ខេត្តឧត្តរមានជ័យ ៖យុវជនវ័យ១៦ឆ្នាំម្នាក់ ត្រូវសមត្ថកិច្ចចាប់ខ្លួនដាក់គុកនៅខេត្តស៊ីសាកេតអស់រយះពេល២ខែកាលពីវេលាម៉ោង១១និង៤០នាទី នៅថ្ងៃទី៣១ ខែធ្នូ ឆ្នាំ២០១៥នេះ អាជ្ញាធរថៃបានបញ្ជូនរូបគេមកស្រុកកំណើតវិញហើយ តាមច្រកជាំ សាង៉ាំ ស្រុកអន្លង់វែង
ខេត្តឧត្តរមានជ័យ។ពលរដ្ឋដែលថៃចាប់បញ្ជូនមកមានឈ្មោះ គង់ សៀវប៉ាវ ភេទប្រុស អាយុ១៦ឆ្នាំ មានស្រុកកំណើត នៅភូមិអូរស្វាយ ឃុំអូរស្វាយ ស្រុកត្រពាំងប្រាសាទ ខេត្តឧត្តរមានជ័យ។ត្រូវសមត្ថកិច្ចថៃចាប់ខ្លួន ខណះឆ្លងដែនខុសច្បាប់តាមច្រករបៀងភូមិអូរស្វាយ ក្នុងស្រុកត្រពាំងប្រាសាទ.ខេត្តឧត្តរមានជ័យ។
នគរបាលអន្តោរប្រវេសន៍ច្រកជាំសាង៉ាំ បានឲ្យដឹងថា ពលរដ្ឋរូបនេះត្រូវថៃចាប់ខ្លួន កាលពីថ្ងៃទី៣០ ខែតុលា ឆ្នាំ២០១៥ ពីបទឆ្លងដែនខុសច្បាប់ចូលកាប់ឈើគ្រញូង ក្នុងទឹកដីថៃ ។ក្រោយមកពលរដ្ឋ រូបនេះត្រូវបានសមត្ថកិច្ចថៃឃុំខ្លួនអស់រយះពេល២ខែ នៅក្នុងពន្ធនាគារខេត្តស៊ីសាកេត ដល់ថ្ងៃរួចទោស ទើបអាជ្ញាធរថៃបញ្ជូនមកស្រុកកំណើតវិញ៕
