សៀមរាប ៖ អគ្គិភ័យឆាបឆេះបន្ទប់ខារ៉ាអូខេភោជនីយដ្ឋានស្វាយមាសពីបន្ទប់ ដែលហេតុការណ៍នេះកើតឡើងកាលពីវេលាម៉ោង៥ និង៣០នាទីល្ងាច នាថ្ងៃទី២៥ ខែធ្នូ ឆ្នាំ២០១៥ ហេតុការឆេះបន្ទប់ខារ៉ាអូខេស្វាយមាសនេះស្ថិតនៅក្នុងភូមិតាវៀន សង្កាត់សាលាកំរើក ក្រុង
និងខេត្តសៀមរាប សង្ស័យបណ្តាលមកពីឆ្លងចរន្តអគ្គិសនី ។ប្រភពព័ត៌មានដែលឃើញហេតុការបានឲ្យដឹងថា ម្ចាស់ភោជនីយដ្ឋានស្វាយមាស មានឈ្មោះ ភិន លីង៉ែត ភេទប្រុស អាយុ៣៩ឆ្នាំ រស់នៅភូមិកើតហេតុខាងលើ ។ ប្រភព
ឲ្យដឹងទៀតថា តាមការសន្និដ្ឋានជំហានដំបូងអគ្គិភ័យនេះបណ្តាលមកពីឆ្លងចរន្តអគ្គិសនី ។
អគ្គិភ័យនេះត្រូវបានពន្លត់ឲ្យរលត់ទាំងស្រុងទៅវិញដោយមានការអន្តរាគមន៍ពីរថយន្តពន្លត់អគ្គិភ័យរបស់កងរាជអាវុធហត្ថខេត្តសៀមរាបចំនួន១ឡាន និងរបស់ស្នងការដ្ឋាននគរបាលចំនួន២ឡាន តែបាញ់ទឹកអស់តែ១ឡានរបស់ស្នងការប៉ុណ្ណោះ ៕
វេហាស៍
