បន្ទាយមានជ័យ ៖ ដើម្បីអោយអនុសាសន៍៣ចំនុចរបស់សម្តេចតេជោ ហ៊ុន សែន នាយករដ្ឋមន្ត្រីកម្ពុជាកាន់តែជ្រាប់ដល់មហាជន អាវុធហត្ថខេត្តបន្ទាយមានជ័យ បានធ្វើការកោះប្រជុំផ្សព្វផ្សាយបន្តដល់កងកម្លាំងទូរទាំងខេត្ត អោយទៅដល់ប្រជាពលរដ្ឋតាមមូលដ្ឋាន កាលពីព្រឹកថ្ងៃទី១៣ មករា ២០១៦ នៅទីបញ្ជាការអាវុធហត្ថខេត្ត ។
លោក ឱ បូរិន្ទ មេបញ្ជាការអាវុធហត្ថខេត្តបន្ទាយមានជ័យ ឈ្លាតក្នុងការប្រជុំបូកសរុបការងារប្រចាំខែមករា និងទិសដៅបន្ត បានយកអនុសាសន៍ចំនួន៣ចំនុចរបស់សម្តេចតេជោ ហ៊ុន សែន ដែលរួមមាន ១,ទាក់ទងនិងច្បាប់ចរាចរផ្លូវគោកថ្មី ដែលស្តីពីការលើកលែងមួយចំនួន និងការផ្ទេរកម្មសិទ្ធអចលនទ្រព្យពីឪពុកម្តាយទៅកូន រវាងប្តីទៅប្រពន្ធ និងពីតាយាយទៅចៅ ។ ២,អាវុធហត្ថទាំងអស់ត្រូវការពាររដ្ឋាភិបាលស្របច្បាប់ ។ ៣,ពាក់ព័ន្ធនិងការប្រើប្រាស់ Facebook ត្រូវប្រើអោយមានប្រយោជន៍ដល់សង្គមជាតិ អង្គភាព ក៏ដូចខ្លួនឯងផ្ទាល់ ។
លោកមេបញ្ជាការបានបន្តអោយដឹងទៀតថា ចំពោះចំនុចទី១ ធ្វើយ៉ាងណាអោយមានប្រសិទ្ធភាពសម្តៅបង្ការទប់ស្កាត់ កាត់បន្ថយគ្រោះថ្នាក់ចរាចរ អោយបានជាអតិបរមា ដើម្បីការពារអាយុជីវិតប្រជាពលរដ្ឋ និងបង្ការការខូចខាតទ្រព្យសម្បត្តិប្រជាពលរដ្ឋដោយសាគ្រោះថ្នាក់ចរាចរ ។ ចំនុចទី២ អាវុធហត្ថ និងសមត្ថកិច្ចទាំងអស់ត្រូវការពាររាជរដ្ឋាភិបាលស្របច្បាប់ ។ និងចំនុចទី៣ មិនថា អាវុធហត្ថ មន្ត្រីរាជការ ប្រជាពលរដ្ឋ ត្រូវចេះលេងបណ្តាញសង្គមFacebook អោយមានប្រយោជន៍ដល់សង្គមជាតិ អង្គភាព និងខ្លួនឯងផ្ទាល់ ៕
