ខេត្តឧត្តរមានជ័យ ៖យុវជនវ័យ២៧ឆ្នាំម្នាក់កំពុងផឹកសុីជាមួយមិត្តភក្តិ ត្រូវគេលបកាប់ទាំមិនដឹងខ្លួនបណ្តាលឲ្យរបួសធ្ងន់ទាំងយប់ កាលពីវេលាម៉ោង២៣និង៤០នាទីយប់ ថ្ងៃទី១៥ ខែធ្នូ ឆ្នាំ២០១៥ នៅក្នុងភូមិឈូក សង្កាត់/ក្រុងសំរោង ខេត្តឧត្តរមានជ័យ ភ្លាមនោះជនដៃដល់បានរត់គេចខ្លួនបាត់ស្រមោល ដោយជនរងគ្រោះត្រូវបានគេបញ្ជូនទៅសង្គ្រោះនៅមន្ទីរពេទ្យ។នគរបាលមូលដ្ឋានបានឲ្យដឹងថា ករណីនេះបង្ករឡើងដោឈ្មោះ ធួន លាវ ភេទប្រុស អាយុ 19ឆ្នាំ រស់នៅភូមិកើតហេតុខាងលើ បានប្រើប្រាស់ដាវសាំមូរ៉ៃ កាប់ទៅលើឈ្មោះ ជា សុខន ភេទប្រុស អាយុ 27ឆ្នាំ រស់នៅភូមិជាមួយគ្នា ត្រូវចំក្បាលបណ្តាលឲ្យបែកដល់លលាក្បាល រងរបួសធ្ងន់ ។ ក្រោយពីបង្ករហេតុរួចជនបង្ករបានគេចខ្លួនបាត់ (ជនសង្ស័យទើបមកពីថៃ មិនទាន់ចូលផ្ទះទេ)។លោក ស៊ុន សាន អធិការក្រុងសំរោង បានឲ្យដឹងនៅថ្ងៃទី១៦ ខែធ្នូ ឆ្នាំ២០១៥ មុនកើតហេតុ ជនរងគ្រោះ បានបបួលមិត្តភ័ក្តមានគ្នាចំនួន3-4នាក់ ផឹកស្រានៅកន្លែងកើតហេតុ ស្រាប់តែជនសង្ស័យ ចេញមុខមកកាប់ដោយមិនដឹងខ្លួន ហើយជារឿងគំនុំ ធ្លាប់ទាសទែងគ្នា ។ បច្ចុប្បន្ន ជនរងគ្រោះបញ្ជូនទៅមន្ទីរពេទ្យខេត្តសៀមរាប ចំពោះជនល្មើស សមត្ថកិច្ចកំពុងស្រាវជ្រាវតាមចាប់ខ្លួនយកមកផ្តន្ទាទោសតាមច្បាប់៕
