បន្ទាយមានជ័យ ៖លេចចេញជាថ្មីម្តង់ទៀតពលរដ្ឋរាប់រយពាន់នាក់នៅក្រុងសិរីសោភ័ណក្នុងគម្រោងរបស់ខ្លួនបានផ្តិតមេដៃនឹងគ្រោងធ្វើបាតុកម្មតវ៉ាប្រឆាំងជំទាស់នឹងអាជ្ញាធរខេត្តបន្ទាយមានជ័យនិងឈ្មួញក្នុងការផ្លាស់ប្តូរបេនឡានទៅដាក់ទីតាំងវាលស្រែក្នុងស្រុកផ្សេង។
តាមស្តាមមេដៃជាង១.០០០នាក់ជាពិសេសរស់នៅជំវិញចំណតរថយន្តខេត្តបន្ទាយមានជ័យបានអោយសារព័ត៍មានដឹងថ្ងៃថា:ពួកខ្លួនសូមប្តឹងជំទាស់នឹងអាជ្ញាធរខេត្តដែលបានត្រូវរូវជាមួយក្រុមហ៊ុនវិនិយោគផ្លាស់ប្តូរចំណត់រថយន្តទៅទីតាំងឆ្ងាយហើយយកដីបេនឡាននៅក្រុងសិរីសោភ័ណអង្កន់ជាដីផ្ទះល្វែងលក់ធ្វើអោយប៉ះពាល់ដល់តម្រូវការនិងផលប្រយោជន៍របស់ពលរដ្ឋយ៉ាងច្រើន។
ពលរដ្ឋនិយាយបន្តថា:យើងខ្ញុំ សូមសំណូមពរ(ដល់អាជ្ញាធរខេត្ត..)អោយទុក(បេនឡានតូចនិងបេនឡានធំ)នៅក្រុងសិរីសោភ័ណនេះអោយនៅដដែល។យើងខ្ញុំចូលរួមផ្តិតមេដៃជំទាស់ដាច់ខាតនិងការពារទុក(បេនឡានកេរតាំងពីសម័យអាណានិគមនិយមបរាំង..សម័យសង្គមរាស្ត្រនិយម…សម័យសាធារណរដ្ឋប្រជាមានិតកម្ពុជា..)ចុងក្រោយមួយនេះសម្រាប់កូនចៅជំនាន់ក្រោយបានប្រើប្រាសផង។
ក្រៅពីខ្លឹមសារក្នុងញត្តិនិងជាគម្រោងពាក្យបណ្តឹងនោះ ពលរដ្ឋនិយាយថា:អាជ្ញាធរខេត្តបន្ទាយមានជ័យក្នុងអាណត្តិបន្តបន្ទាប់តាំងពីឆ្នាំ២០០៨ តែងស្នើនិងបានការគាំទ្រពីថ្នាក់លើដោះដូរដីរដ្ឋពីសម័យមុនទៅជាដីកម្មសិទ្ធឯកជន។
ហេតុដូចនេះដើម្បីកុំអោយមានការផ្កាស់ប្តូរឬលក់បន្តទៀតពលរដ្ឋសូមសំណូមពរដ៏ទទូចដល់អាជ្ញាធរខេត្តនិងថ្នាក់លើពាក់ព័ន្ធអាណត្តិឬជំនាន់បច្ចុប្បន្ន មេត្តាជួយរក្សាទុកកេរចាស់ឬបោះបង់ចិត្តចង់លក់ឬដោះដូរនេះដោយក្តីអាណិតអាសូរដល់ពលរដ្ឋក្នុងខេត្តបន្ទាយមានជ័យដោយក្តីអនុគ្រោះបំផុតផងទៅចុះ។
សូមរំលឹកថា ក្រុមហ៊ុនមនោរតន:ខន់ត្រាក់សិនខូអិលធីឌីដែលគេស្គាល់ថាជារបស់លោកឧកញ៉ាហង្ស សីុផានៅខេត្តបន្ទាយមានជ័យ បានរត់ការស្នើសុំ ហើយបានការគាំទ្រអោយដោះដូរឬផ្ទេរចំណតរថយន្តតូចនិងធំទាំង២ទីតាំងគឺទីតាំងជាប់មន្ទីរប្រៃសនីយ៍ខេត្តនិងទីតាំងជាប់មាត់ស្ទឹងសិរីសោភ័ណក្បែរស្ពានថ្មសម្តេចតេជោហ៊ុន សែនដែលស្ថិតនៅភូមិ៣សង្កាត់ព្រះពន្លាក្រុងសិរីសោភ័ណ ។
ក្រុមហ៊ុននឹងយកបេនឡានទៅដាក់ទីតាំងថ្មីមានទំហំត្រឹម២ហិចតាស្ថិតនៅកណ្តាលវាលស្រែរបស់ស្រុកមង្គលបូរី(ខាងត្បូងទីរួមខេត្តជាង៦គ.ម ក្បែរគម្រោងផ្លូវជាតិលេខ៥ថ្មីវាងក្រុងសិរីសោភ័ណ) ។ដីទីតាំងថ្មីមានតម្លៃ១ហិចតាពី២-៤មឺុនដុល្លាប៉ុណ្ណោះខុសពីទីតាំចាស់ដីមួយល្វែងពី៥ទៅ៦មឺុនដុល្លា។
សូមបញ្ជក់ថាទីតាំងចំណតរថយន្តខេត្តបន្ទាយមានជ័យស្ទើតែជាទីតាំងចុងក្រោយរបស់ខេត្តបន្ទសយមានជ័យដែលមានផ្ទៃដីធំហើយមានសំណង់តិចតួចនៅចំកណ្តាលទីរួមខេត្តនិងតំលៃដីថ្លៃកំពុងត្រូវបានដោះដូរអោយឯកជនបន្ទាប់ពីទីតាំងផ្សេងៗទៀតដូចជាទីតាំងស្នងការ រដ្ឋបាលជំវិញខេត្តក្នុងបរិវេណអក្សរអ៊ុយ ដែលមានមន្ទីរជាច្រើន ត្រូវបានដូរទីទីតាំង លិច កើត ជីងត្បូង ។មួយទៀតជាបរិវេណទិការខេត្តលេចឭថាមានការលក់ធ្វើជាផ្ទះល្វែងតែត្រូវបានលោកឧបនាយករដ្ឋមន្រី្ត កែ គឹមយ៉ានប្រធានអាជ្ញាធរជាតិប្រឆាំងគ្រឿងញៀនមិងជាប្រធានក្រុមការងារថ្នាក់ជាតិចះុជួយខេត្តបន្ទាយមានជ័យប្រកាសជាសាធារណះថាមិនមានការលក់ដោះដូរឡើយគឺទុកសម្រាប់ប្រជាពលរដ្ឋកំសាន្តលេងតាមការរៀបចំសួនអោយបានស្អាត៕
