ស្ទឹងត្រែង៖ នៅក្នុងពិធីប្រារព្វខួបលើកទី ៣៣ទិវាជនពិការអន្តរជាតិនៅខេត្តស្ទឹងត្រែងនាថ្ងៃទី ២១ ធ្នូ ឆ្នាំ ២០១៥អភិបាលខេត្តស្ទឹងត្រែងចាត់ទុកការប្រតិបត្តិល្អ របស់បងប្អូនជនពិការ ជាការជួយលើកស្ទួយដល់សីលធម៌សង្គមរស់នៅ ដែលពួកគាត់ជៀសវាង បានពីការដើរសុំទាន នាំគ្នាងាកមក ដាំ
ដំណាំបន្លែបង្ការគ្រប់មុខ នៅផ្ទះសំរាប់ចិញ្ចឹមគ្រួសារនោះ ។ អភិបាលខេត្តលោកកុលសំអុលបានមានប្រសាសន៍ថា៖ ភាពប្រកាន់ភ្ជាប់នូវសីលធម៌ល្អរបស់បងប្អូនជនពិការជាចំណែក មួយជួយធ្វើឲ្យសង្គមជាតិយើងមានភាពថ្កុំថ្កើន គ្រួសារជនពិការមានសុភមង្កលល្អ ជៀសផុតពីភាពរិះគន់ពីមជ្ឈដ្ឋាននៅក្នុងសង្គម ។លោកអភិបាលខេត្តមានប្រសាសន៍ស្នើឲ្យបងប្អូនជនពិការត្រូវបង្កើន ការខិតខំធ្វើការងារចិញ្ចឹមជីវភាពដោយងាយៗ ទៅតាមលទ្ធភាពដែលអាចធ្វើបាន ដូចជាការ ដាំបន្លែចិញ្ចឹមសត្វ បានផលយកមកលក់នៅទីផ្សារដែលខេត្តយើងកំពុងត្រូវការ ហើយនាំចូលពីខាងក្រៅអញ្ចឹងទេ សូមបំផុសស្មារតីរួមផ្សំនិងការជំរុញដាំដុះបន្លែរបង្ការឲ្យបានច្រើនចិញ្ចឹមសត្វ -មាន់-ទា-ជ្រូក-ដើម្បីរួមចំណែក ជាមួយជីវភាពរបស់យើង ដាំបន្លែរអានេះជាការងារស្រាលៗ អាចនៅជិតផ្ទះបាន បងប្អូនយើងពិការអាចធ្វើបាន ឬក៏អាចណែនាំដឹកនាំកូនៗក្មួយៗអាចធ្វើបានដើម្បីជំរុញលើកកំពស់វិស័យជីវភាពរស់នៅរបស់យើងឲ្យកាន់តែល្អប្រសើរថែមទៀត ។លោក នួន ផុន អាយុ ៦៨ឆ្នាំ ជនពិការនៅ ភូមិឃុំ ស្រែក្រសាំង ស្រុកសៀមបូក បានទទួលស្គាល់ថា៖ ការធ្វើកិច្ចការនៅផ្ទះ ពិតជាងាយស្រួលយើងបានរស់នៅបានជួបជុំគ្នា ធ្វើម្ចាស់លើកការងារដោយខ្លួនឯង អាចដោះស្រាយជីវភាពបានពិតជាធ្វើឲ្យជនពីការមានសេចក្តីថ្លៃថ្នូរ។លោកបញ្ជាក់ថាៈ ក្នុងនាមជនពិការលោកមិនដែលធ្វើអ្វីប្រាសចាក់និងសង្គមឡើយ មានតែអប់រំកូនចៅ ឲ្យកសាងអំពើល្អ និងខិតខំដាំបន្លែបង្ការនៅផ្ទះ តែគ្រួសារជនពិការនូវខ្វះការជួយឧបត្ថម្ភ ពូជដំណាំសំរាប់ដាំដុះសូមឲ្យបងប្អូនខាងក្រសួងកសិកម្មហ្នឹង មេត្តាផ្តល់ពូជឲ្យពួកខ្ញុំនៅខាងចំការផង គ្រាន់បានដាំជាត្រកួនជាស្ពៃអី ពីព្រោះ កាលនោះវានៅក្នុងចំការ ហេតុដូច្នេះវាអត់មានពូជបន្លែហ្នឹងទេ គេបាននៅខាងភូមិខ្ញុំនៅខាងចំការអត់សូវបាន ។ លោក ស៊ា គឹមសែ ប្រធានមន្ទីរសង្គមកិច្ចអតីតយុវជន និងយុវនិតិសប្បទាខេត្តស្ទឹងត្រែងបានបង្ហាញថា៖ ការជួយឧបត្ថម្ភពាក់ព័ន្ធនិងពូជដំណាំដាំដុះ ជាតួនាទីផ្នែកមន្ទីរកសិកម្ម ចំណែកមន្ទីរសង្គមកិច្ចបានរៀបចំរបបគោលនយោបាយ ដោះស្រាយជួនបងប្អូនជនពិការ ទៅតាមគោលនយោបាយរបស់រាជរដ្ឋាភិបាល មិនមានការអាក់ខានឡើយ ។ លោកប្រធានមន្ទីរបញ្ជាក់ថា៖នៅខេត្តស្ទឹងត្រែងមានគ្រួសារចូលនិវត្តបាត់បង់សមត្ថភាពការងារជនពិការ គ្រួសារ ពលី និងគ្រួសារមរណៈ ចំនួន១.៣៧៤នាក់ដែលជាមុខសញ្ញា ស្ថិតនៅក្នុងការគ្រប់គ្រងរបស់មន្ទីរសង្គមកិច្ចអតីតយុវជន និងយុវនិតិសប្បទាខេត្តក្នុងនោះ មានគ្រួសារជនពលី ពិការ និងបាត់បង់សមត្ថភាពចំនួន៩៤៤នាក់។សូមបញ្ជាក់ថា៖ក្នុងពិធីប្រារព្វខួបលើកទី៣៣ទិវាជនពិការនេះ មន្ទីរនិងអាជ្ញាធរខេត្ត បានជូនអំណោយរបស់រាជរដ្ឋាភិបាល ដល់បងប្អូនជនពិការចំនួនជាង៣០០គ្រួសារ ក្នុងមួយគ្រួសារទទួលបានអង្ករ២០គីឡូក្រាម ត្រីខ១០កំប៉ុង ភួយ១ កន្ទេល១ អាវ១ មី១កេះនិងថវិការ២ម៉ឺនរៀល៕
