កំពង់ធំ. លោក អ៊ិត សុធា ព្រះរាជអាជ្ញាអមសាលាដំបូងខេត្តកំពង់ធំ បានប្រគល់ភារៈកិច្ចឲ្យលោក សាយ ណូរ៉ា ព្រះរាជអាជ្ញារង ខេត្តកំពង់ធំ ដឹកនាំកម្លាំងសហការជាមួយកម្លាំងឌឺបេជើងគោគ ខេត្តកំពង់ធំ និងកម្លាំងនៃអធិការង ស្រុកសណ្តាន់ ស្ទាក់ចាប់ជនសង្ស័យចំនួន៣នាក់
ពាក់ព័ន្ឋនឹងលក់ក្បាលអ្នកតា និងវត្ថុបុរាណ ដែលជាមុខសញ្ញាដើរឆបោកលក់ក្បាលអ្នកតាមកយូរហើយ ទើបលោកប្រះរាជអាជ្ញារ ធ្វើជាអន្ទាក់យកលុយកូបពីចំនួន ១០០០០ដុល្លាជាធ្នាក់សម្រាប់ការណាត់ទិញពីជនខិលខូចទាំងនេះ។
ហេតុការចុះឃាត់ខ្លួនជនសង្ស័យទាំង៣នាក់ បានធ្វើឡើងនៅថ្ងៃទី២៨ ខែធ្នូឆ្នាំ២០១៥នៅចំនុច ចំនុចភូមិ រការជួរ ព្រំប្រទល់ ឃុំគោល និង ឃុំ ក្លែង ស្រុកប្រាសាទសំបូរ និងស្រុកសណ្តាន់ ខេត្តកំពង់ធំ. កាលពីវេលាម៉ោង ១១.៣០នាទី ហើយសមត្ថកិច្ចបានឃាត់មនុស្ស៣នាក់ និងវត្ថុតាងមានរូបបដិមាករ ចំនួន៧អង្គ យកមករក្សាទុក ចំណែកមនុស្សទាំង៣នាក់ត្រូវបានបញ្ជូនមកកាន់ស្នងការ ដ្ឋាននគរបាលខេត្តកំពង់ធំ. ដើម្បីកសាងសំណុំរឿងបញ្ជូនតុលាការ ។
លោក អ៊ិត សុធាព្រះរាជអាជ្ញាខេត្តកំពង់ធំ បានមានប្រសាសន៍ថា មុខសញ្ញាជនសង្ស័យនេះ គឺត្រូវបានតាមដានមកយូរហើយ គឺជាមុខសញ្ញាសំខាន់ ដែលតែងតែធ្វើសកម្មភាពលក់ក្បាលអ្នកតា ទើបតែពេលនេះទើបសមត្ថកិច្ចអាចឃាត់ខ្លួនបាន លោកបានបន្តថាសម្រាប់វត្ថុតាងដែល មានរូបបដិមាករទាំង៧អង្គនេះបើតាមជំនាញសណ្ឋានថា គឺជារបស់សុទ្ធ.សម្រាប់ជនសង្ស័យទី១ ឈ្មោះ ហៀត ទី២ ឈ្មោះញៀន ញ៉ិល និងអ្នកទី៣ ពុំស្គាល់អត្តសញ្ញាណ។
លោក អ៊ិត សុធា ព្រះរាជអាជ្ញា បានអគុណចំពោះសមត្ថកិច្ច ដែលបានសហការ ក្នុងកិច្ចប្រតិបត្តិការចាប់ជន ខិលខូចបានសម្រេច ដែលជាមុខសញ្ញាមកយូរហើយ ទើបតែពេលនេះ ទើបចាប់ឃាត់ខ្លួនបានសម្រេច ។
ប្រភពព័ត៌មានចុងក្រោយ ជនសង្ស័យទាំង៣នាក់ កំពុងតែរត់ការដោះចេញពីសំណាញ់ច្បាប់ ដោយសំអាង ទៅលើសាច់ញ្ញាតិរបស់អ្នកធំនៅពីក្រោយខ្នង ។
ដោយ ប៊ុន រដ្ឋា 
