កំពត៖ បុរសម្នាក់ត្រូវបានជនមិនស្គាល់លួចបាញ់ឲ្យរងរបួសម្រាមដៃឆ្វេងមួយគ្រាប់ជិតដាច់ម្រាម ដោយអាវុធAK កាលពីវេលាម៉ោង៨•៣០នាទីយប់ថ្ងៃទី២៧ខែមករាឆ្នាំ២០១៦ស្ថិតភូមិព្រៃពាយ ឃុំត្រពាំងភ្លាំង ស្រុកឈូក ជាប់និងព្រំប្រទល់ឃុំស្ទឹងកែវ ស្រុកទឹកឈូ។
យោងតាមសំដីស្ត្រីឈ្មោះ ពៅ ភាព អាយុ៣៦ឆ្នាំជាប្រពន្ឋជនរងគ្រោះបានឲ្យដឹងថាៈ នៅមុនពេលកើតហេតុ គោដែលចងនៅក្រោមផ្ទះបានរបូតចំណង រួចប្តីគាត់(ជនរងគ្រោះ) ចុះពីលើផ្ទះទៅចាប់គោចង ក្រោយពីចងគោហើយប្តីគាត់បានឡើងមកលើផ្ទះវិញរួចបិទគន្លឹះទ្វា រៀបនិងចូលដេក ស្រាប់តែឮសូរសម្រឹបជើងមនុស្សដើរនៅពីមុខផ្ទះ ពេលនោះប្តីគាត់ក៍បានកាន់ពឹល
ចុចសំដៅមាត់ទ្វាផ្ទះ ប៉ុន្តែមិនទាន់បើកទ្វាទេ គាត់លបមើលតាមប្រហោងទ្វា មិនទាន់ទាំងឃើញអ្វីផងស្រាប់តែស្នូរផ្ទះអាវុធប្រាវបាញ់ពីមុខផ្ទះមកសំដៅមាត់ទ្វាផ្ទះបណ្តាលឲ្យធ្លាយមាត់ទ្វាផ្ទះរួចត្រូវម្រាមដៃប្តីគាត់ខាងឆ្វេងបន្ទាប់កូនដៃបែកឆ្អឹងជិតដាច់ម្រាមដៃ។ក្រោយពីកើតហេតុជិតកន្លះម៉ោងក្រោយមក ទើបម្តាយបង្កើតប្តី ត្រូវនិងម្តាយក្មេកខ្លួន និងក្មួយៗដែលមានផ្ទះនៅជិតគ្នាមកសួរនាំ រួចហើយក៍នាំអ្នករងគ្រោះមកកាន់មណ្ឌលសុខភាពឃុំស្ទឹងកែវដែលនៅជាប់ព្រំប្រទល់និងកន្លែងកើតហេតុដើម្បីឲ្យពេទ្យរុំរបួសទាំងយប់។ប្រភពដដែលឲ្យដឹងទៀតថាៈ នៅវេលាម៉ោង២រំលងអាធ្រាតទើបកំលាំងនគរបាលប៉ុស្តិនិងកំលាំងអធិការស្រុកឈូកទៅដល់កន្លែងកើតហេតុដើម្បីពិនិត្យ។លោក អួន សីុវុធថា អធិការងទទួលបន្ទុកព្រហ្មទណ្ឌ័ស្រុកឈូកបានឲ្យដឹងថាៈជនរងគ្រោះមានឈ្មោះ ផាត់ តាប់ ភេទប្រុស អាយុ ៣៥ឆ្នាំបានរងរបួសម្រាមដៃឆ្វេងបន្ទាប់ពីកូនដៃ ដោយជនមិនស្គាល់លបបាញ់និងអាវុធAKចំនួនពីរទៅបីគ្រាប់គឺផ្ទុះដោយស្វយ័ប្រវត្តមួយប្រាវប៉ុន្តែនៅកន្លែងកើតហេតុសមត្ថកិច្ចដែលចុះទៅពិនិត្យឃើញសំបកគ្រាប់អាវុធAk តែមួយគ្រាប់ទេនិងត្រូវធ្លាយមាត់ទ្វាផ្ទះតែមួយកន្លែងដែរ។ លោកបន្តទៀតថាៈជុំវិញករណីលប
បាញ់ជនរងគ្រោះពីសំណក់ជនមិនស្គាល់មុខនេះ តាមការសន្និដ្ឋានជាបឋមមិនមែនជាករណីប្លន់ទេ អាចជារឿងគុំនុំច្រើនជាង ពីព្រោះជនរងគ្រោះមានជីវភាពជាមធ្យមមិនជាអ្នកមានទ្រព្យសម្បត្តិអ្វីធំដុំនោះទេ។លោកបន្តទៀតថាៈ នៅក្នុងករណីនេះខាងលើនេះសមត្ថកិច្ចក៍មិនទាន់បានសាកសួរនិងស្រាវជ្រាវប្រភពពត៌មានពីជនរងគ្រោះឲ្យបានជាក់លាក់នៅឡើយដោយពេលនេះជនរងគ្រោះកំពុងស្ថិតនៅក្នុងមន្ទីរពេទ្យនៅឡើយ។ ប៉ុន្ដែទោះ បីយ៉ាងណាសមត្ថកិច្ចនិងស្រាវជ្រាវរកមុខសញ្ញាជនល្មើសឲ្យទាល់តែឃើញក្នុងពេលដ៍ខ្លីខាងមុខនេះ៕
