ខេត្តរតនគិរី៖ បន្ទាប់ពីប្រមុខរាជរដ្ឋាភិបាលកម្ពុជាសម្តេចតេជោហ៊ុនសែន ចេញបទបញ្ជបង្កើតគណ:កម្មាធិការថ្នាក់ជាតិបង្ក្រាបបទល្មើសព្រៃឈើ ដោយមាននាយឧត្តមសេនីយ៍ សៅសុខា អគ្គមេបញ្ជការរងកងយោធពលខេមរភូមិន្ទ នឹងជាមេបញ្ជការកងរាជអាវុធហត្ថលើផ្ទៃប្រទេស
ជាប្រធាន នឹងលោកឧត្តមសេនីយ៍ឯក ហ៊ូ សាគុណ អគ្គស្នងការរងនឹងជាប្រធាននាយកដ្ឋានកណ្តាលព្រំដែនជាអនុប្រធានព្រមទាំងមានសមាជិក៦រូបទៀតគេសង្កេតឃើញថាមន្ត្រីជំនាញនឹងស្តាប័នពាក់ព័ន្ធបានក្រោកពីដំណេកហើយ។
ជាក់ស្តែងនៅព្រឹកថ្ងៃទី២៤ ខែមករា ឆ្នាំ២០១៦នេះកម្លាំងចម្រុះដែលមានសមាជិក១៤រូបដឹកនាំដោយឧត្តមសេនីយ៍ត្រី គឹម រស្មី មេបញ្ជកងរាជអាវុធហត្ថខេត្តរតនគិរី បានចុះត្រួតពិនិត្យច្បាប់នឹងឈើនៅក្នុងរោងចក្រកែច្នៃឈើក្រុមហ៊ុនដូនពេញអាហ្គ្រីកូ មានទីតាំងក្នុងចំការដូងប្រេងក្រុមហ៊ុនហ័ងអាញ់លំផាត់ ស្តិតក្នុងភូមិស្រែឈូក ឃុំជ័យឧត្តម ស្រុកលំផាត់ ខេត្តរតនគិរី។
តាមរបាយការណ៍ សមត្តកិច្ចចម្រុះដែលចុះត្រួតពិនិត្យរោងចក្រខាលើនេះបានឲ្យដឹងថា មានឈើប្រណិត៥៤៤,០៥៦ម៉ែត្រត្រីគុណឈើលេខ១មាន១៧៧៩,៦៩៨ម៉ែត្រត្រីគុណឈើលេខ២មាន២៩៤៣,៩៣២ម៉ែត្រត្រីគុណនឹងឈើលេខ៣មាន១២៧,៩០១ម៉ែត្រត្រីគុណ សរុបទាំងអស់៥៣៩៥,៥៨៧ម៉ែត្រត្រីគុណ(ច្បាប់អនុញ្ញាត)។
សូមបញ្ជក់ផងដែរថា ក្រុមឈ្មួញដែលឆក់ឱកាសកាប់បំផ្លាញព្រៃឈើក្នុងដែនជំម្រកសត្វព្រៃឈើលំផាត់យកមកជ្រកក្រោមស្លាកក្រុមហ៊ុននានា គឺពួកគេតែងប្រើរូបភាពផ្សែងៗគ្នាថាជាឈើក្នុងដែនវិនិយោគរបស់ក្រុមហ៊ុន។
ជាក់ស្តែងឈើដែលកាប់ថ្មីៗទាំងអស់នោះសុទ្ធសឹងយកចេញពីដែលជំម្រកសត្វព្រៃ នឹងយកចេញពីព្រៃសហគមន៍ នានា ឬក៍យកចេញពីឧទ្យានជាតិវរ:ជ័យនៅក្នុងខេត្តរតនគិរី ចំណែកឈើចាស់ដែលក្រុមហ៊ុនប្រមូលនឹងបង់ពន្ធរួច គេមិនបានយកធ្វើការកែច្នៃនោះទេគឺទុកឲ្យពុកចោលតែប៉ុណ្ណោះ ៕
