រថយន្តដឹកកម្មករនៅតាមរោងចក្រស្រុកសាមគ្គីមានជ័យចំនួន៦៨នាក់
ខេត្តកំពង់ឆ្នាំង៖ ដោយពិនិត្យឃើញនៅកំរិតយល់ដឹងអំពីច្បាប់ចរាចរណ៍នៅមានកំរិត ចំពោះអ្នកបើករថយន្តដឹកកម្មករមួយចំនួនធ្លាប់បានបង្កអោយមានគ្រោះថ្នាក់ចរាចរណ៍ជាង១០០នាក់ នៅចុងខែវិច្ឆិកា ឆ្នាំ២០១៥ កន្លងមកនេះ នៅព្រឹកថ្ងៃទី១៥ ខែធ្នូ ឆ្នាំ២០១៥នេះ លោកវរៈសេនីយ៍ឯក ឡុច វណ្ណារ៉ា ស្នងការរងនគលបាលខេត្តកំពង់ឆ្នាំង និងជាប្រធានការិយាល័យកណ្តាលសណ្តាប់ធ្នាប់និងចរាចរណ៍ខេត្ត បានដឹកនាំក្រុមការងារ ចុះទៅផ្សព្វផ្សាយច្បាប់ចរាចរណ៍ថ្មីដល់អ្នកបើកបររថយន្តដឹកកម្មករចំនួន៦៨នាក់ នៅក្នុងភូមិស្វាយ ឃុំស្វាយ នៅក្នុងស្រុកសាមគ្គីមានជ័យ។
លោកវរៈសេនីយ៍ឯក ឡុច វណ្ណារ៉ា បានថ្លែងអោយដឹងថា៖ តាមរបាយការណ៍របស់លោកអធិ
ការស្រុកសាមគ្គីមានជ័យ និងស្រុកកំពង់ត្រឡាច អ្នកបើកបររថយន្តដឹកកម្មករនៅក្នុងស្រុកទាំង២ខាងលើនេះមានចំនួនជាង៣០០នាក់ ដោយឡែកអ្នកបើកបរមួយចំនួនមិនទាន់មានប័ណ្ណបើកបរឡើយនិងមួយចំនួនទៀតមានប័ណ្ណបើកបរខុសយានយន្ត និងភាគច្រើនគ្មាន(ឈៀក)លិខិតបញ្ជាក់បច្ចេកទេសយានយន្ត គ្មានលិខិតអាជីវកម្ម។
ចំណុចខ្វះខាតទាំងអស់ខាងលើនេះហើយ ដែលបានធ្វើអោយរថយន្តដឹកកម្មករ២គ្រឿងក្រឡាប់របួសកម្មករជាង១០០នាក់នៅចុងខែវិច្ឆិកា ឆ្នាំ២០១៥ កន្លងមកនេះ ក្នុងនោះករណីទី១រថយន្តមួយគ្រឿងបានបើកបរគេចពីគេក្រឡាប់ធ្លាក់ចូលស្រែរបួសកម្មករ៥៦នាក់ ករណីទី២រថយន្តមួយគ្រឿងទៀតដាច់រ៉ូទីលចង្កូតធ្លាក់ពីលើផ្លូវរបួសកម្មករ៤៧នាក់ ហើយពួកគេជាអ្នកបើកបរសុទ្ធតែគ្មានប័ណ្ឌបើកបររថយន្ត មានន័យថា គេមិនបានឆ្លងកាត់ការរៀនសូត្រអំពីច្បាប់ចរាចរណ៍ក្នុងការបើកបររថយន្ត។
ក្រោយពេលបង្កគ្រោះថ្នាក់ចរាចរណ៍អ្នកបើកបររថយន្តក្នុងករណីទី២ត្រូវបានតុលាការឃុំខ្លួនក្នុងពន្ធធនាគាខេត្ត ដោយសារតែគ្មានប័ណ្ឌបើកបររថយន្ត ដោយឡែកអ្នកបើកបររថយន្តក្នុងករណីទី១ម្នាក់ទៀត ត្រូវបានតុលាការចេញដីកាស្វែងរកចាប់ខ្លួនដោយសារតែបង្កអោយកម្មកររងរបួសចំនួន៥៦នាក់។
លោកបានបញ្ជាក់អោយដឹងទៀតថា៖ ច្បាប់ចរាចរណ៍ថ្មីដែលត្រូវអនុវត្តពីថ្ងៃទី១ ខែមករា ឆ្នាំ២០
១៦នេះតទៅ អ្នកបើកបររថយន្តគ្មានប័ណ្ឌបើកបរនិងត្រូវជាប់ពន្ធធនាគារ ដោយឡែកការផាកពិន័យផ្សេងៗ ត្រូវគុណនិង៥ដងនៃច្បាប់ចរាចរណ៍ចាស់។តាមផ្លូវច្បាប់ការយករថយន្តដឹកទំនិញគ្រប់ធុនមកដឹកមនុស្សជាទង្វើខុសច្បាប់ ពិសេសការដឹកកម្មករក្នុងមួយរថយន្តៗមានរាប់សិបនាក់ខ្លះជាង១០០នាក់ គឺរិតតែខុសច្បាប់ថែមទៀតហើយពេលមានគ្រោះថ្នាក់គឺពិតជាគួរអោយរប្ធត់ណាស់។ ដោយឡែករថយន្តដែលច្បាប់អនុញ្ញាតអោយដឹកមនុស្សគឺជាប្រភេទទូរីស ទើបស្របច្បាប់។ បញ្ហានេះអ្នកបើកបររថយន្តដឹកកម្មករទាំងអស់គួរតែយល់ដឹង និងត្រូវត្រៀមលក្ខណៈដោះដូររថយន្តដឹកកម្មករអោយស្រច្បាប់ ជាបណ្តើរៗទៅសំរាប់ឆ្នាំខាងមុខៗទៀត។
លោកស្នងការរងនគរបាលខេត្តបានអោយដឹងទៀតថា៖ គ្រោះថ្នាក់ចរាចរណ៍ក្នុងខេត្តនៅឆ្នាំ ២០ ១៥នេះ បានកើឡើងចំនួន១២៤លើ២៣០ករណី ( ១២៤/២៣០ ) ប្រៀបបធៀបឆ្នាំចាស់២០១៤បានថយចុះចំនួន១០៦ករណី ដែលបណ្តាលអោយមនុស្សស្លាប់៦៩នាក់ ដែលឆ្នាំចាស់២០១៤ មានអ្នកស្លាប់ចំ នួន១០៣នាក់ គឺបានថយចុះពីឆ្នាំចាស់ចំនួន៣៤នាក់ ដែលនេះក៏ដោយសារការយល់ដឹងរបស់ប្រជាពលរដ្ឋក្នុងការគោរពច្បាប់ចរាចរណ៍ និងការប្រឹងប្រែងអនុវត្តច្បាប់របស់សមត្ថកិច្ច៕
