បន្ទាយមានជ័យ:ពលរដ្ឋនៅក្នុងស្រុកមង្គលបូរី រាប់ម៉ឺននាក់ អាចប្រឈមនិងការខ្វះខាតទឹកបរិភោគឬប្រើប្រាស់ ស្របពេលរាជរដ្ឋាភិបាលចេញចរាចរណ៍ណែនាំ អោយគ្រប់ខេត្តក្រុងរក្សាទឹកទុក និងមិនអោយធ្វើស្រែប្រាំងលើសពី១ដងសម្រាប់ឆ្នាំ២០១៥-២០១៦ និងដាក់វិធាន
ការដល់អជ្ញាធរ មន្ត្រីជំនាញ រិះរកគ្រប់មធ្យោបាយដើម្បីផ្គត់ផ្គង់ទឹកជូនពលរដ្ឋប្រើប្រាស់គ្រប់គ្រាន់។ក្នុងកិច្ចពិភាក្សា និងចុះផ្ទាល់ដល់ទីតាំងដែលត្រូវយកទឹកមកប្រើប្រាស់ សម្រាប់ពលរដ្ឋស្រុកមង្គលបូរីលោក លី សារី អភិបាលរងខេត្តបន្ទាយមានជ័យ លោក ញិល ប៊ុនធឿនប្រធានមន្ទីរ ឧស្សាហកម្មនិងសិប្បកម្ម រដ្ឋបាលស្រុកមង្គលបូរី និងក្រុមហ៊ុនទឺកស្អាតបានពិនិត្យឃើញប្រភពទឹកមិនចេះរីងស្ងួត ដែលមាននៅក្នុងភ្នំបន្ទាយនាង ស្ថិតនៅភូមិភ្នំ ឃុំបន្ទាយនាង អាចបូមយកមកប្រាស់បានគ្រប់គ្រាន់បាន។
លោក លី សារី អភិបាលរងខេត្តបន្ទាយមានជ័យបានណែនាំមន្រីជំនាញ សហការ រដ្ឋបាលស្រុកមង្គលបូរី ជាមួយក្រុមហ៊ុនដែលមានលទ្ធភាព រៀបចំបណ្ដាញទុយយោទឹក អោយបានរួចរាល់ ហាមឃាត់រាល់ការបូមបាច ស្រះបឹងត្រពាំង ចាប់យកត្រី និងស្នើរសុំអោយពលរដ្ឋផ្អាក់ការធ្វើស្រែ ទុកទឹកសម្រាប់ប្រើប្រាស់នៅពេលគ្រោះរាំងស្ងួតមកដល់៕
