បន្ទាយមានជ័យ ៖ ស្ថិតនៅលើផ្លូវដើរចេញចូល នៃច្រកទ្វាអន្តរជាតិប៉ោយប៉ែតកុមាតូច ៗជាច្រើននាក់ កំពុងដេក និងអង្គុយ សុំទានយ៉ាងអនាថា ក្រោមក្រសែភ្លែក និងក្បែជើងអ្នកដំណើររាប់រយនាក់ក្នុងថ្ងៃៗ ដោយពុំឃើញមានសមត្ថកិច្ច អាជ្ញាធរណា គិតគូដល់ពួកគេឡើយ ។
អាជីវករ និងខ្មែរដែលចេញចូលដីថៃពេលព្រឹកវិលល្ងាច ដើម្បីប្រកបអាជីវកម្មលក់ដូរ នៅផ្សារុងក្លឿង ក្នុងស្រុកអារញ្ញ ខេត្តស្រះកែវប្រទេសថៃ ឈមនិងក្រុងប៉ោយប៉ែតខេត្តបន្ទាយមានជ័យ បានអោយដឹងថា មួយរយៈពេលក្រោយនេះ ពួកគាត់ឃើញមានកុមាកម្ពុជាជាច្រើននាក់ បានអង្គុយ ឬដេកចន្លោះគ្នា ពី៤ទៅ៥ម៉ែត្រ នៃផ្លូវថ្មើជើង ទាំងចេញចូល នៃច្រកទ្វារអន្តរជាតិប៉ោយប៉ែត ពិសេសភាគច្រើនពួកគ្មេងទាំងនោះនៅខាងភាគីថៃ ក្នុងសភាពគួរអោយអាណិតអាសូរ ពីព្រឹកទល់ល្ងាច ។ ពួកគាត់បានអោយដឹងទៀតថា តាមការអង្គេតក្មេងទាំងនោះគឺត្រូវបាន ឪពុកម្តាយនាំមកដាក់ដើម្បីអោយសុំទាំនតែម្តង មិនមែនពួកគេមកដោយខ្លួនឯងឡើយ ។
ដោយកុមា ជាមនុស្សដែលពុំដឹងអ្វីស្ថិតនៅក្នុងការបីបាច់ថែរក្សារបស់អាណាព្យាបាល តែបែរជាមកដេក និងអង្គុយសុំទាន ធ្វើអោយភ្ញៀវទេសចរណ៍ជាតិ និងអន្តរជាតិ ដែលចេញចូលតាមច្រកនេះ ខ្លះផ្តល់នូវថវិការ ឬនំចំណី ជូនដល់ពួកគេ ។ ជាមួយនិងការសុំទានរបស់ក្រុមកុមានេះដែរ ប្រជាពលរដ្ឋដែលចេញចូលតាមច្រកនេះ បានធ្វើការរិះគន់យ៉ាងខ្លាំងចំពោះអាជ្ញាធរ ឬមន្ទីរជំនាញ មិនគួរបណ្តែតបណ្តោយអោយមានក្មេង ឬអ្នកសុំទានមកសុំទាននៅនឹងមាត់ច្រកដែលពោរពេញទៅដោយភ្ញៀវទេសចរណ៍ជាតិ និងអន្តរជាតិ ចេញចូលវាប្រកដជាប៉ះពាល់ដល់មុខមាត់ប្រទេសជាតិ ។
គួរបញ្ចាក់ថា ច្រកទ្វារអន្តរជាតិប៉ោយប៉ែតកាលពីប៉ុន្មានឆ្មាំមុនពោរពេញទៅដោយអ្នកសុំទាន ជាពិសេសកុមាដែលត្រូវបានម្តាយបង្ខិតបង្ខំអោយសុំទាន ហើយបើសុំទានមិនបានតែងតែវាយធ្វើបាប ។ តែក្រោយមកដោយមានការយកចិត្តទុកដាក់ពីសំណាក់រដ្ឋាភិបាលការជួញដូរ និងពលកម្មកុមា អាជ្ញាធរខេត្ត ដោយមានមន្ទីរសង្គមកិច្ចរួមសហការជាមយយអង្គការក្រៅរដ្ឋាភិបាល ដែលពាក់ព័ន្ធទៅលើកុមា បានគាងគរ យកក្មេងអនាថាទាំងនោះបណ្តុះបណ្តាល អោយបានចូលរៀន និងបង្កើតមុខរបរដល់អាណាព្យាបាល។ ធ្វើអោយក្មេងអនាថា មានការថយចុះជាច្រើន ។
លោក អេង ចាន់ជុំ មន្ត្រីនៃការិយាល័យសង្គមកិច្ចក្រុងប៉ោយប៉ែត បានអោយដឹងថា ក្មេងអនាថា ដែលធ្វើសកម្មភាពសុំទាននៅច្រកទ្វារអន្តរជាតិប៉ោយប៉ែតចាប់ផ្តើមកើនឡើង ពីខែ៨ ឆ្នាំ២០១៥ ដែលការកើនឡើងនេះពាក់ព័ន្ធទៅនឹងកត្តាសេដ្ឋកិច្ចគ្រួសារ បើអាណាព្យាបាលក្មេងទាំងនោះគាត់អាចរកចំណូលបាននៅក្នុងផ្សាររុងក្លឿប្រទេសថៃ ក្មេងទាំងនោះក៏មិនមកសុំទានដែរ តែដោយសារតែប៉ុន្មានខែនេះ អាជីវករផ្សាររុងក្លឿលក់ពុំសូវដាក់អាណាព្យាគ្មានការងារធ្វើ ទើបមានកំណើនក្មេងអនាថា ។
ចំពោះបញ្ហានេះដែរ វាគឺជារឿងស្មុកស្មាញ ក្នុងការដោះស្រាយ ដែលវាតម្រូវអោយមានការដោះស្រាយរួម ពីមន្ទីរផ្សេង ៗ និងបញ្ហាកង្វះថវិការ ។ តែសម្រាប់ក្រុងប៉ោយប៉ែតកន្លងមកនេះ យើងបានសហការជាមួយអង្គការជាដៃគូរ ដែលបានបង្កើតនូវមណ្ឌលកុមាកំព្រា ដែលមានបណ្តុះបណ្តាលវិជ្ជាជីវ និងការសិក្សារៀនសូត្រ តែវាមិនអាចឆ្លើយតប សម្រាប់ក្មេងអនាថាបានទាំងឡើយ ព្រោះពួកគេសុទ្ធតែមានអាណាព្យាបាល បើយើងចាប់បង្ខំពួកគេ វាខុសទៅនឹងផ្លូវច្បាប់ នាំអោយមានអង្គការសង្គមស៊ីវិលធ្វើការចោទប្រកាន់ថា រំលោភបំពានលើសិទ្ធកុមា ៕
