ភ្នំពេញ កម្មករសំណង់ ០៣ នាក់ដែលជាជើងកាងនៅក្នុងកន្លែងការដ្ធានសំណង់បូរី ប៉េង ហួត បានព្រួតគ្នាធ្វើសកម្មភាពវាយទៅលើកម្មករសំណង់ម្នាក់បណ្តាលអោយរងរបួសធ្ងន់បែកក្បាលដេរ ៦០ ថ្នេរត្រូវបានសមត្ថកិច្ចចាប់ខ្លួនបានកាលពីថ្ងៃទី ១២ ខែឧសភា ឆ្នាំ ២០១៤ វេលាម៉ោង ១១ និង ៤០ នាទីនៅភូមិ បាយ៉ាប ផ្លូវ ១៩៨២ សង្កាត់ ភ្នំពេញថ្មី ។
សមត្ថកិច្ចបាននិយាយថា ក្រោយពីបានទទួលនៅពាក្យបណ្តឹងភ្លាមសមត្ថកិច្ចទៅដល់កន្លេងកើតហេតុស្តីពីករណីហឹង្សាដោយចេតនាបានឃាត់ខ្លួនជនដៃដល់ចំនួន ០៣ នាក់ជាក់ស្តែងទី០១ ឈ្មោះ ខឿន ពិសី ភេទប្រុស អាយុ ២១ ឆ្នាំ ទី០២ ឈ្មោះ ហ៊ុន សារឿត ភេទ ប្រុស អាយុ ២០ ឆ្នាំ និង ទៅ០៣ ឈ្មោះអ៊ុក សុខជា ភេទ ប្រុស អាយុ ១៩ ឆ្នាំ ទាំង០៣នាក់ជាកម្មករសំណង់ស្នាក់ក្នុងការដ្ធានសំណង់ខាងលើ ឃាត់ខ្លួន ចំណែកជនរងគ្រោះមានឈ្មោះ ងួងួន រចនា ភេទ ប្រុស អាយុ ២០ ឆ្នាំស្នាក់នៅជាមួយគ្នារងរបួសធ្ងន់ ដេរ ៦០ថ្នេរ វត្ថុតាងដកហូតបានមានម៉ូតូ C 100 កូរ៉េ ពណ៍ក្រហមពាក់ស្លាកលេខ ពោធិសាត់ ១C៨០១៥ ។
សមត្ថកិច្ចបានបន្តថា មុនពេលកើតហេតុជនសង្សយ័ទាំង ០៣ នាក់និងជនរងគ្រោះបានផឹកស្រាស្រវឹងស្រែកឡូរឡាពេលនោះជនរងគ្រោះបានចេញដើរទៅដេកមុនបានធ្វើអោយពួកគេខឹង ក៍យកដុំថ្មមកវាយ និងគប់បែកក្បាលបណ្តាលអោយរងរបួសធ្ងន់កាលពីវេលាម៉ោង ០៩ និង ១០ នាទីយប់ថ្ងៃទី ១២ ខែឆ្នាំដដែលត្រូវបានក្រុមគ្រួសារដឹកបញ្ជូនទៅកាន់មន្ទីរពេទ្យពញរះកុសមះ ៕
