កំពង់ធំៈ រថយន្តដឹកស្រាបៀរមួយគ្រឿងប្រភេទយីឌុប ពាក់ស្លាកលេខ 3C-6002 ម៉ាក់ហ៊ីយ៉ានដាយ ក្បាលពណ៌ សរ ទ្រុងពណ៌ខៀវ ដែលបានដឹកស្រាបៀរនាំចូលពីថៃ តាមច្រកប៉ោយប៉ែត ឆ្លងការខេត្តកំពង់ធំ ត្រូវបានជាប់អន្ទាក់សាខាគយខេត្តកំពង់ធំ ដោយសារតែសមត្ថកិច្ចគយអះអាងថា ស្រាបៀរទាំនេះមានភាពមិនប្រកតី និងត្រូវបានឃាត់ទាំងរថយន្ត និងស្រាបៀរ ដែលបានផ្ទុកនៅលើឡាន កាលពីថ្ងៃទី ២១ ខែមករាឆ្នាំ ២០១៦ រហូតមកដល់ថ្ងៃទី ២៧ ខែមករា ឆ្នាំ ២០១៦ក៏ពុំទាន់ មានដំណោះស្រាយនោះឡើយ។
រថយន្តដឹកស្រាបៀរ មួយគ្រឿង ដែលបានផ្ទុកស្រាបៀរ២ ប្រភេទទី១ ស្រាបៀរHeineken ទី២ស្រាបៀរCrown ដែលបាននាំចូលដោយក្រុមហ៊ុន Cambodia Brawaiy Limited ( CBL ) ត្រូវបានសមត្ថកិច្ច សាខាគយខេត្តកំពង់ធំ បានរក្សាទុកនៅទីស្នាក់ការសាខាគយស្ថិតនៅភូមិ បាល្ល័ង្គ សង្កាត់ដំរីជាន់ខ្លា ក្រុងស្ទឹងសែន ខេត្តកំពង់ធំ ។
លោក ហួត ដាហួន អនុការិយាល័យសាខាគយ ខេត្តកំពង់ធំ បានឲ្យដឹងថា ក្នុងតួនាទីភារៈកិច្ចការចាប់ឃាត់ទំនិញដែលល្មើសច្បាប់ សំខាន់ឲ្យតំណាងក្រុមហ៊ុនចូលទៅដោះស្រាយជាមួយថ្នាក់លើ ដោះស្រាយលឿនកាលណាទំនិញរបស់អ្នកនិងបានឆាប់ពេលហ្នឹង ខ្ញុំមិនមានម៉ាស៊ីត្រជាក់ថែរក្សាទុកទំនិញនោះទេ ហើយទំនិញរបស់អ្នកនាំចូលពុំបានបញ្ជាក់ថាល្អឬមិនល្អឬល្អកំរិតប៉ុន្មានភាគរយដែរ គ្រាន់តែចាប់ឃាត់២ទៅ៣ថ្ងៃ ទម្រាំតែបំពេញបែបបទចប់ វាមិនអាចធ្វើឲ្យខូចគុណភាពទេ លុះត្រាតែក្រុមហ៊ុនហ្នឹងនាំអាខូចគុណភាពស្រាប់ហ្នឹងចូលមក ការលើកឡើងនេះមិនមែនចោទថាក្រុមហ៊ុនហ្នឹងនាំចូលខូចគុណភាពទេ តែបើក្រុមហ៊ុន ហ្នឹងមានចេតនាអញ្ចឹងបានសេចក្តីថា ទំនិញហ្នឹងនាំចូលអាជិតខូចគុណភាពហើយ ។
លោកហួត ដាហួន បានបន្តថា ស្រាបៀរដែលត្រូវបានឃាត់ទុកនេះមានស្រាបៀរ Heinekenដប១០០០កេស ស្រាបៀរ Heinekenកំប៉ុង៣០០កេស និងស្រាបៀរCrown៥០០កេស សរុបទាំងអស់ ១៨០០កេស សម្រាប់និតិវិធីសម្រាប់ការត្រួតពិនិត្យ គឺមានការណែនាំមិនឲ្យឃាត់ឆែកគ្រប់ឡាននោះទេគឺឃាត់ចំពោះរថយន្តដែល មានការរាយការណ៍ច្បាស់លាស់ សម្រាប់ការចាប់ឃាត់រថយន្តនេះ គឺទាមទារឲ្យតំណាងក្រុមហ៊ុននាំយកឯកសារនាំចូលមកធ្វើការផ្ទៀងផ្ទាត់ ចំនួនទំនិញ និងការបិទតែមគយដែលបិទនៅសំបកកេសវិចខ្ចប់ និងមានការ បរិច្ឆេតច្បាស់លាស់ ដើម្បីឲ្យវាស៊ីចង្វាក់គ្នានិងឯកសារនាំចូល មិនមែនចេះតែយកអានេះ យកអានោះមកបិទ បិទឲ្យតែមានត្រារបស់គយបិទបាននោះទេ ដោយសារតែមានប្រភេទត្រាសម្រាប់បិទលើមុខទំនិញ ចំណែកស្រាបៀរដែលត្រូវបានឃាត់នេះ គឺម្ចាស់បានយកឯកសារមអះអាងទំនិញនាំចូលពីច្រកប៉ោយប៉ែត តែបិទតែគយពីក្រុងព្រះស៊ីហនុ ក្រោយពេលពិនិត្យគឺមានចំនុចមិនប្រកតី និងធ្វើការផ្ទៀងផ្ទាត់គឺខុសគ្នាហើយត្រូវបានឃាត់ទុកបណ្តោះអាសន្នសិន និងបានធ្វើកំណត់ហេតុល្មើសមួយបញ្ជូនទៅអគ្គនាយកសម្រាប់វិនិច្ឆ័យ សម្រាប់ការផាកពិន័យកំរិតណានោះ ឬនិតិវិធីនោះ គឺជាសិទ្ធិរបស់អគ្គនាយក ។
ដោយ ប៊ុន រដ្ឋា
