ឧត្តរមានជ័យ៖ កាលពីវេលាម៉ោង៤និង៣០នាទី ថ្ងៃទី៣០ ខែធ្នូ ឆ្នាំ២០១៥ កម្លាំងនគរបាលស្រុកអន្លង់វែង សលការជាមួយនគរបាលខេត្ត បានចុះបង្ក្រាបល្បែងស៊ីសងខុសច្បាប់ នៅចំណុច ភូមិថ្នល់កែង ឃុំអន្លង់វែង ស្រុកអន្លង់វែង ខេត្តឧត្តរមានជ័យ។លោកវរសេនីយ៍ទោ ស៊ីម
វណ្ណះ អធិការនគរបាលស្រុក បានឲ្យដឹងថា ការដែលឈានទៅចាប់បង្ក្រាបល្បែងស៊ីសងខុសច្បាប់នោះ ដោយមានការចង្អុលបង្ហាញពី លោកឧត្តមសេនីយ៍ ម៉ែន លី ស្នងការនគរបាលខេត្ត ហើយលទ្ធផល បង្ក្រាបឃាត់បាន រួមមានមនុស្ស៦នាក់ មេអាប៉ោងចំនួន៦គ្រាប់ ចានអាប៉ោង១ កម្រាល(ហាន់តោ)ចំនួន១ ប្រាក់រៀលចំនួន២០០.០០០រៀល ទូរសព្ទ័ដៃចំនួន៦គ្រឿង ម៉ូតូ១៣គ្រឿង រថយន្ត១គ្រឿង។លោកវរសេនីយ៍ទោ ស៊ីម វណ្ណះ អធិការនគរបាលស្រុក បានបន្តឲ្យដឹងទៀតថា អ្នកញៀនល្បែងទាំង៦នាក់ ១ឈ្មោះពៅ ឧត្តម ហៅផល ភេទប្រុសអាយុ៣៧ឆ្នាំ រស់នៅភូមិកណ្តាលលើ ឃុំអន្លង់វែង ស្រុកអន្លង់វែង ខេត្តឧត្តរមានជ័យ ២ឈ្មោះធុច សារិត ហៅ ធី ភេទប្រុសអាយុ៤៦ឆ្នាំ រស់នៅភូមិឡាក់១២ ឃុំកំរៀង ស្រុកកំរៀង ខេត្តបាត់ដំបង ៣ឈ្មោះហាក់ ប៊ុន ណា ភេទប្រុសអាយុ៤៦ឆ្នាំ រស់នៅភូមិថ្នល់កែង ឃុំអន្លង់វែង ស្រុកអន្លង់វែង ខេត្តឧត្តរមានជ័យ ៤ឈ្មោះឈន់ សាវុធ ភេទប្រុសអាយុ៥៣ឆ្នាំ រស់នៅភូមិពពេលសែនជ័យ ឃុំផ្អាវ ស្រុកត្រពាំងប្រាសាទ ខេត្តឧត្តរមានជ័យ ៥ឈ្មោះឌុក ដារ៉ា ហៅ សឺង ភេទប្រុសអាយុ៤០ឆ្នាំ រស់នៅភូមិថ្នល់កែង ឃុំអន្លង់វែង ស្រុកអន្លង់វែង ៦ឈ្មោះសាវ សូ ភេទប្រុសអាយុ៣៩ឆ្នាំ រស់នៅភូមិកណ្តោលចាស់ ឃុំព្រះដំរី ស្រុកស្ទោង ខេត្តកំពង់ធំ។លោកវរសេនីយ៍ទោស៊ីម វណ្ណះ អធិការនគរបាលស្រុក បានបន្តទៀតថា នៅពេលបច្ចុប្បន្ន កម្លាំងជំនាញកំពុងសាកសួរ និងកសាងសំណុំរឿងទៅតាមនិតិវិធីច្បាប់៕
