ខេត្តកំពង់ឆ្នាំង៖ នៅស្នាក់ការគណបក្សប្រជាជនកម្ពុជាស្រុកទឹកផុសនាព្រឹកថ្ងៃទី២៥ ខែធ្នូ ឆ្នាំ២០១៥ ឯកឧត្តមឈួរច័ន្ទឌឿនអភិបាលខេត្តកំពង់ឆ្នាំងនិងជាប្រធានគណៈកម្មាធិការគណៈបក្សប្រជាជនកម្ពុជាខេត្តកំពង់ឆ្នាំងបានជួបសំណេះសំណាលជាមួយសមាជិកសមាជិការគណបក្សប្រជាជនកម្ពុជា
ស្រុកទឹកផុសចំនួន៤៣៥នាក់ដើម្បីជំរុញអោយមានការចូលរួមការអភិវឌ្ឍន៍សង្គម និងអនុវត្តន៍គោលនយោបាយកំណែទំរង់ស៊ីជម្រៅរបស់ប្រមុខរាជរដ្ឋាភិបាលដើម្បីអភិវឌ្ឍន៍ប្រទេសជាតិអោយមានការរីកចំរើនលើគ្រប់វិស័យនាពេលអនាគត។ឯកឧត្តម ឈួរន្ទឌឿនបានថ្លែងថា ៖ គណបក្សប្រជាជនកម្ពុជាក្រោយពីបានរំដោះ ប្រទេសជាតិចេញពីរបបប្រល័យពូជសាសន៍ប៉ុលពតនៅថៃ្ងទី៧ខែមករាឆ្នាំ១៩៧៩ ក្នុងរយៈពេល៣៦ឆ្នាំមកនេះធ្វើអោយប្រជាពលរដ្ឋរស់រានមានជីវិតថ្មី និងបានចាប់ផ្តើមកសាងប្រទេសតាំងពីបាតដៃទទេរហូតដល់មានការរីកចំរើនលើគ្រប់វិស័យរហូតដល់បច្ចុប្បន្ននេះ។រាជរដ្ឋាភិបាលដែលដឹកនាំដោយសម្តេចអគ្គសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានដាក់ចេញនូវនយោបាយឈ្នះឈ្នះ ទទួលបានជោគជ័យ បានបង្រួបបង្រួមជាតិខ្មែរតែមួយឡើងវិញ ធ្វើអោយប្រទេសកម្ពុជាមានសុខសន្តិភាព ស្ថេរភាពនយោបាយ និងមានសណ្តាប់ធ្នាប់ក្នុងសង្គមបានល្អប្រសើរ ធ្វើអោយមានការអភិវឌ្ឍន៍លើគ្រប់វិស័យគួរអោយមោទនៈ។ ភាពអំណោយផលខាងនយោបាយនេះបានរក្សានូវស្ថេរភាពម៉ាក្រូសេដ្ឋកិច្ចដែលទ្រទ្រង់ដល់ការរីកចំរើននៃវិស័យកសិកម្ម ឧស្សាហកម្ម ទេសចរណ៍ សំណង់ និងរក្សាបាននូវអត្រា កំណើនកំណើនសេដ្ឋកិច្ចបានល្អប្រសើរហើយសម្តេចតេជោ ប្រមុខរាជរដ្ឋាភិបាលបានយកចិត្តទុកដាក់លុបបំបាត់នូវស្នាមបែកបាក់នៅក្នុងសង្គមជាតិធ្វើ អោយមានធ្លុងមហាសាមគ្គីជាតិកាន់តែរឹងម៉ាំឡើង ដើម្បីរួមគ្នាដឹកនាំនិងកសាងប្រទេសអោយកាន់តែមានការរីកចំរើនថែមទៀតនាពេលអនាគត។ ឯកឧត្តមឈួរច័ន្ទឌឿន ក៏បានផ្តាំផ្ញើរផងដែរដល់សមាជិកសមាជិកាទាំងអស់ត្រូវចូលរួមគ្នាគោរពច្បាប់ចរាចរណ៍ផ្លូវគោក និងណែនាំកូនចៅកុំអោយធ្វើខ្លួនជាក្មេងទំនើង ត្រូវជៀសអោយឆ្ងាយពីគ្រឿងញៀន ល្បែងស៊ីសង ត្រូវសហការណ៍រាយការណ៍បានទាន់ពេលវេលាជូនសមត្ថកិច្ចពីសកម្មភាពជនល្មើសដើម្បីចាប់មកផ្តន្ទាទោសអោយបានទាន់ពេលវេលាមិនត្រូវជឿលើការឃោសនាបោកបញ្ឆោតរបស់ជនអគតិដែលផ្សព្វផ្សា យព័ត៌មានលាភពណ៌បង្កអោយមានអស្ថេរភាពក្នុងសង្គមជាពិសេសសមាជិកសមាជិការគណបក្សទាំងអស់ត្រួវសាមគ្គីគ្នាធ្វើការងារអោយប្រជាជនមានទំនុកចិត្តលើគណបក្សប្រជាជនកម្ពុជា ដោយចូលរួមបោះជូនគណបក្សនៅក្នុងឆ្នាំ២០១៧និងឆ្នាំ២០១៨ខាងមុខនេះអោយបានជោគជ័យ៕
