បន្ទាយមានជ័យ ៖ សមត្ថកិច្ចប៉ូលីសប្រឆាំងបទល្មើសគ្រឿងញៀននៃស្នងការនគរបាលខេត្តបន្ទាយមានជ័យ បានធ្វើការឃាត់ខ្លួនជនសង្ស័យជួញដូរគ្រឿងញៀនម្នាក់ កាលពីល្ងាចថ្ងៃទី៣០ ធ្នូ ២០១៥ នៅចំនុចផ្លូវរថភ្លើងទល់មុខសាលារៀនព្រហូត ភូមិព្រហូត សង្កាត់អូរអំបិល
ក្រុងសិរីសោភ័ណ ខេត្តបន្ទាយមានជ័យ ។
លោក ធិន ស៊ិនដេត នាយការិយាល័យប្រឆាំងបទល្មើសគ្រឿងញៀននៃស្នងការនគរបាលខេត្តបន្ទាយមានជ័យ បានអោយដឹងថា ដោយមានការសម្របសម្រួលពីលោក ផាន់ វណ្ណរ័ត្ន ព្រះរាជអាជ្ញាអមសាលាដំបូងខេត្តបន្ទាយមានជ័យ ក៏ដូចជាអនុវត្តន៍តាមផែនការ និងបទបញ្ជាតឹងរឹងរបស់លោកឧត្តមសេនីយ៍ស្នងការខេត្តបន្ទាយមានជ័យ លើការទប់ស្កាត់ និងបង្ក្រាបបទល្មើសគ្រឿងញៀន កម្លាំងរបស់លោកបានធ្វើការស្រាវជ្រាវ រហូតឈានដល់ការឃាត់ខ្លួនជនសង្ស័យជួញដូរគ្រឿងញៀនម្នាក់ ឈ្មោះ លឹម បណ្តូល ហៅ ទី ភេទប្រុស អាយុ២៨ឆ្នាំ មានមុខរបរជាកម្មករ មានទីលំនៅភូមិគោរដ្ឋាន សង្កាត់អូរអំបិល ក្រុងសិរីសោភ័ណ ខេត្តបន្ទាយមានជ័យ និងបានដកហូតនូវវត្ថុតាងមួយចំនួនដូចជា ថ្នាំញៀនប្រភេទមេតំហ្វេតាមីនទឺកកកចំនួន៦កូនថង់តូច ស្មើរនិង១.៣ក្រាម និងទូរស័ព្ទដៃមួយគ្រឿង ។
បច្ចុប្បន្ន ជនសង្ស័យរួមនិងវត្ថុតាងកំពុងត្រូវបានកម្លាំងជំនាញកសាងសំនុំរឿងបញ្ជូនខ្លួនទៅកាន់តុលាការដើម្បីចាត់ការតាមនីតិវិធីច្បាប់ ៕ 
