៀត ៕
