ភ្នំពេញ៖ បុរសម្នាក់បើករថយន្តកាមរីក្នុងល្បឿនលឿនដោយបួងសង្កួតខ្លាំងពេញបានរ៉េចង្កូតឡើងឃឿនទៅបុកបង្កោលច្រវ៉ាក់បណ្ដាលឲ្យបាក់អស់២ដើមចំណែករថយន្តបែកកង់មុខទាំងសងខាងទៅមុនលេងរូច កាលពីវេលាម៉ោង២និង៣០នាទីរំលងអាធ្រាតឈានចួលថ្ងៃទី១៣ខែឧសភា ឆ្នាំ២០១៤ ស្ថិតក្នុងសង្កាត់វត្តភ្នំពេញ ខណ្ឌដូនពេញ។
តាមសាក្សីនៅកន្លែងកើតហេតុបានឲ្យដឹងថា មុនពេលកើតហេតុគេបានឃើញរថយន្តម៉ាកកាមរី ពណ៌ខ្មៅ ពាក់ស្លាកលេខភ្នំពេញ2L-7799 ធ្វើដំណើរពីកើតទៅលិចតាមបណ្ដោយផ្លូវរង្វង់មូលវត្តភ្នំក្នុងល្បឿនយ៉ាងលឿនលុះមកដល់ចំណុចខាងជើងក៏បានរ៉េចង្កូតឡើងឃឿនបុកបង្កោលច្រវ៉ាក់បាក់អស់២កង់ហើយរថយន្តបែកកង់ទាំងសងខាងទៅមុនលេងរួច។
ក្រោយពេលកើតហេតុម្ចាស់រថយន្តបានចុះពីលើរថយន្តហើយគេចខ្លួនបាត់ស្រមោល សមត្ថកិច្ចមូលដ្ឋានបានសហការជាមួយសមត្ថកិច្ចចរាចរណ៍ជើងគោកដើម្បីរងចាំម្ចាស់ចូលខ្លួនដោះស្រាយតាមស្បាប់៕
