សៀមរាប៖ ក្នុងពិធីសច្ចាប្រណិធាន នាព្រឹកថ្ងៃទី១៧ ខែមករា ឆ្នាំ២០១៦នេះ របស់នាយទាហានសកម្មជំនាន់ទី១៦នៅប្រាសាទអង្គរវត្ត ឯកឧត្តមឧត្តមសេនីយ៍ឯក ហ៊ុន ម៉ាណែត នាយរងសេនាធិការចំរុះ នៃកងយោធពលខេមរៈភូមិន្ទបានថ្លែងក្នុងពិធីថា កងទ័ពគឺជាកម្លាំងស្នូ
ដ៍សំខាន់ដែលធ្វើឲ្យប្រទេសជាតិមានសន្តិសុខសុវត្ថិភាព និងភាពរីកចំរើន ជាពិសេសគឺការឈរជើងការពារបូរណភាពទឹកដីនៅតាមខ្សែព្រំដែនកម្ពុជា។
ឯកឧត្តមបានបញ្ជាក់ថា ចាប់តាំងពីសម័យបុរាណមកកងទ័ពកម្ពុជាតែងតែមានភាពក្លាហាននិងអង់អាចក្នុងការប្រយុទ្ធជាមួយសត្រូវដើម្បីការពារបូរណភាពទឹកដីរហូតត្រូវបានគេចារ្យទុកនៅលើជញ្ជាំងប្រាសាទអង្គរវត្ត។ហើយថ្មីៗនេះកងទ័ពកម្ពុជាក៍បានបញ្ចេញនូវភាពក្លាហានក្នុងការការពារខ្សែបន្ទាត់ព្រំដែនជាមួយនិងប្រទេសជិតខាងបានយ៉ាងល្អប្រសើរផងដែរ។
ឯកឧត្តមបានណែនាំឲ្យនាយទាហានថ្មីទាំងអស់ត្រូវមានភាពស្មោះត្រង់ចំពោះជាតិនិងមានភាពក្លាហានក្នុងការការពារជាតិឲ្យដូចបុព្វបុរសខ្មែរសម័យមុនដែលត្រូវបានគេចារ្យទុកនៅលើជញ្ជាំងប្រាសាទបុរាណរហូតមកដល់បច្ចុប្បន្ននេះ។ជាពិសេសត្រូវអនុវត្តឲ្យបានតាមការសច្ចាប្រណិធាននៅពេលនេះ។
បើតាមរបាយការណ៍របស់ឯកឧត្តមឧត្តមសេនីយ៍ឯក ផុន សាវ៉ាត នាយកសាលានាយទាហានសកម្មត្មាតពងបានឲ្យដឹងថា នាយទាហានសកម្មជំនាន់ទី១៦ទាំង១០៩នាក់ដែលបានធ្វើសច្ចាប្រណិធាននៅពេលនេះគឺបានឆ្លងកាត់ការហ្វឹហ្វឺយ៉ាងសកម្មទៅលើអន្តរាវុធតាមបណ្តាកងឯកភាពមានដូចជា កងកាំភ្លើងធំ រថក្រោះ ការពារអាកាស សិក្សាស្វែងយល់ពីយុទ្ធវិធីនិងចុះអនុវត្តជាក់ស្តែងនៅតាមបណ្តោយខ្សែបន្ទាត់ព្រំដែនកម្ពុជា ថៃ ទិសយោធភូមិភាគទី៥នៅតំបន់ ស្រុកកំរៀង ភ្នំព្រឹក និងសំពៅលូនជាដើមផងដែរ៕
វេហាស៍
