ខេត្តកំពង់ធំៈ ប្រជាកសិករដែលមមាញឹក ក្នុងការបង្ករបង្កើនផលស្រូវប្រាំង បាននាំគ្នាត្អូញត្អែរពីបញ្ហាតំលៃ ស្រូវចុះថោកជាងថ្នាំមុន ខណៈពេលដែលទិន្នផលការផលិតស្រូវប្រាំងឆ្នាំនេះ លើសផែនការក្នុងឆ្នាំ២០១៥ ។ លោកពូ ញាណ វុទ្ធី អាយុ៥០ឆ្នាំជាកសិកររស់នៅភូមិគគីរជួ ឃុំព្នៅ ស្រុកសន្ទុក ខេត្តកំពង់ធំបានប្រាប់ឲ្យដឹង លោកបានចាប់អាជីព ធ្វើស្រែប្រាំងនិងស្រូវបណ្តេញទឹកត្រឹមតែ៣០ហិចតា ដោយរកប្រាក់ចំណេញក្នុងមួយឆ្នាំៗបានចាប់ពី៣០លានរៀលទៅ៤០លានរៀល ព្រោះក្នុងមួយឆ្នាំៗគាត់ធ្វើស្រូវប្រាំងបាន២លើក ដោយគិតទិន្នផលនេះគិតជាមធ្យមគឺក្នុង១ហិចតាបានត្រឹម៤តោនកន្លះ ។
ចំណែកកសិករ រស់នៅភូមិស្រយូវ សង្កាត់ស្រយូវ ក្រុងស្ទឹងសែន ខេត្តកំពង់ធំ ខណៈពេលដែលគាត់កំពុងតែ ប្រមូលផលស្រូវ បានកំពុងតែព្រួញបារម្មណ៏យ៉ាងខ្លាំង ចំពោះតម្លៃស្រូវធ្លាក់ចុះជាបន្តបន្ទាប់នៅត្រឹម៧០០រៀល១គីឡូខណៈដែលឆ្នាំមុនតម្លែស្រូវ៨៥០រៀលក្នុង១គីឡូក្រាម ពួកគាត់បានស្នើសុំឲ្យរាជរដ្ឋាភិបាលជួយរកទីផ្សារដែលមានតម្លៃសមរម្យទៅនិងកម្លាំងពលកម្មថ្លៃជីថ្លៃទឹកបញ្ចូលស្រែ។
លោកធីវវណ្ណធី ប្រធានមន្ទីរកសិកម្មខេត្តកំពង់ធំ បានបញ្ជាក់លើរបាយការស្តីពីទិន្នន័យស្រូវប្រាំងនិងស្រូវបណេ្តញទឹក បានកើនឡើងលើសផែនការនៅក្នុងឆ្នាំ២០១៥កន្លងទៅនេះ ខណៈដែលទិន្នផលស្រូវ វស្សានៅឆ្នាំ២០១៥អនុវត្តន៏បាន២១៣៤២៦ហិចតាដែលផែនការត្រឹមតែ២១៣៣០០ហិចតាចំនែកស្រូវបណ្តេញទឹកនិងស្រូវប្រាំង អនុវត្តបាន៤៣៩៩៨ហិចតា ដែលផែនការត្រឹម៣៦០០០ហិចតា!លោកបានបន្តថា!ទិន្នផលស្រូវដែលកើនឡើងនៅក្នុងឆ្នាំ២០១៥កន្លងទៅនេះគឺនៅស្រុកស្ទោង ស្រុកកំពុងស្វាយ ស្រុកបារាយ និងស្រុកសន្ទុក។
ដោយ ប៊ុន រដ្ឋា 
