កំពង់ធំៈ ប្រជាពលរដ្ឋជាច្រើនគ្រួសារ បាននាំគ្នាដាំបន្លែងគ្រប់មុខ ដើម្បីដោះស្រាយសេដ្ឋកិច្ចជីវភាពគ្រួសារ ដែលអាចរកចំណូលបានកាកកប បន្ទាប់ពីការងារធ្វើស្រែចំការ ប្រជាពលរដ្ឋបាន នាំចាប់យកអាជីពដំបន្លែរ នៅក្នុងបរិវេណផ្ទះរបស់ខ្លួន ដើម្បីរកចំនូល ស្ថិតនៅក្នុងភូមិកំពង់សំរោង សង្កាត់ស្រយូវ ក្រុងស្ទឹងសែន ខេត្តកំពង់ធំ ។
ទិដ្ឋភាពនៅមុខផ្ទះរបស់អ្នកភូមិកំពង់សំរោង គេសង្កេតឃើញ ប្រជាពលរដ្ឋគាត់នាំគ្នាដាំស្ពៃ ខាត់ណា សាឡាត់ ដោយខុសពីប្រជាកសិករឯទៀតគាត់ដាំ ជាទូទៅធ្លាប់តែឃើញកសិករគាត់ដាំបន្លែនៅលើផ្ទៃដីផ្ទាល់ តែសម្រាប់អ្នកភូមិកំពង់សំរោង គាត់បាននាំគ្នាធ្វើរានខ្ពស់ពីដី ប្រមាណកន្លះម៉ែត្រ ហើយបានយកដីជីមកដាក់ក្រាលនៅលើរាន ដែលបានរៀបចំទុកជាច្រើន ក្រោយមកគាត់បានសាបគ្រាប់បន្លែ ក្រោយពីដុះហើយ គាត់បានយកមកដាំតាមការត្រៀមទុក និងបានធ្វើឲ្យបន្លែរបស់កសិករនៅទីនេះ ល្អនិងគ្មានជាតគេមី និងលក់ដាច់ជាបន្លែងដាំនៅលើដីផ្ទាល់។
អ្នកមីងម្នាកជាកសិករដាំបន្លែបាន ឲ្យដឹងថា មូលហេតុដែលបានដាំបន្លែសាឡាត់នៅលើរងនេះ គឺអ្នកខ្លះគេ ធ្វើរាននេះជាថ្ម អ្នកខ្លះធ្វើអំពីឈើ ដែលអាចប្រើប្រាស់ក្នុងការដាំម្តង ២ទៅ៣ឆ្នាំ ដោយផ្អែកទៅលើរាន្ទពុក ផុយឬអត់ សម្រាប់គុណប្រយោជន៍ដែលបានធ្វើជារាន្ទនេះ គឺទីមួយការពារសត្វល្អិត ទី២ ការពារការឆ្លងរោគ ផ្សេងៗ និងងាយស្រួលក្នុងការថែរក្សា កាដាំរបៀបនេះគឺពុំចាំបាច់ប្រើប្រាស់ថ្នាំបាញ់នោះទេ គឺដំណាំល្អគ្មាន ការរំខានពីសត្វល្អិត សម្រាប់ការថែរក្សាគឺដាក់ជីលាមកសត្វ និងស្រោចទឹកតាមធម្មតា ហើយអាចប្រមូលផល ចាប់តាំងពីដាំក្នុងរយះពេលត្រឹមតែ ១ខែប៉ុណ្ណោះ។
អ្នកស្រីបានរៀបរាប់ថា ចំណែកទីផ្សារ គឺមានគេមកទិញដល់ផ្ទះ ដើម្បីយកទៅលក់បន្ត ជាពិសេសតាម ភោជនីយ៍ដ្ឋាន សណ្ឋាគារ កាម៉ង់ទិញ ដោយសារតែបន្លែទីនេះ ពុំមានប្រើប្រាស់ជាតិគេមី និងអាចរកចំណូលបានក្នុងមួយថ្ងៃ ២០ម៉ឺនទៅ ២៥ម៉ឺនរៀល ជាពិសេសក្នុងឪកាសបុណ្យចូលឆ្នាំចិននេះ មានការកាម៉ង់ ទិញជាច្រើន ។ ដោយ ប៊ុន រដ្ឋា
