បន្ទាយមានជ័យ៖ឯកឧត្តម អ៊ួន សុង អនុរដ្ឋលេខាធិការក្រសួងសាធារណៈការ និងដឹកជញ្ជូនបានលើកឡើង នៅព្រឹកថ្ងៃទី១៣ ខែមករា ឆ្នាំ២០១៦ នៅក្នុងសាលាក្រុងប៉ោយប៉ែត ថាក្រុមការងារយើងនិងចាប់ផ្តើមតំណើរការចាប់ពីពេលនេះទៅហើយក្នុងឆ្នាំ២០១៦នេះតទៅ និងអោយរួចរាល់រយះពេល១៧០ថ្ងៃ សាងសងរួចនៅផ្លូវរថភ្លើងនៅសល់ចំនួន ៦,៥ គីឡូម៉ែត្រ បន្ថែម២គីឡូម៉ែត្រ បង្កើនគ្រឿងចក្រ បង្កើនពេលវេលា បង្កើនសាងសងនៅពេលយប់ ហើយអជ្ញាធរ ជួយរក្សាសន្តិសុខ និងចរាចរណ៍ជូនក្រុមហ៊ុន ។
លោកបានបន្តថា ការស្ថាបនាផ្លូវរថភ្លើងនេះ គឺមានសារះប្រយោជន៍ ការកកស្ទះចរាចរណ៍ ជីវភាពពលរដ្ឋទាំង២ ការតភ្ជាប់ទៅកាន់កម្ពុជា ថៃ វិស័យសេដ្ឋកិច្ច វិស័យអភិវឌ្ឍន៍នានា ។
ក្នុងនោះលោកបានលើកឡើងបន្ថែមថា រាជរដ្ឋាភិបាលបានសម្រេចផ្លូវរថភ្លើងខាងលើ នេះត្រឹមថ្ងៃទី៣០ ខែធ្នូ ឆ្នាំ២០១៦ប៉ុណ្ណោះ ដើម្បីដំណើរការធ្វើដំណើរ ពីក្រុងប៉ោយប៉ែត ទៅកាន់រាជធានីភ្នំពេញ និងអោយអាជ្ញាធរចូលរួមសហការណ៍ជាមួយក្រុមការងារសាសង់ និងរក្សារសន្តិសុខ ស្ថានភាព ចរាចរណ៍ សម្រួលការងារ ។ ចំណែកស្ថានីយ៍រថភ្លើងប៉ោយប៉ែត និងស្ថានីយ៍រថភ្លើងសិរីសោភ័ណអោយបានរួចរាល់ផងដែរ។ រីឯការងារតំបន់រង្វង់មូលប៉ោយប៉ែត ផ្លូវរថភ្លើងត្រូវចាក់គ្រិះនិង ផ្លូវបេតុង និងអោយអាជ្ញាធរជួយសម្របសម្រួលដូចជា ផលប៉ះពាល់ សំណង់កាស៊ីណូ ខ្សែរអេឡិត្រូនិច នានាដែរនៅក្បែនោះ ហើយក្រុមការងារយើងនិងដាក់កម្លាំងបន្ថែមទៀតផងដែរ។
ក្នុងនោះដែរ លោកលី សារី អភិបាលរងខេត្តបានលើកឡើងថា សូមប្រជាពលរដ្ឋដែរប៉ះពាល់ និងដោះស្រាយរួចរាល់ ដើម្បីចូលរួមជាមួយរាជរដ្ឋាភិបាលដើម្បីស្ថាបនាផ្លូវដែកអោយបានឆាប់រហ័ស លោកគាំទ្រក្រុមហ៊ុន សីណូហាយត្រូ កូរ៉េដែលទទួលការសាងសង់។
និងប្តេជ្ញាចិត្តក្នុងនាមអជ្ញាធរខេត្ត ប្រឹងប្រែងសហការណ៍ជាមួយក្រុមការងារដើម្បីស្ថាបនាផ្លូវដែក និងសម្របសម្រួលរាល់ការងារទាំងអស់ ដំណើការសាងសង់ផ្លូរថភ្លើង១ខ្សែរនេះតភ្ជាប់ពីកម្ពុជាទៅប្រទេសថៃ។
ក្រោយពីកិច្ចប្រជុំរួចរាល់ ក្រុមការងារទាំងអស់បានចុះត្រួតពិនិត្យជាក់ស្តែងនៅទីតាំងរក្សាទុកគ្រឿងចក្រ កន្លែងការដ្ឋានសាងសង់ផ្លូវរថភ្លើង កន្លែងប៉ះពាល់ទាំងអស់ ។ ក្នុងនោះក្រុមការងារក៏បានលើកឡើងបន្ថែមចំនួនផ្លូវដែកសរុបចំនួន២,៥គីឡូម៉ែត្រនៅចំណុចស្ថានីយ៍រថភ្លើងប៉ោយប៉ែតទៀតដើម្បីងាយស្រួលកន្លែងដោះដូរទូ ក្បាលរថភ្លើងផងដែរ៕ដោយ:ឃិន គន្ធា
