បន្ទាយមានជ័យ ៖ ឯកឧត្តម ថោង ខុន រដ្ឋមន្រី្តក្រសួងទេសចរណ៍ កិច្ចប្រជុំជាមួយនិងនាយឧត្តមសេនីយ៍សុខផល អគ្គនាយកនៃអគ្គនាយដ្ឋានអន្តោប្រវេសន៍ជាមួយនិងសមត្ថកិច្ចគណៈកម្មការច្រកអន្តរជាតិប៉ោយប៉ែត កាលពីថ្ងៃទី០៣ មករា ២០១៦ បានស្នើដល់អាជ្ញាធរ
ដែនដី និងសមត្ថកិច្ចច្រកទ្វារ ធ្វើយ៉ាងណាសម្របសម្រួលដល់ការចេញចូលដល់ភ្ញៀវទេសចរណ៍លើសេវាអោយបានងាយស្រួល ។
ការលើកឡើងដូច្នេះ បន្ទាប់ពីលោកបានចុះពិនិត្យច្រកអន្តរជាតិប៉ោយប៉ែត និងស្របនឹងការថយចុះចំនួនភ្ញៀវទេសចរណ៍ ដែលចូលមកតាមច្រកទ្វាអន្តរជាតិប៉ោយប៉ែត ។
លោកបានបន្តអោយដឹងទៀតថា ទូទាំងប្រទេសក្នុងរយៈពេល១០ខែ ដើមឆ្នាំ២០១៥ ចំនួនភ្ញៀវទេសចរណ៍ចំនួន៣,៧៥៥,៧៩២នាក់ កើនឡើង៤,៦% ក្នុងនោះមានតាមផ្លូវអាកាស ផ្លូវគោក ផ្លូវទឹក ។ ដោយឡែកសម្រាប់ច្រកទ្វារអន្តរជាតិប៉ោយប៉ែត ជាច្រកទ្វារមួយយ៉ាងសំខាន់ ទាំងនយោបាយ សេដ្ឋកិច្ច វប្បធម៌ ទេសចរណ៍ រក្សាបានស្ថានភាពល្អប្រសើរ ទោះបីជាពិភពលោកផ្ទុកជំងឺអេបូឡា ជំងឺផ្លូវដង្ហើម ការផ្ទុះគ្រាប់បែកនៅទីក្រុងបាងកក ភារវកម្មនៅទីក្រុងប៉ារីសដោយពួកISIS ក្តីភ្ញៀវទេសចរណ៍ឆ្លងកាត់ធម្មតា តែក្នុងឆ្នាំ២០១៥កន្លងទៅនេះភ្ញៀវទេសចរណ៍ឆ្លងកាត់មានចំនួន៣៩១,៧៤៩នាក់ មាន១១២សញ្ញាត ថយចុះ -១៣,៨១% ។
ជាមួយនិងការថយចុះក៏ដូចជា ដើម្បីចូលរួមប្រណាំងទីក្រុងស្អាត លោកបានសំណូមពរដល់អាជ្ញាធរដែនដី និងសមត្ថកិច្ចច្រកទ្វារយកចិត្តទុកដាក់ រៀបចំច្រកចេញពេលភ្ញៀវឈរបន្តកន្ទុយគ្នា ដើម្បីទទួលការបោះត្រាពីសមតត្ថកិច្ច ដោយបំពាក់ម៉ាស៊ីនត្រជាក់ ឬកង្ហាបន្ថែម ជៀសវាងភាពស្អុះស្អាប់ និងស្នើអាជ្ញាធរក្រុងសង្កាត់ រៀបចំរង្វង់បន្ថែមទៀត ។ យកចិត្តទុកដាក់រៀបចំអោយបានស្អាតសមរម្យ បញ្ជូលព័ត៍មានពិសេសបន្ទុប់ទឹកសម្រាប់ភ្ញៀវទេសចរណ៍ ទៅថ្ងៃខាងមុខ នឹងមានផ្លូលរថភ្លើងរត់ ពីបាងកក ប៉ោយប៉ែត ភ្នំពេញ ដែលទាមទាអោយមានការធ្វើសេវាកម្ម និងកន្លែងធ្វើការសមរម្យបន្ថែមទៀត ៕
