ឧត្តរមានជ័យ៖ ហេតុការណ៍គ្រោះថ្នាក់ចរាចរណ៍នេះ កើតឡើងកាលពីវេលាម៉ោង៥និង៣០នាទីល្ងាច ថ្ងៃទី២៦ ខែធ្នូ ឆ្នាំ២០១៧។សមត្ថកិច្ចប៉ូលិស បានឲ្យដឹងថា ករណីគ្រោះថ្នាក់ចរាចរណ៍នេះកើតឡើងនៅលើកំណាត់ផ្លូវជាតិ លេខ៦៧B.ចំណុចផ្លូវបំបែកជា៤ហៃវ៉េ ស្ថិត
នៅក្នុងភូមិខ្លែងពណ៍ ឃុំត្រពាំងតាវ ស្រុកអន្លង់វែង ខេត្តឧត្តរមានជ័យ ដោយរថយន្តបាឡែនបុកជាមួយរថយន្តកាមរី កាលី បណ្តាលឲ្យរងរបួស២នាក់។ហើយចំណែករថយន្តខូចខាតទាំងសងខាង។សមត្ថកិច្ចបានឲ្យដឹងថា ភាគីរថយន្តកាលីឈ្មោះ ហុក ម៉េង ភេទប្រុសអាយុ៣៨ឆ្នាំ រស់នៅភូមិធម្មជាតិ ឃុំស្រអែម ស្រុកជាំក្សាន្ត ខេត្តព្រះវិហារ បើកបររថយន្តម៉ាកកាលី កាត់ទ្រុង សេរី៨៥ ពណ៍ប្រផះពាក់ស្លាកលេខ ង-០២០៤ ភព ២ គ្មានរបួស អ្នករួមដំណើជាមួយចំនួន២នាក់ ត្រូវជាកូន១ឈ្មោះហុក សៀវឡា ភេទប្រុស អាយុ៦ឆ្នាំ(គ្មានរបួស)២-ឈ្មោះហុក.ឡង ភេទប្រុសអាយុ៤ឆ្នាំរងរបួសស្រាល។ភាគីរថយន្តបាឡែន ឈ្មោះឈួន តឿ ភេទប្រុស អាយុ២៧ឆ្នាំ រស់នៅភូមិកំពង់ថ្ម ឃុំសន្ទុក ស្រុកស្ទឹងសែន ខេត្តកំពង់ធំ បើកបររថយន្តម៉ាក កាមរីបាឡែន សេរី២០០២ពណ៍ទឹកប្រាក់ ពាក់ស្លាកលេខ ភ្នំពេញ២AS-៤៣១៥ ក្រោយពេលកើតហេតុ បានរត់គេចខ្លួនបាត់ អ្នករួមដំណើរ ជាមួយម្នាក់ឈ្មោះគុយ សេងហុក ភេទប្រុសអាយុ៣២ឆ្នាំ ភូមិ ឃុំ ជាមួយគ្នារបួសស្រាល។សមត្ថកិច្ច បានបន្តទៀតថា ករណីនេះ អធិការនគរបាលស្រុក បានចាត់តាំងកម្លាំងជំនាញ និងប៉ុស្តិ៍ឃុំចុះទៅកន្លែងកើតហេតុភ្លាមៗដើម្បីជួយអន្តរគមន៍ យកជនរងគ្រោះមកកាន់ មន្ទីរពេទ្យបង្អែកស្រុកអន្លង់វែងនិងធ្វើកំណត់ហេតុ ចាត់ការតាមនិតិវិធីច្បាប់៕
