ខេត្តកំពង់ឆ្នាំង ៖ អាជីវករលក់ដូរក្នុងផ្សារលើ បានព្រួតគ្នាចាប់បានជនសង្ស័យម្នាក់ ប្រគល់អោយសមត្ថកិច្ចនគរ បាលក្រុងកំពង់ឆ្នាំង នៅពេលជនសង្ស័យរូបនោះ បានយកក្រដាស់ប្រាក់១០០ដុល្លាក្លែងក្លាយសម្រាប់សែនអោយខ្មោច យកទៅទិញខោអាវក្នុងផ្សារលើ ។ ការភ្ញាក់
ផ្អើលនេះបានកើតឡើងនៅម៉ោង៩និង៣០នាទី ព្រឹកថ្ងៃទី២៧ ខែធ្នូ ឆ្នាំ២០១៥ ។
សមត្ថកិច្ចនគរបាលក្រុងកំពង់ឆ្នាំង បានអោយដឹងថា៖ បុរសសង្ស័យរូបនោះមានឈ្មោះ ជា រតនៈអាយុ៤៨ឆ្នាំ មានទីលំនៅ ស្រុកមង្គលបូរី ខេត្តតាកែវ។ គេបានឆ្លើយត្រឡប់ត្តឡិន ម្តងថា៖គេបានធ្វើដំ ណើរមកពីខេត្តបាត់ដំបង បំណងទៅស្រុកនៅខេត្តតាកែវ ។ ម្តងថា ទើបចេញពីមន្ទីរពេទ្យខេត្តហើយទៅទិញខោអាវស្លៀក ត្រូវគេចាប់ខ្លួន ។ នៅក្នុងករណីនេះសមត្ថកិច្ចបានត្រួតពិនិត្យឃើញលុយដុលា្លក្លែងក្លាយសម្រាប់ដុតសែនខ្មោច ចំនួន១៤៦០ ដុល្លា និងលុយខ្មែរ ចំនួន៣៥០០រៀល ។ ក្រៅពីនោះឃើញមានសំបុត្រវិជ្ជបញ្ជារទិញថ្នាំរបស់គ្រូពេទ្យខេត្តបាត់ដំបង។
សមត្ថកិច្ចបានអោយដឹងទៀតថា៖ ពេលសាកសួរចម្លើយមិនបានលទ្ធផលនោះទេ ព្រោះម្តងថាធ្វើអង្គរក្ស ម្តងថាធ្វើទាហាន ម្តងថាដេកពេទ្យ ចំ ណែកក្នុងកាបូបស្ពាយរបស់គេមាន ភួយដណ្តប់ មានថ្នាំដុះធ្មេញ មានសាប៊ូ ខោអាវ និងគួបផ្សំមានសំបុត្របញ្ជាក់គ្រូពេទ្យផងនោះ សមត្ថកិច្ចនគរបាលបានឆ្លងយោបល់ ថ្នាក់លើ ក៏ដូចជាព្រះរាជអាជ្ញា ទើបសន្និដ្ឋានថា៖ ជាមនុស្សមានស្មារតីមិនល្អ ហើយបានសម្រេច ធ្វើការអប់រំណែនាំ អោយត្រឡប់ទៅវិញ ដោយបានដកហូតប្រាក់ដុល្លាសម្រាប់សែនខ្មោចទុក កុំអោយយកទៅចា យបន្តទៀត។
ទន្ទឹមនេះផងដែរសមត្ថកិច្ចនគរបាលក្រុងកំពង់ឆ្នាំងសុំអំពាវនាវ តាម ការផ្សាយរបស់សារព័ត៌មាន បើក្រុមគ្រួសារ បានឃើញដូចមានភិនភាគនេះ សូមប្រញាប់មកទទួលយកទៅស្រុកកំណើតផង ព្រោះបុរសនេះមានសតិមិនល្អទេ កុំពុងតែងតោលមិនដឹងថាហូបបាយទឹកនៅឯណាទេ ៕
