ឧត្តរមានជ័យ៖ ស្ត្រីម្នាក់ ត្រូវបានជនល្មោភកាមឡើងទៅ ចាប់រំលោភ សេពសន្ថវះ រហូតបានសម្រេចនៅខាងលើផ្ទះស្ត្រីរងគ្រោះ ខណះពេលកំពុងដេកលង់លក់នៅពេលយប់ ហើយស្ត្រីរងគ្រោះបានស្រែកហាវគេ អ្នកនៅជិតខាងឲ្យជួយនៅពេលនោះ ក៏ចាប់បានជនសង្ស័យភ្លាមៗ
ផងដែរ ហេតុការចាប់រំលោភ សេពសន្ថវះនេះ បានកើតឡើងកាលពីវេលាម៉ោង២២និង១០នាទីយប់ ថ្ងៃទី១១ ខែមករា ឆ្នាំ២០១៦ នៅចំណុចលើផ្ទះស្ត្រីរងគ្រោះ ស្ថិតនៅក្នុងភូមិអូរបាត់ដាវ សង្កាត់បន្សាយរាក់ ក្រុងសំរោង ខេត្តឧត្តរមានជ័យ។លោកវរសេនីយ៍ទោ ស៊ុន សាន អធិការនគរបាលក្រុងសំរោងបានឲ្យដឹងថា ជនសង្ស័យ មានឈ្មោះសុឹង សុវណ្ណា ភេទប្រុសអាយុ១៦ឆ្នាំ រស់នៅភូមិអូរបាត់ដាវ សង្កាត់បន្សាយរាក់ ក្រុងសំរោង ខេត្តឧត្តរមានជ័យ។រីឯស្ត្រីរងគ្រោះមានឈ្មោះ ជួប ស អ ន ភេទស្រីអាយុ៣៥ឆ្នាំ រស់នៅភូមិ សង្កាត់ កើតហេតុខាងលើ។លោកវរសេនីយ៍ទោ ស៊ុន សាន អធិការនគរបាលក្រុងសំរោង បានអោយដឹងទៀតថា បច្ចុប្បន្ន ជនសង្ស័យត្រូវបាន ឃាត់ខ្លួនយកមកអធិការដ្ឋាននគរបាលក្រុងសំរោង ដើម្បីកសាងសំណុំរឿង បញ្ជូនទៅសាលាដំបូងខេត្តឧត្តរមានជ័យ ចាត់ការទៅតាមនិតិវិធីច្បាប់៕
