បន្ទាយមានជ័យ ៖ ការបង្ក្រាប់ការជួញដូរគ្រឿងញៀនទ្រង់ទ្រាយធំដែលមានតម្លៃគិតជាទឹកប្រាប់ប្រមាណជា១០ម៉ឺនដុល្លា របស់សមត្ថកិច្ចនគរបាលក្រសួង និងស្នងការខេត្តបន្ទាយមានជ័យ នៅនឹងបរិវេណវេទិការសាលាខេត្តបន្ទាយមានជ័យ នៅមិនទាន់បញ្ជូនទៅតុលាការនៅឡើយទេ ដោយកំពុងតែចាត់ការស្រាវជ្រាវ រកមេក្លោងនៅពីក្រោយករណីនេះ ។
គ្រឿងញៀនដែលបង្ក្រាបបានខាងលើ ជាប្រភេទ គ្រាប់ជា៩ពាន់គ្រាប់ និងម្សៅក្រាម(Kទឹកកក) ប្រមាណជា១គីឡូក្រាម ដែលត្រូវបានសមត្ថកិច្ចនគរបាលប្រឆាំងបទល្មើសគ្រឿងញៀន នៃស្នងការនគរបាលខេត្តបន្ទាយមានជ័យ សហការជាមួយសមត្ថកិច្ចក្រសួង ធ្វើការបង្ក្រាបបានកាលពីយប់ថ្ងៃទី២១ មករា ២០១៦ នៅក្នុងបរិវេណវេទិការខេត្តបន្ទាយមានជ័យ ។
ជនសង្ស័យដែលត្រូវបានឃាត់ខ្លួនមាន ឈ្មោះ កែវ ពេជ្រ ហៅ ម៉ី អាយុ៣០ឆ្នាំ ត្រូវបានគេសង្ស័យថាជាជនជាតិវៀតណាម មានទីលំនៅនៅរាជធានីភ្នំពេញ បាននាំគ្រឿងញៀនទាំងអស់នោះពីភ្នំពេញមកខេត្តបន្ទាយមានជ័យតាមរថយន្តក្រុង ដើម្បីចែលចាយនៅខេត្តបន្ទាយមានជ័យ ។
តាមការអោយដឹងពីសមត្ថកិច្ច បានអោយដឹងថា ជនសង្ស័យដែលត្រូវឃាត់ខ្លួនកំពុងតែស្ថិតក្នុងការស្រាវជ្រាវ ស៊ើបអង្គេតរកមេក្លោងដែលនៅពីក្រោយខ្នង ព្រោះការជួញដូរគ្រឿងញៀនលើកនេះ គឺជាការជួញដូរទ្រង់ទ្រាយធំ ដែលកិតជាទឹកប្រាក់នៃតម្លៃគ្រឿងញៀនមានតម្លៃរហូតដល់១០ម៉ឺនដុល្លា ដូច្នេះជនសង្ស័យនៅមិនទាន់ត្រូវបានបញ្ជូនទៅតុលាការនៅឡើយទេ ។នេះជាលើកទី១ហើយ សម្រាប់ឆ្នាំ២០១៦ ដែលសមត្ថកិច្ចនគរបាលបានបង្ក្រាប់ការជួញដូរគ្រឿងញៀនយ៉ាងច្រើសន្ធឹកសន្ធាប់ ៕
