ភ្នំពេញ៖ មានហេតុការណ៍គ្រោះថ្នាក់ចរាចរណ៍មួយបង្កឡើងដោយសារបុរសម្នាក់ស្រវឹងស្រាជិះម៉ូតូសេ១០០(សងកូរ៉េ)ក្នុងល្បឿនយ៉ាងលឿនហើយធ្លាក់ជង្ហុករ៉េចង្កូតទៅបុកបង្កោលភ្លើងបណ្ដាលឲ្យរងរបួសធ្ងន់ កាលពីវេលាម៉ោង២១និង៣០នាទីយប់ថ្ងៃទី១៣ខែឧសភា ឆ្នាំ២០១៤ នៅចំណុចខាងត្បូងប្រេងឥន្ទះសូគីម៉ិច តាមបណ្ដោយផ្លូវលេខ២១៧ សង្កាត់ជើងឯក ខណ្ឌដង្កោ ។
តាមសាក្សីនៅកន្លែងកើតហេតុបានឲ្យដឹងថា មុនពេលកើតហេតុគេបានឃើញម៉ូតូមួយគ្រឿងម៉ាកសេ១០០(សងកូរ៉េ) ពណ៌ក្រហម បើកបរដោយឈ្មោះម៉ៅ ភេទប្រុសអាយុ២២ឆ្នាំ មុខរបជាជាងផ្សារដែក ធ្វើដំណើរតាមបណ្ដោយផ្លូវលេខ២១៧ក្នុងទិសដៅពីជើងទៅត្បូងក្នុងល្បឿនយ៉ាងលឿនលុះមកដល់ចំណុចកើតហេតុស្រាប់តែធ្លាក់ជង្ហុកហើយរ៉េចង្កូតទៅបុកនិងប
ង្កោលភ្លើងបណ្ដាលឲ្យបោកក្បាលខ្ទប់និងបង្កោលភ្លើងបណ្ដាលឲ្យរងរបួសធ្ងន់ ត្រូវបានរថយន្តសង្គ្រោះដឹកទៅសង្គ្រោះភ្លាម។ ក្រោយពេលកើតហេតុសមត្ថកិច្ចបានចុះមកដល់ចំណុចកើតហេតុនិងយកម៉ូតូទៅរក្សាទុកនៅអធិការដ្ឋាននគរបាលខណ្ឌដង្កោដើម្បីរងចាំដោះស្រាយពេលក្រោយ៕
