សៀមរាប៖ កម្លាំងកងរាជអាវុធហត្ថខេត្ត ចុះប្រតិបត្តិការ ក្រោមការបញ្ជាផ្ទាល់ពីលោកឧត្តមសេនីយត្រី ប៉ោ វណ្ណនិត មេបញ្ជាការកងរាជអាវុធហត្ថខេត្ត បញ្ជារឱ្យកម្លាំងក្រោមឱវាទដឹកនាំដោយលោកវរសេនីយ៍ ថា ដាលុច ប្រធានមន្ទីរយុត្តិធម៌ កងរាជអាវុធហត្ថខេត្ត នឹងលោកអនុ
សេនីយ៍ ធាវ ច័ន្ទតារា នាយការិយាល័យកងរាជអាវុធហត្ថប្រឆាំងគ្រឿងញៀនខេត្តសហការជាមួយ កំលាំងអន្តរាគមន៍ចល័តពិសេស របស់កងរាជអាវុធហត្ថខេត្ត ចុះព័ទ្ធចាប់ មុខសញ្ញាចែកចាយប្រើប្រាស់ គ្រឿងញៀន យ៉ាងសកម្ម នៅក្នុងក្រុងសៀមរាប បានជាបន្តបន្ទាប់ រហូតឈានដល់ឃាត់ខ្លួនបានជនសង្ស័យចំនួន៩នាក់និងវត្ថុតាង នាំយកមកការិយាល័យប្រឆាំងគ្រឿងញៀនខេត្ត ដើម្បីសួរនាំ។
ហេតុការចុះប្រតិបត្តិការបង្ក្រាបរហូតឈានដល់ធ្វើការឃាត់ខ្លួនបានជនសង្ស័យ១១នាក់នេះធ្វើឡើងនៅថ្ងៃទី៤ខែមករា ឆ្នាំ២០១៦ស្ថិតនៅក្នុង ក្រុងនិងខេត្តសៀមរាបខណៈពួកគេកំពុងចែកចាយតាមផ្លូវសាធារណៈនិងនៅតាមផ្ទះជួល។
លោកអនុសេនីយ៍ ធាវ ច័ន្ទតារា នាយការិយាល័យកងរាជអាវុធហត្ថប្រឆាំងគ្រឿងញៀនខេត្តបានឲ្យដឹងនៅព្រឹកថ្ងៃទី០៦ខែមករាឆ្នាំ២០១៥ ធ្វើការឃាត់ខ្លួនបាន ១១នាក់ មានទី១/ឈ្មោះ នុត រតនៈ ភេទប្រុសអាយុ៣៥ឆ្នាំមុខរបរមិនពិតប្រាកដ់ រស់នៅភូមិដកពោធិ៍ សង្កាត់ស្លក្រាម(ជួញដូរ)ទី២/ឈ្មោះ ពៅ វណ្ណារ៉ូ ភេទប្រុសអាយុ១៧ឆ្នាំមុខរបរមិនពិត មានទីលំនៅភូមិចុងកៅស៊ូ សង្កាត់ស្លក្រាម (ជួញដូរ) ទី៣/ឈ្មោះ រុន ភារម្យហៅ ជឿ ភេទប្រុសអាយុ២១ឆ្នាំ(ជួញដូរ)មុខរបររត់ម៉ូតូឌុប រស់នៅភូមិដកពោធិ៍ សង្កាត់ស្លក្រាម ទី៤/ ឈ្មោះ ខន ខូន ភេទប្រុសអាយុ២៩ឆ្នាំមុខរបរជាងឡាន (ចាត់ចែងឱ្យប្រើប្រាស់) ស្នាក់នៅភូមិខ្នារថ្មី សង្កាត់ជ្រាវ ទី៥/ឈ្មោះ ស្រី សុវណ្ណ ហៅភាព ភេទប្រុសអាយុ២៩ឆ្នាំមុខរបររត់ម៉ូតូឌុប រស់នៅភូមិកៅស៊ូ សង្កាត់ស្លក្រាម(ចាត់ចែងឱ្យប្រើប្រាស់)ទី៦/ឈ្មោះ តាន់ រស្មីហៅចក់ភេទប្រុសអាយុ២២ឆ្នាំមុខរបរមិនពិតមានទីលំនៅភូមិបន្ទាយចាស់សង្កាត់ស្លក្រាម ចាត់ចែងឱ្យប្រើប្រាស់ ទី៧/ឈ្មោះ ជុង វណ្ណីភេទប្រុសអាយុ២១ឆ្នាំមុខរបរជាងឈើ រស់នៅភូមិខ្នារថ្មី សង្កាត់ជ្រាវ (ចាត់ចែងឱ្យប្រើប្រាស់) ទី៨/ឈ្មោះ ពេជ្រ ចាន់ឆៃយ៉ាភេទប្រុសអាយុ២១ឆ្នាំមុខរបរសិស្ស រស់នៅភូមិគ្រួស សង្កាត់ស្វាយដង្គំ(ចាត់ចែងឱ្យប្រើប្រាស់) ទី៩/ឈ្មោះ កែវ សុភ័ក្ក្រ ភេទប្រុសអាយុ២៣ឆ្នាំមុខរបរ កាត់សក់ មានទីលំនៅភូមិបន្ទាយចាស់ សង្កាត់ស្លក្រាម(ចាត់ចែងឱ្យប្រើប្រាស់) និងទី១០/ឈ្មោះ សួន ប៉ានូ ភេទប្រុសអាយុ១៧ឆ្នាំមុខរបរមិនពិត ស្នាក់នៅភូមិខ្នារថ្មី សង្កាត់ជ្រាវ(ជួញដូរ)និងទី១១/ឈ្មោះ ថន សុជាភេទប្រុសអាយុ២៧ឆ្នាំមុខរបររត់ម៉ូតូឌុបបច្ចុប្បន្នសា្នក់នៅភូមិវាល សង្កាត់គោកចក(ជួញដូរ)។ក្រោយពីធ្វើការឃាត់ខ្លួនបានជនសង្ស័យខាងលើកម្លាំងជំនាញបានធ្វើការដកហូតវត្ថុតាងមាន៖ ទូរស័ព្ទចំនួន៧គ្រឿង,ម្ស៉ៅមេតំហ្វេតាមីន(ម៉ាទឹកកក)ចំនួន១៧កញ្ចប់ ទម្ងន់ស្មើ៩.០៤ក្រាមWyចំនួន១គ្រាប់ ម៉ូតូចំនួន៧គ្រឿង ព្រមទាំងឧបករណ៍វិចខ្ចប់សំរាប់លក់និងប្រើប្រាស់មួយចំនួនធំ។ក្រោយពីធ្វើ សួរនាំរួច កម្លាំងជំនាញកងរាជអាវុធហត្ថខេត្ត កសាងសំណុំរឿង បញ្ជូនជនសង្ស័យទាំង១១ខាងលើ រួមទាំងវត្ថុតាងទៅសាលាដំបូងខេត្តសៀមរាប នៅថ្ងៃទី០៦ ខែមករា ឆ្នាំ២០១៦ ដើម្បីចាត់ការតាមនិតិវិធី៕
វេហាស៍
