ភ្នំពេញ ៖ ក្មេងស្ទាវមួយក្រុមមានគ្នាប្រមាណ១០នាក់បានទាស់សម្តីគ្នាជាមួយនិងក្រុមភាគីម្ខាងទៀតដែលគេស្គាល់ថាជាប៉េអឹមឡុងឈិនខណះកំពុងផឹកស៊ី ដែលបង្កទៅជាអំពើរហិង្សាបណ្តាលឱ្យខូចខាតរបស់របរមួយចំនួននៅក្នុងភោជនីយដ្ឋានផងដែរ។ហេតុការណ៏នេះកើតឡើងនៅវេលាម៉ោង១០និង៣០នាទីយប់ថ្ងៃទី១២ ឧសភា ២០១៤ នៅចំណុចក្នុងភោជនីយដ្ឋានបឹងថ្នមចិត្ត ស្ថិតនៅក្នុងសង្កាត់ស្វាយប៉ាក ខណ្ឌឬស្សីកែវ ។
ប្រភពព័ត៌មានពីកន្លែងកើតហេតុបានឱ្យដឹងថានៅមុនពេលកើតហេតុគេឃើញភាគីទំនាស់ទាំង០២ក្រុមបានចូលទៅផឹកស៊ីក្នុងភោជនីយដ្ឋានខាងលើ លុះមួយសន្ទុុះក្រោយមកក៏មានទំនាស់ពាក្យសម្តីគ្នា ពេលនោះគេឃើញក្រុមក្មេងស្ទាវដែលមានគ្នាប្រមាណ១០នាក់បានដើសំដៅមកតុផឹកស៊ីខាងភាគីក្រុមប៉េអឹមឡុងឈិនហើយបានវ៉ៃក្រុមប៉េអឹមឡុងឈិនមុនទើបក្រុមប៉េអឹមឡុងឈិនតដៃទៅវិញបណ្តាលមានរឿងកាន់តែធំឡើងរហូតធ្វើឱ្យខូចខាតរបរបរនៅក្នុងភោជនីដ្ឋានផងដែរ។
បន្ទាប់ពីតទល់គ្នាមួយសន្ទុះហើយនោះក្រុមប៉េអឹមឡុងឈិនមិនសុខចិត្តក៏បានទូរស័ព្ទហៅគ្នាមកកន្លែងកើតហេតុដើម្បីជួយអន្តរាគមន៏។ពេលនោះក្រុមក្មេងស្ទាវទាំងនោះក៏មិនទាន់ហ៊ានចេញមកក្រៅភោជនីដ្ឋានដែរដោយសារតែពួកគេបានឭក្រុមភាគីខាងប៉េអឹមឡុងឈិននិយាយថា(ឱ្យតែក្រុមក្មេងស្ទាវទាំងអស់នោះចេញមកក្រៅពួកគេនិងវាយឱ្យស្លាប់) ។
នៅក្នុងហេតុការណ៏នេះផងដែរគេឃើញកម្លាំងប៉េអឹមខណ្ឌឬស្សីកែវមួយរថយន្តមកជួយអន្តរាគមន៏ផងដែរ។ខណះពេលដែលកម្លាំងប៉េអឹមខណ្ឌឬស្សីកែវមកដល់កន្លែងកើតហេតុភ្លាមៗនោះគឺមិនទាន់យកក្រុមក្មេងស្ទាវចេញពីក្នុងភោជនីដ្ឋានទេដោយសារតែខ្លាចក្រុមក្មេងស្ទាវទាំងនោះមានបញ្ហាជាមួយក្រុមប៉េអឹមឡុងឈិន។
ប៉ុន្តែយ៉ាងណាក៏ដោយប៉េអឹមខណ្ឌឬស្សីកែវនិងយកក្រុមក្មេងស្ទាវទាំងនោះចេញមកឱ្យខានតែបាន។ គួរបញ្ជាក់ផងដែរថាក្នុងហេតុការណ៏នេះផងដែរក្រុមអ្នកសារព័ត៌មានបានចុះទៅយកព័ត៌មាននិងផ្តិតយករូបភាពនៅក្នុងហេតុការណ៏ទៅតាមវិជ្ជាជីវះ ប៉ុន្តែត្រូវបានក្រុមប៉េអឹមឡុងឈិនសួរមកអ្នកសារព័ត៌មានថាថតរូបធ្វើអី?បើថតហើយឱ្យលុបចោលវិញទៅ!
អ្នកសារព័ត៌មានក៏លុបរូបទៅវិញដោយមិនចង់មានរឿងច្រើន។សម្រាប់វិជ្ជាជីវះអ្នកសារព័ត៌មានគឺចុះយកហេតុការណ៏ដែលកើតឡើងក្នុងសង្គមនិងយកព័ត៌មានដែលពិតដើម្បីផ្សាយជាដំណឹងដល់ប្រជាជនគ្រប់មជ្ឍដ្ឋានឲ្យបានដឹងថានៅក្នុងថ្ងែនេះមានអ្វីកើតឡើងតែប៉ុណ្ណោះ៕
