ឧត្តរមានជ័យ៖កាលពីវេលាម៉ោង១២និង៣០នាទី ថ្ងៃទី២៥ ខែមករា ឆ្នាំ២០១៦ កម្លាំងនគរបាលស្រុកអន្លង់វែង ដឹកនាំដោយលវរសេនីយ៍ទោស៊ីម វណ្ណះ អធិការនគរបាលស្រុក បានចុះអនុវត្តដីការបង្គាប់ឲ្យនាំខ្លួនលេខ០០១ ត,ព្រ ចុះថ្ងៃទី១៩ ខែមករា ឆ្នាំ២០១៦ របស់លោក ផេង
កុសល ចៅក្រមសុើបសួរនៃសាលាដំបូងខេត្តឧត្តរមានជ័យ នៅចំណុចភូមិឃ្លាំងកណ្តាល ឃុំត្រពាំងប្រិយ៍ ស្រុកអន្លង់វែង ខេត្តឧត្តរមានជ័យ ។លោកវរសេនីយ៍ទោស៊ីម វណ្ណះ អធិការនគរបាលស្រុក បានអោយដឹងទៀតថា ជនសង្ស័យ ម្នាក់នេះមានឈ្មោះ សយ ឃឹមភេទប្រុសអាយុ២៦ឆ្នាំ មុខរបរជាជាងកាត់សក់ រស់នៅភូមិទំនប់លើ ឃុំត្រពាំងប្រិយ៍ ស្រុកអន្លង់វែង ពីបទជួយដូរដោយខុសច្បាប់នូវសារធាតុញៀន បានប្រព្រឹត្តនៅភូមិស្លែងពណ៍ ឃុំត្រពាំងតាវ ស្រុកអន្លង់វែង កាលពីថ្ងៃទី២៣ ខែវិចិ្ឆកា ឆ្នាំ២០១៥. នៅពេលបច្ចុប្បន្ន កំពុងសាកសួរបន្តនិងរៀបចំបញ្ជូនមកកាន់សាលាដំបូងខេត្តឧត្តរមានជ័យ៕
