ខេត្តបន្ទាយមានជ័យ ៖ មានការភ្ញាក់ផ្អើលមួយបានកើតឡើងជាថ្មីនៅព្រឹកថ្ងៃទី២៥ធ្នូនេះបន្ទាប់ពីគេប្រទះឃើញបុរសម្នាក់ បានដេកផ្កាប់មុខស្លាប់ក្នុងបរិវេណដីកាស៊ីណូ ផ្កាយប្រាំ ស្ថិតក្នុងភូមិក្បាលស្ពាន០១ សង្កាត់និងក្រុងប៉ោយប៉ែត ដែកគេសង្ស័យថាជាអំពើឃាតកម្ម ។
យោងតាមសម្តីសាក្សីបានអោយដឹងថាជនរងគ្រោះឈ្មោះ រ៉ែន ប៊ុនធឿន ភេទប្រុស អាយុ៣៤ឆ្នាំ ជាបុគ្គលិកជាងភ្លើងកាស៊ីណូហ្គោឌិនរស់ភូមិសាមគ្គីមានជ័យ សង្កាត់.ក្រុងប៉ោយប៉ែត ខេត្តបន្ទាយមានជ័យ ។នៅយប់កើតហេតុជនរងគ្រោះបានចេញទៅហូបការ នៅភោជនីយ៍ដ្ឋាននាគទិព្ធតែនៅ ព្រឹកនេះស្រាប់តែអ្នកហាត់ប្រាណប្រទះឃើញដេកស្លាប់កណ្តាលវាល ដោយមានរបួសស្នាម ពេញខ្លួននិងខ្ទេចមុខ (ត្រូវគេយកដំថ្មវាយសម្លាប់ ) ។
សមត្ថកិច្ចជំនាញនៅមិនទាន់អះអាងពីករណីស្លាប់នេះថាជាររឿងអ្វីនៅឡើយ៕
