គ្រីមា៖ទោះបីជាមានការព្រមានពីលោកខាងលិចអាមេរិក និងអឺរ៉ុប ក៏លោកប្រធានាធិបតីរុស្ស៊ីវ្វ្លាឌីមៀ ពូទីន (Vladimir Putin) បានជម្នះទៅទស្សនកិច្ចនៅគ្រីមា អ៊ុយក្រែនជាមួយ ក្រុមមន្ត្រីនាវិក និងកងទ័ពរបស់ខ្លួន នាកំពង់ផែ កាលពីថ្ងៃសុក្រ (the Crimean port of Sevastopol on Friday) នេះបើតាមវេបសាយបរទេសចិន ឆាយណាដេលីកាលពីថ្ងៃសៅរ៍។
ប្រភពដដែលនេះបានបន្តថា អំឡុងដំណើរទស្សនកិច្ចលើកទី១ ទៅតំបន់សមុទ្រខ្មៅទៅតំបន់ទេសានុព័ន្ធឬជាឧបសម្ព័ន្ធគ្រីមានេះ លោក Vladimir Putin ក៏ទស្សនាក្បួនព្យុហយាត្រានាវកងទ័ព និងទ័ពអាកាសដ៏ខ្លាំងក្លាដែលឈ្នះពួកណាស៊ីអាល្លឺម៉ង់ (Nazi Germany in World War II) ផងដែរ ។
ព្យុហយាត្រានាវាកងទ័ព ម៉ារីនដែលមានកម្លាំងរាប់ពាន់នាក់ និងមានបំពាក់កាំភ្លើងធំ ព្រមទាំងមីស៊ីលបាលីស្ទិកផងនោះបានចេញដំណើរពីសមុទ្រខ្មៅ ទៅគ្រីមា ហើយក៏មាន ឧទ្ធម្ភាគចក្រហោះលើអាកាសថែមទៀតផង។ អំឡុងដំណើរទស្សនកិច្ចលើកទី១ ទៅតំបន់សមុទ្រខ្មៅគ្រីមានេះ ក្រុមមន្ត្រីអ៊ុយក្រែន បានចាត់ទុកថាជាដំណើរទស្សនកិច្ចល្មើសជាន់ឈ្លីច្បាប់អន្តរជាតិ។
បណ្តាប្រទេសលោកខាងលិច រួមមានអាមេរិក និងអឺរ៉ុបផងដែរបានព្រមាន និងគំរាមដាក់ ទណ្ឌកម្មឬក៏វិធានការមយយចំនួនបើរុស្ស៊ីល្មើសកិច្ចព្រមព្រៀង តែរុស្ស៊ីឆ្លើយតបថា បើហ៊ាន នឹងទទួលផលវិបាកយ៉ាងធ្ងន់ធ្ងរជាមិនខាន៕ 
