បន្ទាយមានជ័យះជាលទ្ធផលក្នុងការអនុវត្តន៍ច្បាប់ចរាចរណ៍ផ្លូវគោកថ្ងៃទី01ធ្នូ2016 របស់នគរបាលចរាចរផ្លូវគោកខេត្តបន្ទាយមានជ័យលើបួនគោលដៅតាមផ្លូវជាតិបានធ្វើការកាក់ឃាត់រថយន្តនិងម៉ូតូអប់រំផាក់ពិន័យបានចំនួន៦៥៥គ្រឿងល្មើសនិងច្បប់ចរាចរបានជាងពីរលាន់រៀល។
លោក សួន នីប៉ូ នាយរងការិយាល័យនគរបាលចរាចរផ្លូវគោកនៃស្នងការនគរបាលខេត្តបន្ទាយមានជ័យបានអោយដឹងថាដោយអនុវត្តតាមការណែរនាំរបស់លោក ឧត្តមសេនីយ៍ទោ អាត់ ខែម ស្នងការនគរបាលខេត្តបន្ទាយមានជ័យដោយផ្ទាល់នៅនឹងគោលដៅនៃការអនុវត្តច្បាប់ចរាចរណ៍ថ្មីដែលបានកំណត់អនុវត្តនៅថ្ងៃទីខែមករា២០១៥តាមផែនការរបស់សម្តេចក្រឡាហោម ស ខេងក៍ដូចជាអគ្គស្នងការនគរបាលជាតិនៅខេត្តបន្ទាយមានជ័យលោកស្នងការបានកំណត់ដាក់ការអនុវត្តលើ៤គោលដៅក្នុងនោះមាន1/គោលដៅ ផ្លូវទៅបាត់ដំបង(ត្រង់ចំនុចភូមិគោកទម្លាប់ឃុំបន្ទាយនាងស្រុកមង្គលបូរី) 2/ ផ្លូវទៅប៉ោយប៉ែត (ស្ថិតត្រង់ចំនុចស្រះអិនតាំភូមិសង្កាត់ទឹកថ្លា ក្រុងសិសោភ័ណ្ឌ) 3/ ផ្លូវទៅសៀមរាប(ត្រង់ចំនុចភូមិរហាលឃុំរហាលស្រុកព្រះនេត្រព្រះ) 4/ ផ្លូវទៅថ្មពួក(ត្រង់ចំនុចភូមិឃុំរលួសស្រុកស្វាយចេក) ។ ជាលទ្ធផលនគរបាលបាន កត់ត្រាអង្កេតឃើញមានម៉ូតូឆ្លងកាត់1210គ្រឿង /រថយន្ត1450គ្រឿងដែលឆ្លងកាតកន្លែងទាំង4គោលដៅ អប់រំម៉ូតូបាន620គ្រឿងអប់រំធ្វើកិច្ចសន្យារថយន្តនៅនិងកន្លែងបាន35គ្រឿងថែមទាំងអប់រំដល់ប្រើប្រាស់មធ្យោយបាយគ្រប់ប្រភេទអោយទៅបំពេញឯកសារដែលខ្វះខាតហើយធ្វើការផាកពិន័យរថយន្តបាន 46គ្រឿង ក្នុងនោះល្មើសមិនពាក់ខ្សែក្រវ៉ាត់ 42គ្រឿង រថយន្តធំ 4គ្រឿងសំបកកង់សឹករិចរិល 1គ្រឿងកែឆ្នៃខុសលក្ខណះបច្ចេកទេស 1គ្រឿង ដឹកទំនិញសំពីងសំពោង 3គ្រឿង ។ ផាកពិន័យម៉ូតូបាន72គ្រឿងក្នងនោះ ម៉ូតូមិនពាក់មួកការពារសុវត្ថិភាព 34គ្រឿង មិនដាក់កញ្ចក់មើលក្រោយ 26គ្រឿង តាំងភ្លើងនិងភ្លើងសញ្ញាមិនត្រឹមត្រូវ 8គ្រឿង ម៉ូតូមិនពាក់ផ្លាកលេខ4គ្រឿង។សម្រាប់ការផាកពិន័យគិកជាទឺកប្រាក់បានសរុប 2495000 រៀល ។
ក្នុងការអនុវត្តនេះគ្រប់គោលដៅសុទ្ធតែមានស្នងការរងមួយរូបដឹកនាំហើយសហការជាមួយកំលាំងអធិការនៅជិតគោលដៅ។ដោយឡែកនៅគោលដៅទឹកថ្លាលោកស្នងការបានចះុផ្ទាល់បានណែនាំដល់អ្នកធ្វើដំណើរនិងអ្នកបើកយានយន្តទាំងអស់អោយគោរពច្បាប់ចរាចរនិងបានបំពាក់ចំណាំងផ្លាត់ដល់គោយន្តកន្ត្រៃយ។`
