កំពង់ធំៈ កិច្ចប្រជុំសមាជិកសមាគមន៍ អតីតយុទ្ធជនស្រុក ក្រុង ក្នុងខេត្តកំពង់ធំ ដើម្បីជាការពង្រឹងគុណភាព ការងារសមាគមន៍អតីតយុទ្ធជន ក្នុងគោលបំណងលើកកម្ពស់ការងារ និងបន្តការយកចិត្តទុកដាក់ គ្រប់គ្រងសមាជិក និងកិច្ចការរដ្ឋបាល ក្នុងការពន្លឿនសេវាកម្ម បើកប្រាក់បេឡាមរណៈសង្គ្រោះឲ្យបានឆាប់រហ័ស ជាងមុន ឬឲ្យទាន់ក្នុងពិធីបុណ្យសពដែលបានមរណៈភាព។
ពិធីប្រជុំសមាជិកសមាគមន៍អតីតយុទ្ធជនកម្ពុជា (ស.អ.ក) ត្រូវបានធ្វើឡើងនៅក្នុងសាលប្រជុំ នៃតំបន់ប្រតិបត្តិការសឹក រងកំពង់ធំ ក្រោមការចូលរួមជាអធិបតីភាព ឯកឧត្តម ឧត្តមសេនីយ៍ត្រី សោម ស៊ុន មេបញ្ជាការតំបន់សឹករង កំពង់ធំ និងជាប្រធានសមាគមន៍អតីតយុទ្ធជនកម្ពុជា ខេត្តកំពង់ធំ ព្រមទាំងលោក ឈុន ស្រៀង អនុប្រធាន មន្ទីរសង្គមកិច្ចខេត្តកំពង់ធំ និងជាអនុប្រធានអចិន្ត្រៃសមាគមន៍អតីតយុទ្ធជនកម្ពុជា ខេត្តកំពង់ធំ រួមទាំងសមាជិកស្រុកក្រុងចូលរួមផងដែរ នៅព្រឹកថ្ងៃទី ៦ ខែ មករា ឆ្នាំ ២០១៦ ។
លោក ឈុន ស្រៀង អនុប្រធានសមាគមន៍បានចង្អុលបង្ហាញនូវវិធីការងារមួយចំនួន ដល់សមាជិក ស.អ.ក ដើម្បីឲ្យដឹងពីរបៀបរៀបចំ ការងាររដ្ឋបាល ដែលបានផ្តោតទៅលើ ឯកសារដែលមានសារៈសំខាន់ៗនានា និងការរៀបចំបញ្ជីប្រវត្តិរូបសង្ខេបរបស់អតីតយុទ្ធជន ឲ្យបានច្បាស់លាស់ និងយល់ពីរបៀបការងារ ដើម្បីងាយស្រួលក្នុងការបើកប្រាក់ បេឡាមរណៈសង្គ្រោះ បានទាន់ពេលវេលា ដោយមិនបណ្តោយមានការយឺតយ៉ាវបាន ។
ឯកឧត្តម ឧត្តមសេនីយ៍ត្រី សោម ស៊ុនប្រធានសមាគមន៍ អតីតយុទ្ធជនកម្ពុជា ខេត្តកំពង់ធំ ( ស.អ.ក ) បាន បញ្ជាក់ថា គោលបំណងប្រជុំពង្រឹងលទ្ធផលការងារ ក្នុងឆ្នាំ២០១៦ និងជាការយកចិត្តទុកដាក់បន្ថែមអតីត យុទ្ធជន ឃុំ សង្កាត់ ដើម្បីរៀបចំក្រុមការងារ ស្រង់ស្ថិតិនូវមុខសញ្ញាដែលរងគ្រោះ និងការគ្រប់គ្រងបញ្ជីរាយនាម អតីតយុទ្ធននិងសមាគមន៍ ពង្រឹងរបៀបរបបការងារតាមភារៈកិច្ចដែលបានបែងចែក ក្តាប់មុខសញ្ញា សមគមន៍ ដែលទទួលមរណៈភាព និងការដោះស្រាយបានទាន់ពេលវេលា និងការបើកប្រាក់បេឡាមរណៈ សង្គ្រោះនិងអំណោយ ការអំពាវនាវរកមូលនិធិទ្រទ្រង់សមាគមន៍ ដោយអនុវត្តរាយការណ៍ប្រចាំខែ ចុងក្រោយ ឯកឧត្តម សោម ស៊ុន បានសំណូមពរឲ្យកងកម្លាំងទាំង៣ប្រភេទ ចូលការចូលរួមការពារ សុវត្តិភាព ក្នុងពិធីបុណ្យ៧មករា ឲ្យមានសុវត្តិភាពប្រជាពលរដ្ឋខ្ពស់ និងសហការចូលរួមបង្ក្រាបក្រោមចោរប្លន់ប្រដាប់អាវុធ។ ដោយ ប៊ុន រដ្ឋា
