ខេត្តកំពង់ឆ្នាំង៖ « ការងាររក្សាការពារសុវត្តិភាពនិងសន្តិសុខនៅក្នុងភូមិឃុំគឺជាភារកិច្ចរួមរបស់យើងទាំងអស់គ្នា » លោកជំទាវ ជូ ប៊ុនអេង រដ្ឋលេខាធិការក្រសួងមហាផ្ទៃ និងជាប្រធានក្រុមការងារចុះជួយក្រុងកំពង់ឆ្នាំង បានលើកឡើងបែបនេះទៅកាន់ប្រជាពលរដ្ឋចំនួន២១៣នាក់
បន្ទាប់ពីមានសំណូមពររបស់ប្រជាការពារសុំអោយជួយឧបត្ថម្ភឯកសណ្ឋាន នៅក្នុងវេទិការសាធារណៈក្នុងសង្កាត់កំពង់ឆ្នាំង ដែលបានធ្វើឡើងនៅរសៀលថ្ងៃទី២៤ ខែធ្នូ ឆ្នាំ២០១៥ នៅក្នុងវត្តអារញ្ញការាម។
លោកជំទាវបានថ្លែងទៀតថា៖ ប្រជាការពារដែលបានបង្កើតឡើងនៅក្នុងមូលដ្ឋានគឺជាកម្លាំងស្នូ ល ជាអ្នកការពារសន្តិសុខ សុវត្តិភាព និងសេចក្តីសុខ នៅក្នុងមូលដ្ឋាន ប៉ុន្តែពួកគាត់គ្មានប្រាក់ខែនោះទេ ដូច្នេះប្រជាពលរដ្ឋគ្រប់ក្រុមគ្រួសារ ត្រូវសាមគ្គីគ្នាជួយឧបត្ថម្ភដល់ប្រជាការពារ ទៅតាមលទ្ធភាពដែលអាចធ្វើទៅបាន ដើម្បីរួមគ្នាអនុវត្តន៍គោលនយោបាយភូមិឃុំមានសុវត្តិភាពអោយបានជោគជ័យ។
ទាក់ទងនិងសំណូមពររបស់ប្រជាការពារភូមិនៅក្នុងវេទិការនេះ លោកស្រី កែ សុផាត ចៅសង្កាត់កំពង់ឆ្នាំង បាននិយាយអោយដឹងថា៖ កន្លងមកក្រោយពីបានប្រជុំពិភាក្សាជាមួយក្រុមការងារក្នុងសង្កាត់ ជាមួយលោកមេភូមិទាំងអស់តំណាងអោយប្រជាពលរដ្ឋជាង២០០០គ្រួសារ នៅក្នុងសង្កាត់បានឯកភាពគ្នារួចហើយ ក្រុមប្រឹក្សាសង្កាត់កំពង់ឆ្នាំងនឹងធ្វើសេចក្តីអំពាវនាវមួយខាងមុខនេះ សុំអោយប្រជាពល រដ្ឋនៅក្នុងសង្កាត់ជួយឧបត្ថម្ភក្នុងមួយគ្រួសារ មួយខែ៥០០រៀល ដល់ប្រជាការពារគ្រប់ភូមិដែលមានចំ នួនសរុបជាង៣០០នាក់ ។
បញ្ហានេះ លោកជំទាវ ជូ ប៊ុនអេង បានសំណូមពរអោយចៅសង្កាត់ទាំង៤នៅក្នុងក្រុងកំពង់ឆ្នាំងធ្វើអោយបានដូចៗគ្នា ដើម្បីជួយទំនុកបំរុង និងលើកទឹកចិត្តដល់ប្រជាការពារទាំងអស់ ដែលខិតខំធ្វើការទាំងយប់ទាំងថ្ងៃ ជាមួយសមត្ថកិច្ច អោយប្រជាពលរដ្ឋទាំងអស់គ្នាបានគេងលក់ស្រួល និងបានសុខ។
ដោយឡែកនៅក្នុងវេទិការសាធារណៈនេះដែរ តំណាងប្រជាពលរដ្ឋបានស្នើសុំអោយអាជ្ញាធរជួយផ្តល់កម្មសិទ្ធលើដីបង្កបង្កើនផលនៅតំបន់ទួលអំពិល និងតំបន់អានកូ និងសំណូមពរអោយជួយដោះស្រា យថ្លៃអគ្គីនី អោយបានថ្លៃ៨០០រៀលក្នុងមួយគីឡូវ៉ាត់ដូចទីក្រុងភ្នំពេញ។
នៅក្នុងសំណូមពរខាងលើនេះ លោក ហ៊ី ណាត អភិបាលរងខេត្តកំពង់ឆ្នាំងបានបំភ្លឺថា៖ ដីតំបន់ទួលអំពិល និងតំបន់អានកូ គឺជាដីតំបន់២និងតំបន់៣ ដែលគ្រប់គ្រងដោយរដ្ឋបាលជលផល ខាងមុខនេះតំបន់ទាំង២ខាងលើនេះ អាជ្ញាធរខេត្តនិងសុំទៅរាជរដ្ឋាភិបាលរៀបចំជាតំបន់អភិវឌ្ឍន៍ នៅពេលរាជរដ្ឋាភិបាលសំរេច ក្រសួងកសិកម្មនិងកាត់ដីតំបន់នេះចេញប្រគល់អោយខេត្ត និងប្រជាពលរដ្ឋហើយ។
ចំណែកតម្លៃអគ្គីសនី អាជ្ញាធរអគ្គីនីបានអោយដឹងតាមរយះការប្រជុំនៅថ្នាក់ក្រសួងថា៖ នៅក្នុងឆ្នាំ២០១៦ខាងមុខនេះ តម្លៃអគ្គីសនីក្នុងខេត្តកំពង់ឆ្នាំងនឹងបញ្ចុះតម្លៃមកត្រឹម៨០០រៀល ក្នុងមួយគីឡូវ៉ាត់ម៉ោងដូចទីក្រុងភ្នំពេញហើយ។
សូមបញ្ជាក់ថា៖រយះពេល២ថ្ងៃគឺ ថ្ងៃទី២៣ និង២៤ ខែធ្នូនេះ លោកជំទាវ ជូ ប៊ុនអេង រដ្លេខាធិការក្រសួងមហាផ្ទៃ និងជាប្រធានក្រុមការងារចុះជួយក្រុងកំពង់ឆ្នាំង បានចូលរួមក្នុងវេទិការសាធារណៈបា នចំនួន៤លើកជាមួយអាជ្ញាធរក្រុង និងខេត្ត នៅក្នុងសង្កាត់ទាំង៤ក្នុងក្រុងកំពង់ឆ្នាំង ដើម្បីដោះស្រាយក្តីកង្វល់ និងសំណូមពរនានាជូនប្រជាពលរដ្ឋ ទទួលបានលទ្ធផលល្អ ដែលធ្វើអោយប្រជាពលរដ្ឋកាន់ តែយល់ច្បាស់អំពី គោលនយោយបាយដឹកនាំរបស់ប្រមុខរាជរដ្ឋាភិបាល ក្នុងការអភិវឌ្ឍន៍ប្រទេសជាតិ៕
