បន្ទាយមានជ័យ ៖ មានការភ្ញាក់ផ្អើលជាលើកទីពីនៅក្រុងសិរីសោភ័ណធ្វើអោយពលរដ្ឋនៅសងខាងផ្លូវនិងសមត្ថកិច្ចប៉ូលិសនាំគ្នាជួយពន្លត់ដោយសាររថយន្តកាមរីមួយគ្រឿង ត្រូវបានអគ្គីភ័យឆាបឆេះដោយសារផ្ទុះកំប៉ុងចង្ក្រានហ្គាសដែលដាក់នៅជាប់កញ្ចក់ក្រោយរថយន្ត និងបណ្តាលអោយឆេះមុខ
អ្នកបើករ កាលពីម៉ោង១២ ថ្ងៃត្រង់ ថ្ងៃទី១៩ ធ្នូ ២០១៥ ក្នុងភូមិ៤ សង្កាត់ព្រះពន្លា ក្រុងសិរីសោភ័ណ ខេត្តបន្ទាយមានជ័យ ។លោក សួន នីប៉ូ នាយរងការិយាល័យចរាចរជើងគោកនៃស្នងការនគរបាលខេត្តបន្ទាយមានជ័យ បានអោយដឹងថា រថយន្តដែលត្រូវភ្លើងឆាបឆេះជារថយន្តកាមរីសេរីឆ្នាំ១៩៩៣ ចង្កូតស្ដាំ ពណ៌ស្លាបក្អែក គ្មានស្លាកលេខ ដែលដឹកខោអាវជជុះ ក្នុងទិសដៅពីត្បូងទៅជើងតាមផ្លូវជាតិលេខ៥ លុះដល់ចំណុចហួសការ៉ាស់សាំងចាន់ហេងបន្តិច ក៏ផ្ទុះកំប៉ុងចង្ក្រានហ្គាស ឆេះខាងក្នុងផ្នែកខាងក្រោយរថយន្ត និងបណ្ដាលឲ្យឆេះមុខអ្នកបើកបររថយន្តនិងខោអាវជជុសដែលផ្ទុកពេញរថយន្ត ។ លោកបន្តថា ដោយសារទំហំនៃការឆាបឆេះរថយន្តនេះមានទំហំតូចទើប សមត្ថកិច្ចមិនបានប្រើរថយន្តពន្លត់អគ្គីភ័យមកពន្លត់ទេគឺគ្រាន់តែប្រើបំពង់ពន្លត់អគ្គីភ័យ បាញ់ពន្លត់ដោយមានការសហកាណ៍ពីប្រជាពលរដ្ឋនៅកន្លែងកើតហេតុ ។បើតាមបងប្រុស អ្នកបើករថយន្ត ដែលត្រូវផ្ទុះឆេះខាងលើបានអោយដឹងថា ប្អូនប្រុសរបស់របស់ខ្លួនមានមុខរបជាអ្នករត់តាក់ស៊ី ហើយថ្ងៃនេះបានដឹកខោអាវជជុះតែជាអកុសល ក៏ត្រូវផ្ទុះឆេះតែម្ដង ។ក្រោយកើតហេតុ ដោយពុំមានការប៉ះពាល់ដល់អ្នកដទៃ និងពុំបានបង្កឡើងដោយមជ្ឈដ្ឋានផ្សេងៗនោះ រថយន្តពុំត្រូវបានសមត្ថកិច្ចយកមកររក្សាទុកនៅស្នងការនគរបាលខេត្តបន្ទាយមានជ័យនោះទេ គឺទុកឲ្យម្ចាស់ដោះស្រាយខ្លួនឯង៕
