ខេត្តស្ទឹងត្រែង៖ ឈ្មួញរកស៊ីដឹកឈើប្រណិត នៅក្នុងតំបន់ព្រៃឡង់ដែលជាដែនព្រៃអភិរក្ស ចម្រុះចំនួនបួនខេត្ត ជាប់គ្នាគឺមានខេត្តកំពង់ធំ ខេត្តក្រចេះ ខេត្តព្រះវិហា និងខេត្តស្ទឹងត្រែង ត្រូវបានក្រុមឈ្មួញបំផុសឲ្យប្រជាពលរដ្ឋនៅស្រុកសៀមបូកនិងស្រុកថាឡាបរិវ៉ាត់ចូលទៅកាប់បំផ្លាញព្រៃឈើ ដើម្បីយកមកលក់ឲ្យមេឈ្មួញបន្តយកទៅប្រទេសវៀតណាម ។ ប្រភពព័ត៌មានឲ្យដឹងថា៖បច្ចុប្បន្នឈើធ្នង់ឈើនាងនួនឈើបេងកំពុងដើរទៅរកទីផ្សារ ដ៍ល្អ។ មេឈ្មួញធ្វើការដឹកជញ្ជូនតាមទូកគ្រប់រូបភាព យ៉ាងកក្រើកពីសំណាក់ពាក់ព័ន្ធ និង ក្រុមឈ្មួញដែលបានដឹកចេញពីតំបន់ព្រៃឡង់ មកទម្លាក់នៅ
ច្រាំងទន្លេក្នុងភូមិជាច្រើន ក្នុង ស្រុកសៀមបូក និងស្រុកថាឡាបរិវ៉ាត់ ដែលក្នុងមួយយប់ៗ មានមិនក្រោមពី១៤ទូកទៅ១៥ ទូកនោះទេ ។ ក្រុមឈ្មួញធ្វើការដឹកជញ្ជូនមកដល់ច្រាំងទន្លេភ្លាមមានអ្នកទទួលដឹកបន្តឈ្មោះ(មួន) ជាមន្ត្រីទាហានជើងអាកាស់ម្នាក់ ខណៈពេលសកម្មភាពទូកពីស្រុកថាឡាបរិវ៉ាត់ ដាក់ទូក មកលើឡើងចំណុចឃ្លាំងប្រេងជាប់ពន្ធធនាគារខេត្ត ស្ថិតក្នុងភូមិកាំងមេម៉ាយ សង្កាត់ព្រះ បាទក្រុងខេត្តសឹ្ទងត្រែង៖ មួយចំនួនទៀតលើកដាក់ទូកបន្ត ទៅដាក់នៅ
ចំណុចកំពង់ក្បឿង ស្ថិតក្នុងស្រុកសំបូរខេត្តក្រចេះ ទើបដឹកបន្តទៅតាមច្រករបៀរមួយចំនួន នៅក្នុងស្រុកស្នួល ខេត្តក្រចេះ ចូលទៅលក់នៅប្រទេសវៀតណាម ។ ជាក់ស្តែងទូកដឹកឈើធ្នង់ចំនួនពីរគ្រឿង ដែលជាទូកចុងក្រោយក្នុងចំណោម១៤ទៅ ១៥ទូក ត្រូវបានកម្លាំងកងរាជអាវុធហត្ថខេត្តស្ទឹងត្រែង៖ ដឹកនាំដោយលោកវរៈសេនីយ៍ទោ ឈាត.វាសនា នាយសេនាធិការរងកងរាជអាវុធហត្ថខេត្តស្ទឹងត្រែង៖ ឃាត់ជាប់នៅចំណុច ភូមិសៀមបូក ឃុំសៀមបូក ស្រុកសៀមបូក ខេត្តស្ទឹងត្រែង៖ កាលពីរថ្ងៃទី១០ឧសភា២០១ ៤។ និងប្រគល់ទៅឲ្យជំនាញរដ្ឋបាលព្រៃឈើស្រុក យកមករក្សាទុកនៅ
កន្លែងផ្នែករដ្ឋបាល ព្រៃឈើស្រុកថាឡាបរិវ៉ាត់ ។ មន្ត្រីជំនាញរដ្ឋបាលព្រៃឈើស្រុកថាឡាបរិវ៉ាតខេត្តស្ទឹងត្រែង បានបញ្ជាក់ឲ្យដឹងថា៖ ឈើដែលរឹបអូសបានដោយកម្លាំងអាវុធហត្ថខេត្ត មានចំនួនពីទូកស្មើរ ៣៦កំណាត់ នៅមិន ទាន់បានធ្វើការវារស់វែងមិនដឹងប៉ុន្មានម៉ែត្រគូបនៅឡើយទេ។ហើយបច្ចុប្បន្នឈើទាំងនោះត្រូវបានយកមករក្សាទុកក្នុងផ្នែករដ្ឋបាលព្រៃឈើស្រុកថាឡាបរិវ៉ាត់ រួមជាមួយមធ្យោបាយ បទល្មើសមានចំនួនពីរទូកនិងម៉ាស៊ីនត្រងស៊ីន័រចំនួនពីរគ្រឿងផងដែរ ។
គួរបញ្ជាក់ផងដែរថា៖នាពេលថ្មីៗនេះលោកសន សារឿនអភិបាលស្រុកសៀមបូកហាក់ ដូចនៅមានកំរិត មើលមិនឃើញក្រុមឈ្មួញជាច្រើន កំពុងសម្រុកមកដឹកជញ្ជូនឈើ ហើយ បំផុសឲ្យអ្នកភូមិចូលអារឈើក្នុងព្រៃអភិរក្សសំខាន់ៗជាច្រើនជាក់ស្តែងដូចជានៅក្នុងតំបន់ព្រៃឡង់ដែលជាដែនព្រៃសំខាន់បំផុត! មានព្រំប្រទល់ជាប់គ្នាបួនខេត្ត រងការបំភ្លេចបំផ្លាញ ពី
ណាក់មេឈ្មួញដុះស្លែចំនួនខេត្ត ត្រូវរិចរិលស្ទើរលាយសាបសូន្យ ដោយសារឈ្មួញមកពី បណ្តាលខេត្តនានា! ការបំផា្លញព្រៃឈើនិងដឹកជញ្ជូនយ៉ាងគគ្រឹកគគ្រេងខាងលើនោះ មិន មែនលោកសុខ ភិតនាយផ្នែករដ្ឋបាលព្រៃឈើស្រុកថាឡាបរិវ៉ាត់ មិនដឹងនោះទេ តែមិនដឹង ជាត្រូវគ្នាយ៉ាងណាទើបគ្មានការទប់ស្កាត់រងចាំតែគេចុះបង្ក្រាបទើបសហការទាំងទឺសទាល ៕
