ខេត្តកំពង់ឆ្នាំង៖ ព្រឹកថ្ងៃចូលរោងការនៃអាពាហ៍ពិពាហ៍មួយដែលគ្រោងនឹង ត្រូវប្រគុំភ្លេងការប្រាប់ញាតិក្នុងភូមិប្រែជាស្ងប់ស្ងាត់ទៅវិញ ជំនួសមកវិញនូវភាពជ្រួលច្របល់ដល់សាច់ញាតិទាំងសងខាង ព្រោះតែសាម៉ីខ្លួនកូនក្រ មុំបានគេចខ្លួនបាត់ពីផ្ទះទាំងព្រឹកនៅថ្ងៃចូលរោងការ
ភាពភ្ញាក់ផ្អើលនេះបានកើតឡើងម៉ោង៤និង៣០នាទីទៀបភ្លឺថ្ងៃទី២៣ ខែមករា ឆ្នាំ២០១៦ នៅក្នុងភូមិបាញ់ឆ្គោល ឃុំជ្រៃបាក់ ស្រុករលាប្អៀរ ខេត្តកំពង់ឆ្នាំង ។
ស្ត្រីជាម្តាយកូនក្រមុំឈ្មោះ ផាន់ សិរី អាយុ៣៩ឆ្នាំ បានរៀបរាប់អោយដឹងថា៖ កូនស្រីរបស់គាត់ ជាកូនក្រមុំដែលត្រូវចូលរោងការមានឈ្មោះ សុខ សិរីវឌ្ឍន៍ អាយុ២១ឆ្នាំ ជាកម្មការនី បម្រើការងារនៅរោងចក្រអឹមវ៉េ ខេត្តកំ ពង់ឆ្នាំង។ ចំណែកកូនកំលោះ ដែលត្រូវចូលរោងការមានឈ្មោះ ស៊ិន ស៊ីវង៉ុក អាយុ២២ឆ្នាំ រស់នៅ ភូមិបាញ់ឆ្គោល ឃុំជ្រៃបាក់ ស្រុករលាប្អៀរ ដោយពួកគេបានស៊ីស្លាភ្ជាប់ពាក្យតាមប្រពៃណីជិត១ឆ្នាំហើយ។
អ្វីដែលធ្វើអោយគាត់ជាម្តាយខ្មាស់គេនិងហួសចិត្តស្មានមិនដល់នោះ គឺនៅពេលជិតភ្លឺព្រឹកថ្ងៃទី២៣ ខែមករា ដែលជាថ្ងៃចូលរោងការ បែរជាកូនស្រីគាត់ជាកូនក្រមុំត្រៀមចូលរោងការរត់បាត់ពីផ្ទះ ធ្វើអោយញាតិមិត្ត ជិតឆ្ងាយ ភ្ញាក់ផ្អើលនាំគ្នាចាត់មនុស្សដើររកកូនក្រមុំគ្រប់ទិសទី តែរកមិនឃើញ ទូរស័ព្ទក៏មិនចូល ហើយក៏បានដាក់ពាក្យបណ្តឹងទៅសមត្ថកិច្ចមូលដ្ឋានសម្រាប់ជាការដឹងឮ ហើយកូនក្រមុំដែលបាត់ទៅនេះ ជាប់ជាមួយខ្លួនមានគ្រឿងអលង្គការ ខ្សែដៃ ខ្សែក ចិញ្ចៀន មាស និងប្លាទីនប្រមាណជាង១តម្លឹង។
ស្ត្រីជាម្តាយបានអោយដឹងទៀតថា៖ គាត់មិនដឹងថាកូនក្រមុំគាត់ទៅជាមួយអ្នកណានោះទេ ប៉ុន្តែគាត់បានបង្ហើបថា ការបាត់កូនស្រីរបស់គាត់ គឺស្របពេលដែលបុរសម្នាក់ដែលជាអ្នកធ្វើការនៅរោងចក្រអឹមវ៉េជាមួយគ្នាក៏បានបាត់ខ្លួនផងដែរ និងទូរស័ព្ទក៏មិនចូលដែរ។ គាត់មិននឹងស្មានថាកូនស្រីរបស់គាត់ធ្វើបែបនេះទេ ព្រោះការភ្ជា ប់ពាក្យ ពិធីមង្គលការពេលនេះ គឺបានកើតឡើងដោយសារតែមានការយល់ព្រមរវាងកូនស្រីរបស់គាត់ និងកូនកម្លោះនោះផងដែរ។
ក្រោយពីស៊ីស្លាភ្ជាប់ពាក្យជិត១ឆ្នាំនេះ កូនកម្លោះពេលទៅធ្វើការ គឺជិះម៉ូតូឌុបគូដណ្តឹងទៅជាជាមួយគ្នា មិនដែលមានរឿងអ្វីឡើយ និងនៅមុនពេលរៀបមង្គលការ គឺកូនស្រីគាត់មិនបាននិយាយអ្វីនោះទេ ហើ យថែមទាំងកាម៉ង់របស់ល្អៗសម្រាប់ពិធីរៀបការនេះទៀតផង។គាត់បានគ្រោងហៅភ្ញៀវ ប្រមាណជាង៤០០នាក់សម្រាប់ចូលរួមជាកិត្តិយសអាពាហ៍ពិពាហ៍នេះ និងអ្វីៗបានរៀបចំទុកជាស្រេចអស់រួចហើយ តាំងភ្លេពីងប្រពៃណី តន្ត្រីសម័យ ចុងភៅ ភេសជ្ជៈ ដែលគ្រោងចំណាយអស់ជាង៤០០០ដុល្លា។ ជាចុងក្រោយក្នុងនាមគាត់ជាម្តាយសុំសំ ណូមពរអោយកូនស្រីត្រឡប់មកវិញទោះកូននៅទីណាកដោយ ឬខុសឆ្គងយ៉ាងណាក្តី ម្តាយ ឪពុកមិនយកទោសពៃអ្វីទេ អោយតែកូនស្រីវិលត្រឡប់មកផ្ទះវិញ។ ដោយឡែកខាងកូនកម្លោះនិងក្រុមគ្រួសារ អ្នកយកព័ត៌មានយើងមិនអាចទំនាក់ទំនងសុំការបំភ្លឺបានឡើយជុំវិញរឿងខាងលើនេះ៕
